यूहन्ना 6:27 - Halbi

²⁷ नाश करतो बिती भात काजे मसागत नी करा, मान्तर हुन भात चो काजे जोन अमर जीवना तक ठेबु आय, जेके माने चो बेटा तुमके देये दे; कसनबल्लोने बुआ बल्लोने माहापुरू हुनचेई उपरे छापा लगालो से।”

परमेस्वर को सच्चो वचन ख जाननू

²⁷ नास होन वालो खाना को लाने मेहनत मत करो, पर उ खाना को लाने जो अमर (अनन्त) जीवन तक ठहरो रहवा हैं, जोका इंसान को पोरिया तुम ख देहे; काहेकि बाप ऐकोमतलब परमेस्वर न ओपर मोहर लगायो हैं।”

यूहन्ना 6:27 ပူးပေါင်းရင်းမြစ်များ

मत्ती 17:5

हुन बलते रलो कि गोटक उजर बादरी हुनमन के छांई होली, आउर हुन बादरी थानले ऐ शब्द निकरली, “ऐ मोचो लाड़रा बेटा आय, जेचो ले मय हरिक आंसे: ऐचो सुना।”

मत्ती 25:46

आउर ऐ हरमेशा चो डण्ड भोगदे मान्तर धरमी अमर जीवना ने ओलदे।”

मत्ती 3:17

आउर ऐ आकाशबानी होली, “ऐ मोचो लाड़रा बेटा आय, जेचो ले मय खुबे हरिक आंसे।”

मत्ती 6:19

“आपलो काजे धरतनी ने धन रूंडा नी करा, जोन थाने कीड़ा आउर काई नशाऊ आत, आउर जोन थाने चोर सेंध लगाऊ आत आउर चोरू आत।

मत्ती 8:20

ईशु हुनचो ले बल्लो, “लोकड़लीमन चो भील आउर बादरी चो चड़ीईमन चो डेरामन होऊ आय; मान्तर माने चो बेटा चो काजे मुण्ड संगातोर बले जगा निआय।”

मरकुस 1:11

आउर ऐ आकाशबानी होली, “तुय मोचो लाड़रा बेटा आस, तुचो ले मय हरिक आंसे।”

मरकुस 9:7

तेबे गोटक बादरी हुनमन के ढ़ापली, आउर हुन बादरी थानले ऐ शब्द निकरली, “ऐ मोचो लाड़रा बेटा आय, ऐचो सुना।”

लूका 3:22

आउर पवितर आत्मा देंह चो रूप ने परेयां चो असन हुनचो उपरे उतरली, आउर ऐ आकाशबानी होली “तुय मोचो लाड़रा बेटा आस, मय तुचो ले हरिक आंसे।”

लूका 9:35

तेबे हुन बादरी थानले ऐ शब्द निकरली, “ऐ मोचो बेटा आउर मोचो चुनलोर आय, ऐचो सुना।”

यूहन्ना 10:28

आउर मय हुनमन के अमर जीवना देऊ आंय। हुन केबे नष्ट नी होये, आउर कोनी हुनमन के मोचो हाथ ले झिकुन नी धर दे।

यूहन्ना 11:42

मय जानते रले कि तुय हरमेशा मोचो सुनु आस, मान्तर जोन भीड़ लगे-लगे उबा आसे, हुनचो लागुन मय ऐ बल्ले, जेचो ले कि हुनमन बिश्वास करोत कि तुय मोके पठाली सीस।”

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

यूहन्ना 15:24

अगर मय हुनमन थाने हुन काम नी करते जोन आउर कोनी नी करला, तेबे हुनमन पापी नी ठेबता; मान्तर अदायं तो हुनमन मोके आउर मोचो बुआ दुनो के दकला आउर दुनो ले बईर करला।

यूहन्ना 17:2

कसनबल्लोने तुय हुनके सपाय जीव जन्तुमन थाने अधिकार दिलीस, कि जोनमन के तुय हुनके दिली सीस हुन सपाय के हुन अमर जीवना देस।

