यूहन्ना 7:37 - Halbi

³⁷ परब चो आखरी दिन, जोन मुख्य दिन आय, ईशु उबा होलो आउर हाग देऊन भाती बल्लो, “अगर कोनी प्यासा आसे तेबे मोचो लगे ऐओ आउर पिओ।

परमेस्वर को सच्चो वचन ख जाननू

³⁷ तिहार ख आखरी अऊर सबसे खास दिन यीसु न खड़ो होका बड़ी जोर कि आवाज म बोल्यो, जे कोई भी प्यासो हैं उ मोरो जोने आय, अऊर

यूहन्ना 7:37 ပူးပေါင်းရင်းမြစ်များ

मत्ती 11:28

“हे सपाय मसागत करतो बितामन आउर बोजा ले चेपाय होलो लोगमन, मोचो लगे ईआ; मय तुमके आराम देयेंदे।

मत्ती 3:3

ऐ हुनी आय जेचो बारे ने यशाया अगम गिआनी बोलु रलो: “छिड़ा जगा ने गोटक हाग देतो बिता चो शब्द सुना देयसे, कि परबु चो बाट तिआर करा, हुनचो बाटमन सीदा करा।”

मत्ती 5:6

“धन्य आत हुनमन, जोन धारमिकता चो भुकाहा आउर प्यासा आत, कसनबल्लोने हुनमन संतुष्ट करा जादे।”

यूहन्ना 1:23

हुन बल्लो, “जसन यशाया अगम गिआनी बल्लो से, ‘मय रान ने गोटक हाग देतो बिता चो शब्द आय कि तुमी परबु चो बाट सलकाहा’।”

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

यूहन्ना 4:10

ईशु जबाप दिलो, “अगर तुय माहापुरू चो बरदान के जानतीस आउर ये बले जानतीस कि हुन कोन आय जोन तुचो ले बलें सें, ‘मोके पानी पिआव,’ तेबे तुय हुनचो ले मांगतीस, आउर हुन तुके जीवना चो पानी देतो।”

यूहन्ना 4:11

बायले लेकी हुनचो ले बल्ली, “हे परबु, तुचो लगे पानी भरतो काजे तो काई आसे बले नाई आउर चुंआ गड़ीयां आसे; तेबे फेर हुन जीवना चो पानी तुचो लगे काहां ले ईली?

यूहन्ना 4:14

मान्तर जोन कोनी हुन पानी थानले पिये दे जोन मय हुनके देयें दें, हुन फेर अनंत काल तक पिआसा नी होये दे; मान्तर जोन पानी मय हुनके देयें दें, हुन हुन थाने गोटक झरन बनुन जाये दे जोन अमर जीवना चो काजे उमड़ते रये दे।”

यूहन्ना 5:40

फेर बले तुमी जीवना पावतो काजे मोचो लगे ऐऊक नी चाहास।

यूहन्ना 6:35

ईशु हुनमन ले बल्लो, “जीवना चो रोटी मय आय: जोन मोचो लगे ऐऊ आय हुन केबीई भूके नी होये, आउर जोन मोचो उपरे बिश्वास करू आय हुन केबीई पिआस नी होये।

यूहन्ना 6:37

जोन काई बुआ मोके देऊ आय हुन सपाय मोचो लगे ऐये दे, आउर जोन कोनी मोचो लगे ऐये दे हुनके मय केबीई नी निकरायें दे।

यूहन्ना 6:55

कसनबल्लोने मोचो मास सते ने खातोर तीज आय, आउर मोचो लऊ सते ने पिवतोर तीज आय।

यूहन्ना 7:28

तेबे ईशु मंदिर ने उपदेश देते-देते हाग देऊन भाती बल्लो, “तुमी मोके जानास, आउर ऐ बले जानास कि मय काहां चो आंय। मय तो खुद ले नी ईले, मान्तर मोचो पटाऊ बिता सते आय, हुनके तुमी नी जानास।

1 कुरिन्थियो 10:21

तुमी परबु चो बटकामन आउर दुष्टआत्मामन चो बटकामन दुनो थानले नी पीऊक सकास। तुमी परबु चो मेज आउर दुष्टआत्मामन चो मेज दुनो चो शामिल नी होऊक सकास।

1 कुरिन्थियो 10:4

आउर सपाय गोटक ची आत्मिक पानी पिवला, कसनबल्लोने हुनमन हुन आत्मिक पकना ले पिवते रवत जोन हुनमन चो संगे-संगे जाते रली, आउर हुन पकना मसीह रये।

1 कुरिन्थियो 11:25

ऐई रीति ले हुन बिआरी चो पाटकुती बटका बले धरलो आउर बल्लो, “ऐ बटका मोचो लऊ ने नवा बायदा आय: जेबे केबीई पिआ, तेबे मोचो सुरता काजे ऐई करा।”

1 कुरिन्थियो 12:13

कसनबल्लोने आमी सपाय काय यहूदी होओत काय यूनानी, काय दास होओ काय छुटछाड़ा, गोटक ची आत्मा चो बाटले गोटक देंह होतो काजे डूबन धरलु, आउर आमी सपाय के गोटक ची आत्मा पिआया गेली।

इफिसीयो 5:18

दाखरस ले मतवार नी बना, कसनबल्लोने ऐचो ले लुचपन होऊ आय, मान्तर आत्मा ले भरपूर होते जाआ,

प्रकाशितवाक्य 21:6

फेर हुन मोचो ले बल्लो, “ऐ गोठमन पुरा होली से। मय अलफा आउर ओमेगा, मुर आउर आखरी आंय। मय पिआसा के जीवना चो पानी चो सतान थानले सेंत मेंत पिआयें दें।”

प्रकाशितवाक्य 22:1

फेर हुन मोके बिल्लोर चो असन झलक तो बिती, जीवना चो पानी चो लंदी दकालो, जोन माहापुरू आउर मेमना चो सिंघासन ले निकरून भाती

प्रकाशितवाक्य 22:17

आत्मा आउर दुली दुनो बले सोत, “आव!” “आउर सुनतो बिता बले बोलो,” “आव!” “जोन पिआस आसे हुन ऐओ, आउर जोन कोनी चाह ले हुन जीवन चो पानी सेंत मेंत धरो।”