यूहन्ना 6:68 - Halbi

⁶⁸ शिमोन पतरस हुनके जबाप दिला, “हे परबु, आमी काचो लगे जाऊँ दे? अमर जीवना चो गोठमन तो तुचीई लगे आसे;

परमेस्वर को सच्चो वचन ख जाननू

⁶⁸ समोन पतरस न ओखा जवाब दियो, “अरे प्रभु हम कोन को जोने जाए? अनन्त जीवन कि बात हुन तो तोरो ही जोने हैं।

यूहन्ना 6:68 ပူးပေါင်းရင်းမြစ်များ

मत्ती 16:16

शिमोन पतरस जबाप दिलो, “तुय जीवता माहापुरू चो बेटा मसीह आस।”

मरकुस 8:29

हुन हुनमन ले पचारलो, “मान्तर तुमी मोके काय बोलु आहास?” पतरस हुनके जबाप दिलो, “तुय मसीह आस।”

लूका 9:20

हुन हुनमन ले पचारलो, “मान्तर तुमी मोके काय बोलु आस?” पतरस जबाप दिलो, “माहापुरू चो मसीह।”

यूहन्ना 12:49

कसनबल्लोने मय आपलो बाटले गोठ नी गोठया यें; मान्तर बुआ जोन मोके पठालो से हुनी मोके हुकुम दिलो से कि काय-काय बलेंदें आउर काय-काय सांगेंदें?

यूहन्ना 12:50

आउर मय जाने से कि हुनचो हुकुम अमर जीवना आय। येई काजे मय जोन काई बोलु आंय, हुन जसन बुआ मोचो ले बल्लो से असने ची बोलु आंय।”

यूहन्ना 17:8

कसनबल्लोने जोन बचन तुय मोके दिलीस, मय हुनके हुनमन के अमराऊन दिले; आउर हुनमन हुनके गरहन करला, आउर सत-सत जानला से कि मय तुचो बाटले ईले से, आउर बिश्वास करले से कि तुय ची मोके पठालीस।

यूहन्ना 5:24

मय तुमचो ले सते-सते बलें सें, जोन मोचो बचन सुनुन भाती मोचो पठालोबितामन थाने बिश्वास करू आय, अमर जीवना हुनचो आय; आउर हुनचो उपरे डण्ड चो हुकुम नी होये मान्तर हुन मरना ले निकरून भाती जीवना ने परवेश होऊन चुकलो से।

यूहन्ना 6:40

कसनबल्लोने मोचो बुआ चो इच्छा ऐई आय कि जोन कोनी बेटा के दके दे आउर हुनचो उपरे बिश्वास करे दे, हुन अमर जीवना पाओ; आउर मय हुनके आखरी दिने फेर जीव उठायें दें।”

यूहन्ना 6:63

आत्मा तो जीवन देऊ आय, देंह ले काई लाब नाई; जोन गोठमन मय तुमचो ले बल्ले से हुन आत्मा आय, आउर जीव बले आय।

प्रेरितो 13:26

हे भाईमन, तुमी जोन अब्राहाम चो पिलामन आस; आउर तुमी जोन माहापुरू ले डरू आस, तुमचो लगे ऐ मुक्ति चो बचन पटाया गेली से।

प्रेरितो 4:12

“कोनी दुसर चो बाटले मुक्ति निआय; कसनबल्लोने सरग चो खाले मानेमन ने आउर कोनी दुसर नाव नी दिया गेली, जेचो बाटले आमी मुक्ति पाऊक सकु।”

प्रेरितो 5:20

“जाआ, मंदिर ने उबा होऊन भाती ऐ जीवन चो सपाय गोठमन लोगमन के सुनाआ।”

प्रेरितो 7:38

ऐ हुनी आय, जोन रान ने कलीसिया चो मंजी हुन सरगदूत चो संगे सीनै डोंगरी थाने हुनचो ले गोठयालो, आउर आमचो बुआ दादीमन चो संगे रलो, हुनी के जीवता बचन मिरो, कि आमचो लगले अमराओत।

प्रेरितो 8:37

फिलिपुस बल्लो, “अगर तुय पुरा मन ले बिश्वास करे सीस तो धरूक सकीस।” हुन जबाप दिलो, “मय बिश्वास करें से कि ईशु मसीह माहापुरू चो बेटा आय।”