यूहन्ना 3:15

बल्ले जोन कोनी हुनचो उपरे बिश्वास करो हुन अमर जीवना पाओ।”

यूहन्ना 3:33

जोन हुनचो गोहई गरहन करला हुन ऐ गोठ थाने छापा लगाऊन दिला कि माहापुरू सते आय।

यूहन्ना 6:40

कसनबल्लोने मोचो बुआ चो इच्छा ऐई आय कि जोन कोनी बेटा के दके दे आउर हुनचो उपरे बिश्वास करे दे, हुन अमर जीवना पाओ; आउर मय हुनके आखरी दिने फेर जीव उठायें दें।”

यूहन्ना 6:47

मय तुमचो ले सत-सत बलें सें कि जोन कोनी बिश्वास करू आत, अमर जीवना हुनचेई आय।

यूहन्ना 6:51

जीवन चो रोटी जोन सरग ले उतरली, मय आय। अगर कोनी ऐ रोटी थानले खाओत, तेबे हरमेशा जीव रदे; आउर जोन रोटी मय जगत चो जीव काजे देयें दें, हुन मोचो मास आय।”

यूहन्ना 6:53

ईशु हुनमन ले बल्लो, “मय तुमचो ले सत-सत बलें सें कि जिदलदाय ले तुमी माने चो बेटा चो मास नी खाहास, आउर हुनचो लऊ नी पिआ, तुमचो ने जीव निआय।

यूहन्ना 6:54

जोन मोचो मास खाऊ आय आउर मोचो लऊ पीऊ आय, अमर जीवना हुनचेई आय; आउर मय हुनके आखरी दिने फेर जियाऊन उठायें दें।

यूहन्ना 6:58

जोन रोटी सरग ले उतरली ऐई आय, हुन रोटी चो समान नाई जोन के बुआ दादीमन खादला आउर मरला; जोन कोनी ऐ रोटी खादे, हुन हरमेशा जीव रदे।”

यूहन्ना 6:62

अगर तुमी माने चो बेटा के जोन थाने हुन पयले रये, हुता उपरे जातो के दका से, तेबे काय होये दे?

यूहन्ना 6:68

शिमोन पतरस हुनके जबाप दिला, “हे परबु, आमी काचो लगे जाऊँ दे? अमर जीवना चो गोठमन तो तुचीई लगे आसे;

यूहन्ना 8:18

गोटक तो मय खुद आपलो गोहई देऊ आंय, आउर दुसर बुआ मोचो गोहई देऊ आय जोन मोके पठालो।”

प्रेरितो 10:38

माहापुरू कोन रीति ले ईशु नासरी के पवितर आत्मा आउर सामरत ले अभिषेक करलो; हुन भलाई करते आउर सपाय के जोन शयतान चो कन्दरालोर रवत, अच्छा करते फिरलो, कसनबल्लोने माहापुरू हुनचो संगे रलो।

प्रेरितो 2:22

“हे इस्राएलीमन, ऐ गोठमन सुना ईशु नासरी गोटक माने रलो जेचो माहापुरू चो बाटले होतोर सबुत हुन सामरत चो काममन आउर अकचकित चो काममन आउर चिनामन ले उजागर आसे, जोन माहापुरू तुमचो मंजी हुनचो बाटले करून दकालो जेके तुमी खुदे ची जानेसास।”

रोमियो 4:11

हुन खतना चो चिना पावलो कि हुन बिश्वास चो धारमिकता थाने छाप होऊन जाओ जोन हुन बिना खतना चो हाल ने संगाऊ रलो, जेचो ले हुन-हुन सपाय चो बुआ ठेबो जोन बिना खतना चो हाल ने बिश्वास करू आत बल्ले हुनमन बल्ले धरमी ठेबोत;

रोमियो 6:23

कसनबल्लोने पाप चो भुती तो मरना आय, मान्तर माहापुरू चो बर आमचो परबु मसीह ईशु थाने अमर जीवन आय।

