यूहन्ना 6:39 - Halbi

³⁹ आउर मोके पठालो बिता चो इच्छा ऐई आय कि जोन काई हुन मोके दिलो से, हुन थानले मय काई नी हजायें, मान्तर हुनके आखरी दिने फेर जीव उठायें।

परमेस्वर को सच्चो वचन ख जाननू

³⁹ अर मोरो भेजन वालो कि मर्जी या हैं कि जो कुछ ओ ना मोखा दियो हैं, ओमन से मी कुछ नी खुवान को पर ओखा आखरी दिन फिर से जिन्दो करूँ।

यूहन्ना 6:39 ပူးပေါင်းရင်းမြစ်များ

मत्ती 10:15

मय तुमचो ले सते बलेंसें कि नियाय चो दिने हुन नंगर चो हाल ले सदोम आउर अमोरा चो देश चो हाल खुबे कटलातो लायक होयदे।”

मत्ती 18:14

असने ची तुमचो बुआ चो जोन सरग ने आसे ऐ इच्छा नुआय कि ऐ नानीमन थानले गोटक बले नष्ट होओ।

लूका 12:32

“हे नानी गोहड़ी, नी डर; कसनबल्लोने तुमचो बुआ के ऐ भावली से, कि तुमके राज देओ।

यूहन्ना 12:48

जोन मोके तुच्छ जानु आय आउर मोचो गोठमन गरहन नी करे से हुनके दोषी ठेबातो बिता तो गोटक आसे: बल्लोने जोन बचन मय बल्ले से, हुनी पाचे चो दिन ने हुनके दोषी ठेबायदे।

यूहन्ना 17:12

जिदलदाय मय हुनमन चो संगे रये, तेबे मय तुचो हुन नाव ले, जोन तुय मोके दिली सीस हुनचो राका करले। मय हुनचो राका जागा करले, आउर बिनाश चो बेटा के छांडुन हुनमन थानले कोनी नष्ट नी होला, ऐईकाजे कि पवितर शास्त्र ने जोन बोला गेली हुन पुरा होओ।

यूहन्ना 17:2

कसनबल्लोने तुय हुनके सपाय जीव जन्तुमन थाने अधिकार दिलीस, कि जोनमन के तुय हुनके दिली सीस हुन सपाय के हुन अमर जीवना देस।

यूहन्ना 17:24

हे बुआ, मय चाहायें से, कि जोनमन के तुय मोके दिली सीस, जोन थाने मय आसे हुन थाने हुनमन बले मोचो संगे रवत, कि हुनमन मोचो हुन महिमा के दकोत जोन तुय मोके दिली सीस, कसनबल्लोने तुय जगत चो उपजास ले पयले मोचो ले मया संगालीस।

यूहन्ना 17:6

“मय तुचो नाव हुन मानेमन थाने उजागर करले से जोन के तुय जगत थानले मोके दिलीस। हुनमन तुचो रवत आउर तुय हुनमन के मोके दिलीस, आउर हुनमन तुचो बचन के मानला सोत।

यूहन्ना 17:9

मय हुनमन काजे गुहार करें से; जगत चो काजे बिनती नी करे मान्तर हुनमन चो काजे जोनमन के तुय मोके दिली सीस, कसनबल्लोने हुनमन तुचो आत;

यूहन्ना 18:9

ऐ ऐईकाजे होली कि हुन बचन पुरा होओ जोन हुन बोलुन रये: “जोनमन के तुय मोके दिलीस हुनमन थानले मय गोटक के बले नी हजाले।”

यूहन्ना 5:28

ऐचो ले अकचकित नी करा; कसनबल्लोने हुन समया ऐये से कि जितरो कबरमन ने आसोत हुनमन हुनचो शब्द सुनुन भाती निकरून ऐ दे।

यूहन्ना 6:37

जोन काई बुआ मोके देऊ आय हुन सपाय मोचो लगे ऐये दे, आउर जोन कोनी मोचो लगे ऐये दे हुनके मय केबीई नी निकरायें दे।

यूहन्ना 6:40

कसनबल्लोने मोचो बुआ चो इच्छा ऐई आय कि जोन कोनी बेटा के दके दे आउर हुनचो उपरे बिश्वास करे दे, हुन अमर जीवना पाओ; आउर मय हुनके आखरी दिने फेर जीव उठायें दें।”

यूहन्ना 6:44

कोनी मोचो लगे नी ऐऊक सकोत जिदलदाय ले बुआ, जोन मोके पठालो से, हुनके झिकुन नी धरो; आउर मय हुनके आखरी दिने फेर जी उठाये दे।

यूहन्ना 6:54

जोन मोचो मास खाऊ आय आउर मोचो लऊ पीऊ आय, अमर जीवना हुनचेई आय; आउर मय हुनके आखरी दिने फेर जियाऊन उठायें दें।

रोमियो 8:11

अगर हुनचेई आत्मा जेचो ने ईशु के मरलो बितामन थानले जिआलो, तुमनमन ने बसलोर आसे; तेबे जोन मसीह के मरलो बितामन थानले जिआलो, हुन तुमचो नाश होतो बिती देंहमन के बले आपलो आत्मा चो बाटले जोन तुमनमन ने बसलोर आसे, जिआय दे।

1 कुरिन्थियो 6:14

माहापुरू आपलो सामरत ले परबु के जिआलो, आउर आमके बले जीआये दे।

2 तीमुथियुस 2:19

तेबले बले माहापुरू चो पक्का पाया बनुन रऊ आय, आउर हुन थाने ऐ छाप लगली से: “परबु आपलो लोग के चिताऊ आय,” आउर “जोन कोनी परबु चो नाव धरू आय हुन अधरम ले बाचुन रओ।”

याकूब 5:15

आउर बिश्वास चो पारथना चो दुवारा रोगी बाचुन जायदे आउर परबु हुनके उठाऊन भाती उबा करेदे; आउर अगर हुन पाप बले करलो से, तो हुनमन चो बले छमा होयदे।

1 पतरस 1:5

जेचो रक्षा माहापुरू चो सामरत ले बिश्वास चो दुवारा हुन मुक्ति चो काजे, जोन ऐतो बिती समया ने परकट होतो बिती आय, करा जाऊ आय।

यहूदा 1:1

यहूदा चो बाटले जोन ईशु मसीह चो दास आउर याकूब चो भाई आय, हुन हाग दिलो बितामन चो नाव जोन माहापुरू बुआ ने लाडरा आउर ईशु मसीह चो काजे अच्छा आसे।