यूहन्ना 7:31 - Halbi

³¹ फेर बले भीड़ थानले खुबे असन लोगमन हुनचो उपरे बिश्वास करला, आउर बोलुक मुरयाला, “मसीह जिदलदाय ऐये दे तो काय ऐचो ले खुबे अकचकित काम दकाय दे जोन ऐ दकालो?”

परमेस्वर को सच्चो वचन ख जाननू

³¹ फिर भी भीड़ म से ढ़ेर सारा न ओपर भरोसा करियो अऊर कहन लग गया, “जब मसी आहे, ते का उ यू इंसान से बड़ ख चिन्ह करे?”

यूहन्ना 7:31 ပူးပေါင်းရင်းမြစ်များ

मत्ती 12:23

ऐ थाने सपाय लोग भकवा होऊन भाती बोलुक मुरयाला, “ऐ काय दाऊद चो पिला आय!”

लूका 8:13

पकना उपर चो हुनमन आत कि जिदलदाय सुनु आत, तेबे हरिक ले बचन के गरहन तो करू आत, मान्तर चेर नी धरलो ले हुनमन खिन्डिक समया ले बिश्वास संगाऊ आत आउर परीक्षा चो बेरा बहकुन जाऊ आत।

यूहन्ना 11:45

तेबे जोन यहूदी मरियम चो लगे ऐऊ रवत आउर हुनचो ऐ काम दकुन रओत, हुनमन थानले खुबे असन हुनचो उपरे बिश्वास करला।

यूहन्ना 12:11

कसनबल्लोने हुनचो लागुन खुबे असन यहूदी जाते गेला आउर ईशु उपरे बिश्वास करला।

यूहन्ना 12:42

तेबले बले अधिकारीमन थानले खुबेमन हुनचो उपरे बिश्वास करला, मान्तर फरीसीमन चो लागुन उजागर ने नी मानते रवत, काहांय असन नी होओ कि हुनमन आराधना घर थानले निकराया जाओत।

यूहन्ना 2:11

ईशु गलील चो काना गाँव ने आपलो ऐ पयला चिना दकाऊन भाती आपलो महिमा उजागर करलो आउर हुनचो चेलामन हुनचो उपरे बिश्वास करला।

यूहन्ना 3:2

हुन राती दाय ईशु चो लगे ऐऊन भाती हुनचो ले बल्लो, “हे रब्बी, आमी जानु से कि तुय माहापुरू चो बाटले गुरू होऊन भाती ईली सीस, कसनबल्लोने कोनी ऐ चिनामन के जोन तुय दकाय सीस, अगर माहापुरू हुनचो संगे नी रवो तो नी दकाऊक सकतीस।”

यूहन्ना 4:29

“ईआ, गोटक माने के दका, जोन सपाय काई जोन मय करले मोके सांगुन दिलो। काय ऐ तो मसीह नुआय?”

यूहन्ना 4:39

हुन नंगर चो खुबे असन सामरीमन हुन बायले लेकी चो बोलतो ने ईशु उपरे बिश्वास करला; कसनबल्लोने हुन ऐ गोहई देऊ रली, हुन सपाय काई जोन मय करले से, मोके सांगुन दिलो।

यूहन्ना 6:2

आउर गोटक बड़े भीड़ हुनचो पाटे होला कसनबल्लोने जोन अकचकित काम हुन बेमारीमन उपरे दकाते रये हुनमन हुनमन दकते रवत।

यूहन्ना 7:26

मान्तर दका, हुन तो खुलम खुला गोठमन करू आय आउर कोनी हुनके काई नी बलोत। काय सरदारमन सत-सत जानला सोत कि ऐई मसीह आय?

यूहन्ना 9:16

ऐ थाने कितलो फरीसी बोलुक मुरयाला, “ऐ माने माहापुरू चो बाटले नुआय, कसनबल्लोने हुन सब्त चो दिन के नी माने।” दुसरमन बल्ला, “पापी मनुक असन चिना कसन दकाऊक सकु आय?” आउर हुनमन ने फुट पड़ली।

प्रेरितो 8:13

तेबे शिमोन खुद बले बिश्वास करलो आउर डूबन धरून भाती फिलिप्पुस चो संगे रऊक मुरयालो। हुन चिना आउर बड़े-बड़े सामरत चो काम होतोर के दकुन भाती भकवा होते रलो।

याकूब 2:26

आउर जसन देंह आत्मा बिना मरलीसे, असने ची बिश्वास बले करम बिना मरलीसे।