1 कुरिन्थियो 6:13

भात पेट चो काजे, आउर पेट भात काजे आय, मान्तर माहापुरू ऐके आउर हुनके दुनो के नष्ट करे दे। मान्तर देंह बेबीचार चो काजे नुआय, मान्तर परबु चो काजे आय, आउर परबु देंह चो काजे आय।

1 कुरिन्थियो 9:2

अगर मय दुसरमन चो काजे पठालोबिता नुआय, तेबले बले तुमचो काजे तो आंय; कसनबल्लोने तुमी परबु ने मचो पठालो बिती थाने छाप आहास।

2 कुरिन्थियो 4:18

आउर आमी तो दकलो बिती तीजमन के नाई मान्तर नी दकलो बिती तीजमन के दकते रऊ आंव; कसनबल्लोने दकलो बिती तीजमन खिन्डिक ची दिन चो आय, मान्तर नी दकलो बिती तीजमन हरमेशा बनुन रऊ आय।

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

फिलिप्पियो 2:13

कसनबल्लोने माहापुरू ची आय जोन आपलो अच्छा इच्छा संगे तुमचो मन ने इच्छा आउर काम, दुनो गोठमन चो करतोर असर डाललो से।

कुलुस्सियो 1:29

ऐचीई काजे मय हुनचो हुन शक्ति चो अनुसार जोन मोचो ने सामरत चो संगे असर करू आय, तनमन लगाऊन भाती मसागत बले करू आंय।

कुलुस्सियो 2:22

(ऐ सपाय तीजमन काम ने आनते-आनते नष्ट होऊन जायेदे) कसनबल्लोने ऐ मानेमन चो हुकुममन आउर सिक्यामन चो अनुसार आय।

कुलुस्सियो 3:2

धरतनी थानो चो नाई मान्तर सरग चो तीजमन ने धिआन लगाहा,

1 थिस्सलुनीकियो 1:3

आउर आपलो माहापुरू आउर बुआ चो पुरे तुमचो बिश्वास चो काम, आउर मया चो मसागत, आउर आमचो परबु ईशु मसीह ने आशा चो धीरता के सरलगा, सुरता करूं आंव।

2 तीमुथियुस 2:19

तेबले बले माहापुरू चो पक्का पाया बनुन रऊ आय, आउर हुन थाने ऐ छाप लगली से: “परबु आपलो लोग के चिताऊ आय,” आउर “जोन कोनी परबु चो नाव धरू आय हुन अधरम ले बाचुन रओ।”

इब्रानियो 12:16

असन नी होओ कि कोनी जन बेबीचारी, नाहले एसाव चो असन अधरमी होओ जोन गोटक हार चो भात चो पलटा आपलो पयलवात होतोर पन बिकुन दिलो।

इब्रानियो 4:11

आउर आमी हुन विश्राम ने ओलतोर कोशिश करूं, असन नी होओ कि कोनी झन हुनमन चो असन हुकुम नी मानुन भाती घसरुन पड़ोत।

याकूब 1:11

कसनबल्लोने बेर उदते ची चड़ चड़ा घाम छेकु आय आउर लाटा के सुकान देऊ आय, आउर हुनचो फुल झडुन जाऊ आय आउर हुनचो सुन्दर जाते रऊ आय। असने परकार सवकार बले आपलो बाट थाने हिन्ड़ते-हिन्ड़ते धुरला ले मिलुन जायदे।

1 पतरस 1:24

कसनबल्लोने “हरकोनी जीव लाटा चो असन आत, आउर हुनचो सपाय शोभा लाटा चो फुल चो असन आय। लाटा सुकुन जाऊ आय, आउर फुल झडुन जाऊ आय,

2 पतरस 1:17

कसनबल्लोने जिदलदाय हुन माहापुरू बुआ ले ईजीत आउर महिमा पावलो आउर हुन परतापमय महिमा थानले ऐ आवाज ईली, “ऐ मोचो लाड़रा बेटा आय, जेचो ले मय हरिक आंसे।”