यूहन्ना 7:16 - Halbi

¹⁶ ईशु हुनमन के जबाप दिलो, “मोचो उपदेश मोचो नुआय, मान्तर मोके पटाऊ बिता चो आय।

परमेस्वर को सच्चो वचन ख जाननू

¹⁶ यीसु न जवाब दियो, जो मी सिखऊँ हैं उ मोरो खुद को ग्यान नी हाय, बल्कि यू परमेस्वर कि तरफ से आय, जेना मोखा भेज्यो हैं।

यूहन्ना 7:16 ပူးပေါင်းရင်းမြစ်များ

यूहन्ना 14:10

काय तुय बिश्वास नी करीस कि मय बुआ ने आंसे आउर बुआ मचो थाने आसे? ऐ गोठमन जोन मय तुमके बलें सें, आपलो बाटले नी बोलें, मान्तर बुआ मोचो थाने रऊन भाती आपलो कामकरू आय।

यूहन्ना 14:24

जोन मोचो ले मया नी संगाये, हुन मोचो बचन नी माने; आउर जोन बचन तुमी सुनु आहास हुन मोचो नुआय मान्तर बुआ चो आय, जोन मोके पठालो।

यूहन्ना 17:14

मय तुचो बचन हुनमन के अमराऊन दिले से; आउर संवसार हुनमन ले बईर करली, कसनबल्लोने जसन मय संवसार चो नुआय, असने ची हुनमन बले संवसार चो नुआत।

यूहन्ना 17:8

कसनबल्लोने जोन बचन तुय मोके दिलीस, मय हुनके हुनमन के अमराऊन दिले; आउर हुनमन हुनके गरहन करला, आउर सत-सत जानला से कि मय तुचो बाटले ईले से, आउर बिश्वास करले से कि तुय ची मोके पठालीस।

यूहन्ना 3:11

मय तुचो ले सत-सत बलें सें कि आमी जोन जानु आंव हुन बोलु आंव, आउर जोन के आमी दकलु से हुनचो गोहई देऊ आंव, आउर तुमी आमचो गोहई गरहन नी करास।

यूहन्ना 3:31

“जोन उपर ले ऐऊ आय हुन सपाय ले अच्छा आय; जोन धरतनी ले ऐऊ आय हुन धरतनी चो आय, आउर धरतनी चो ची गोठमन के बोलु आय: जोन सरग ले ऐऊ आय, हुन सपाय ले उपरे आसे।

यूहन्ना 5:30

“मय आपन खुद ले काई नी करूक सके; जसन सुनु आय, असने नियाय करू आंय; आउर मोचो नियाय सते आय, कसनबल्लोने मय आपलो इच्छा नाई मान्तर आपलो पठाऊ बिता चो इच्छा चाहायें से।

यूहन्ना 6:44

कोनी मोचो लगे नी ऐऊक सकोत जिदलदाय ले बुआ, जोन मोके पठालो से, हुनके झिकुन नी धरो; आउर मय हुनके आखरी दिने फेर जी उठाये दे।

यूहन्ना 8:28

तेबे ईशु बल्लो, “जिदलदाय तुमी माने चो बेटा के डेंग थाने चेगाहा से, तेबे जाना से कि मय हुनी आंय; मय आपन खुद ले काई नी करे मान्तर जसन मोचो बुआ मोके सिका लो असने ची ऐ गोठमन बलें सें।

2 यूहन्ना 1:9

जोन कोनी मसीह चो सिक्या ले पयले बडुन जाऊ आय आउर हुन थाने बनुन नी रये, हुनचो लगे माहापुरू निआय, जोन कोनी हुनचो सिक्या ने थीर रऊ आय, हुनचो लगे बुआ बले आसे आउर बेटा बले।

प्रकाशितवाक्य 1:1

ईशु मसीह चो परकाशन बचन, जोन हुनके माहापुरू ऐईकाजे दिलो कि आपलो दासमन चो हुन गोठमन, जेचो झटके होतोर जरूर आय, दकाओ; आउर हुन आपलो सरगदूत के पटाऊन भाती हुनचो दुवारा आपलो दास यूहन्ना के सांगलो,