यूहन्ना 6:37 - Halbi

³⁷ जोन काई बुआ मोके देऊ आय हुन सपाय मोचो लगे ऐये दे, आउर जोन कोनी मोचो लगे ऐये दे हुनके मय केबीई नी निकरायें दे।

परमेस्वर को सच्चो वचन ख जाननू

³⁷ जो कुछ परमेस्वर बाप मोखा देवा हैं उ सब मोरो जोने आहेगो, अऊर जो कोई मोरो जोने आएँगो ओखा मी कभी नी निकालन को।

यूहन्ना 6:37 ပူးပေါင်းရင်းမြစ်များ

मत्ती 11:28

“हे सपाय मसागत करतो बितामन आउर बोजा ले चेपाय होलो लोगमन, मोचो लगे ईआ; मय तुमके आराम देयेंदे।

मत्ती 24:24

“कसनबल्लोने झूठा मसीह आउर फंदी अगम गिआनी उठून उबा हो दे, आउर बड़े चिना, आउर भयंकर काम दका दे कि अगर होऊक सको तो चुनलो बितामन के बले भरमादे।

यूहन्ना 17:11

मय अदायं जगत ने नी रयें दे, मान्तर ऐ मन जगत ने रदे, आउर मय तुचो लगे ऐयें से। हे पवितर बुआ, आपलो हुन नाव ले जोन तुय मोके दिली सीस, हुनचो राका कर कि हुनमन आमचो असन गोटक होवत।

यूहन्ना 17:2

कसनबल्लोने तुय हुनके सपाय जीव जन्तुमन थाने अधिकार दिलीस, कि जोनमन के तुय हुनके दिली सीस हुन सपाय के हुन अमर जीवना देस।

यूहन्ना 17:24

हे बुआ, मय चाहायें से, कि जोनमन के तुय मोके दिली सीस, जोन थाने मय आसे हुन थाने हुनमन बले मोचो संगे रवत, कि हुनमन मोचो हुन महिमा के दकोत जोन तुय मोके दिली सीस, कसनबल्लोने तुय जगत चो उपजास ले पयले मोचो ले मया संगालीस।

यूहन्ना 17:6

“मय तुचो नाव हुन मानेमन थाने उजागर करले से जोन के तुय जगत थानले मोके दिलीस। हुनमन तुचो रवत आउर तुय हुनमन के मोके दिलीस, आउर हुनमन तुचो बचन के मानला सोत।

यूहन्ना 6:39

आउर मोके पठालो बिता चो इच्छा ऐई आय कि जोन काई हुन मोके दिलो से, हुन थानले मय काई नी हजायें, मान्तर हुनके आखरी दिने फेर जीव उठायें।

यूहन्ना 6:65

आउर हुन बल्लो, “ऐईकाजे मय तुमचो ले बोलुन रले कि जिदलदाय ले काकीई बुआ चो बाटले ये बर नी दिया जाए तेबे तक हुन मोचो लगे नी ऐऊक सके।”

यूहन्ना 9:34

हुनमन हुनके जबाप दिला, “तुय तो बिलकुल पापमन ने जनमली सीस, तुय आमके काय सिकाय सीस?” आउर हुनमन हुनके बाहरे निकराऊन दिला।

रोमियो 5:20

नियम मंजी ने ऐऊन गेली कि अपराध खुबे होओ, मान्तर जोन थाने पाप खुबे होली हुन थाने अनुग्रह हुनचो ले बले कितलो आगर होली,

फिलिप्पियो 1:29

कसनबल्लोने मसीह चो लागुन तुमचो उपरे ऐ अनुग्रह होली कि ना मात्र हुनचो उपरे बिश्वास करा मान्तर हुनचो काजे दुख बले उठाआ;

1तीमुथियुस 1:16

मान्तर मोचो उपरे ऐईकाजे दया होली कि मय सपाय ले बड़े पापी ने ईशु मसीह आपलो पुरा सयनशक्ति दकालो, कि जोन लोग हुनचो उपरे अमर जीवना चो काजे बिश्वास कर दे हुनमन काजे मय गोटक नमूना बने।

2 तीमुथियुस 2:19

तेबले बले माहापुरू चो पक्का पाया बनुन रऊ आय, आउर हुन थाने ऐ छाप लगली से: “परबु आपलो लोग के चिताऊ आय,” आउर “जोन कोनी परबु चो नाव धरू आय हुन अधरम ले बाचुन रओ।”

इब्रानियो 4:15

कसनबल्लोने आमचो असन माहायाजक नुआय जोन आमचो कमजोरीमन ने आमचो संगे दुकी नी होऊक सको; मान्तर हुन सपाय गोठमन ने आमचो असन परका तो गेलो, तेबे बले पाप नी निकरली।

इब्रानियो 7:25

ऐईकाजे जोन हुनचो दुवारा माहापुरू चो लगे ऐऊ आत, हुन हुनमन चो पुरा-पुरा मुक्ति करूक सके, कसनबल्लोने हुन हुनमन चो काजे गुहार करतो काजे हरमेशा जीव आसे।

1यूहन्ना 2:19

हुनमन निकरला सोत तो आमची थानले, मान्तर आमीमन थानचो रला नाई; कसनबल्लोने माना हुनमन आमीमन थानो होता, तेबे आमचो संगे रता; मान्तर निकरून ऐईकाजे गेला कि ऐ परकट होओ कि हुनमन सपाय आमीमन थानो नुआत।

प्रकाशितवाक्य 22:17

आत्मा आउर दुली दुनो बले सोत, “आव!” “आउर सुनतो बिता बले बोलो,” “आव!” “जोन पिआस आसे हुन ऐओ, आउर जोन कोनी चाह ले हुन जीवन चो पानी सेंत मेंत धरो।”