यूहन्ना 6:46 - Halbi

⁴⁶ ऐ नाई कि कोनी बुआ के दकला से; मान्तर जोन माहापुरू चो बाटले आय, मात्र हुनी ची बुआ के दकलो से।

परमेस्वर को सच्चो वचन ख जाननू

⁴⁶ असो नी हाय कि कोइ न बाप ख देख्यो हैं; पर जे परमेस्वर कि ओर से हैं, सिर्फ उईच न बाप ख देख्यो हैं।

यूहन्ना 6:46 ပူးပေါင်းရင်းမြစ်များ

मत्ती 11:27

“मोचो बुआ मोके सब कुछ सोपलो से; आउर कोनी बेटा के नी जानोत, मात्र बुआ; आउर कोनी बुआ के नी जानोत, मात्र बेटा; आउर हुन जेचो उपरे बेटा हुनके उजागर करूक चाहाओ।

लूका 10:22

मोचो बुआ मोके सब कुछ सोपुन दिलो से; आउर कोनी नी जानोत कि बेटा कोन आय मात्र बुआ, आउर बुआ कोन आय ऐ बले कोनी नी जानोत मात्र बेटा चो आउर हुन जेचो उपरे बेटा हुनके उजागर करूक चाहाओ।”

यूहन्ना 1:18

माहापुरू के कोनी केबीई नी दकला, एकला बेटा जोन बुआ चो कोरा ने आसे, हुनी ची हुनके उजागर करलो।

यूहन्ना 14:7

अगर तुमी मोके जानु रतास, तेबे मोचो बुआ के बले जानतास; आउर अदायं हुनके जानास, आउर तुमी हुनके दकला साआस बले।”

यूहन्ना 15:24

अगर मय हुनमन थाने हुन काम नी करते जोन आउर कोनी नी करला, तेबे हुनमन पापी नी ठेबता; मान्तर अदायं तो हुनमन मोके आउर मोचो बुआ दुनो के दकला आउर दुनो ले बईर करला।

यूहन्ना 5:37

आउर बुआ जोन मोके पठालो से, हुनी मोचो गोहई दिलो से। तुमी ना केबीई हुनचो शब्द सुनलास, आउर ना हुनचो रूप दकलासास;

यूहन्ना 7:29

मय हुनके जाने कसनबल्लोने मय हुनचो बाटले आंय आउर हुनी ची मोके पठालो से।”

यूहन्ना 8:19

हुनमन हुनचो ले बल्ला, “तुचो बुआ काहां आसे?” ईशु जबाप दिलो, “ना तुमी मोके जानास, ना मोचो बुआ के, अगर मोके जानतास तो मोचो बुआ के बले जानतास।”

यूहन्ना 8:55

तुमी तो हुनके नी जानलास: मान्तर मय हुनके जाने; अगर मय बलें दें कि मय हुनके नी जाने, तेबे मय तुमचो असन फंदी ठेबेंदे: मान्तर मय हुनके जाने, आउर हुनचो बचन थाने चलु आंय।

कुलुस्सियो 1:15

बेटा तो नी दका देतो माहापुरू चो सवरूप आउर पुईतराय बरमाण्ड ने पयलवात आय।

1तीमुथियुस 6:16

आउर अमरता मात्र हुनचेई आय, आउर हुन अगममय उजर ने रऊ आय, आउर ना हुनके कोनी माने दकला आउर न केबीई दकुक सके। हुनचो मान आउर राज जुग-जुग रये दे। आमीन।

1यूहन्ना 4:12

माहापुरू के केबीई कोनी नी दकला; अगर आमी आपस ने मया संगावां, तेबे माहापुरू आमचो ने बनुन रऊ हाय आउर हुनचो मया आमचो ने सिद्ध होऊन गेली से।