Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




यूहन्ना 5:39 - Halbi

39 तुमी पवितर शास्त्र ने डगराऊ आहास, कसनबल्लोने समजु आहास कि हुन थाने अमर जीवना तुमके मिरू आय; आउर ऐ हुनी आय जोन मोचो गोहई देऊ आय;

အခန်းကိုကြည့်ပါ။ ကော်ပီ

परमेस्वर को सच्चो वचन ख जाननू

39 तुम सुध्द सास्र म ढुँढ़ा हैं, काहेकि समझा हैं कि उनमा अनन्त जीवन तुम ख मिला हैं; अर यू उई आय जो मोरी गवाई देवा हैं;

အခန်းကိုကြည့်ပါ။ ကော်ပီ




यूहन्ना 5:39
51 ပူးပေါင်းရင်းမြစ်များ  

ईशु हुनमन के जबाप दिलो, “तुमी पवितर शास्त्र आउर माहापुरू चो सामरत नी जानास; ऐई कारन भुल ने पड़ला सास।


हुन हुनमन के जबाप दिलो, “मूसा तुमके काय हुकुम दिलो से?”


काय तुमीमन पवितर शास्त्र ने ऐ बचन नी पढ़लास: ‘जोन पकना के राजमिस्त्रीमन बेकार ठेबाऊ रला, हुनी कोनया चो मुंडी पकना होली;


अब्राहाम हुनचो ले बल्लो, ‘हुनमन चो लगे तो मूसा आउर अगम गिआनीमन चो किताबमन आसे, हुनमन हुनचेई सुनोत।’


हुन हुनचो ले बल्लो, ‘जिदलदाय हुनमन मूसा आउर अगम गिआनीमन चो नी सुनोत, तेबे अगर मरलो बितामन थानले कोनी जीव बले उठ दे तेबले बले हुनचो नी मान दे’।”


तेबे हुन हुनमन ले बल्लो, “हे निरबुद्धिमन, आउर अगम गिआनीमन चो सपाय गोठमन थाने बिश्वास करतो ने मंदमतिमन!


तेबे हुन मूसा ले आउर सपाय अगम गिआनीमन ले आरम करून सपाय पवितर शास्त्रमन थानले आपलो बारे ने लिकलोर गोठमन चो अरत, हुनमन के समजाऊन दिलो।


फेर हुन हुनमन ले बल्लो, “ऐ मोचो हुन गोठमन आय, जोन मय तुमचो संगे रतो दाय तुमचो ले बोलुन रले कि जरूरी आय कि जितरो गोठमन मूसा चो नियम आउर अगम गिआनीमन आउर भजनमन चो किताबमन ने मोचो बारे ने लिकलोर आसे, सपाय पुरा होओ।”


फिलिप्पुस नतनएल के भेट होलो आउर हुनचो ले बल्लो, “जेचो बरनन मूसा नियम ने आउर अगम गिआनीमन करला सोत, हुन आमके मिरली; हुन यूसुफ चो बेटा, ईशु नासरी आय।”


गोटक आउर आसे जोन मोचो गोहई देऊ आय, आउर मय जाने कि मोचो जोन गोहई हुन देऊ आय, हुन सत आय।


मान्तर मोचो लगे जोन गोहई आसे हुन यूहन्ना चो गोहई ले बड़े आय; कसनबल्लोने जोन काम बुआ मोके पुरा करतो काजे सोपलो से बल्लोने ऐई काम जोन मय करू आंय, हुनमन मोचो गोहई आत कि बुआ मोके पठालो से।


फेर बले तुमी जीवना पावतो काजे मोचो लगे ऐऊक नी चाहास।


कसनबल्लोने अगर तुमी मूसा चो बिश्वास करतास, तेबे मोचो बले बिश्वास करतास, ऐईकाजे कि हुन मोचो बारे ने लिकलो से।


हुनमन हुनके जबाप दिला, “काय तुय बले गलील चो आस? डगराव आउर दक कि गलील ले कोनी अगम गिआनी उजागर नी होओत।”


कसनबल्लोने यरूशलेम चो रतो बितामन आउर हुनमन सरदारमन, ना हुनके चिताला आउर ना अगम गिआनीमन चो गोठमन समजला, जोन हर सब्त चो दिने पढ़ा जाऊ आय, ऐईकाजे हुनके दोषी ठेबाऊन भाती हुन गोठमन के पुरा करलो।


ऐ लोग तो थिसलुनी चो यहूदीमन ले अच्छा रवत, आउर हुनमन बड़े लालच ले बचन गरहन करला, आउर रोजे दिना पवितर शास्त्रमन ने डगराते रला कि ऐ गोठमन असने ची आय कि नुआय।


हे राजा अग्रिप्पा, काय तुय अगम गिआनीमन चो बिश्वास करू आस? हव, मय जाने कि तुय बिश्वास करू आस।


जेचो हुन पयले ची ले आपलो अगम गिआनीमन चो बाटले पवितर शास्त्र ने,


हर परकार ले खुबे काई। पयले तो ऐ कि माहापुरू चो बचन हुनमन के सोपाय गेली।


मसीह चो बचन के आपलो मन ने जादा ले जादा बसुक दिआस, आउर सीद गिआन संगे गोटक दुसर के सिकाआ आउर जनावा, आउर आपलो-आपलो मन ने अनुग्रह चो संगे माहापुरू चो काजे भजन आउर स्तुति गीत आउर आत्मिक गीत गाहा।


मान्तर हुनमन गोटक बड़ीया बल्लोने सरगर देश चो इच्छुक आत; ऐईकाजे माहापुरू हुनमन चो माहापुरू बलाय जातो ने हुनमन ले नी लाज होये, कसनबल्लोने हुन हुनमन चो काजे गोटक नंगर तिआर करलो से।


बायले लेकीमन आपलो मरलो बितामन के फेर जीव पावला; कितलो तो मार खाते-खाते मरून गेला आउर छुटकारा नी चाहला, ऐईकाजे कि बड़ीया जीव उठतोर चो भागी होओत।


तेबे मय हुनके पाँय पढ़तो काजे हुनचो पाँयमन थाने घसरुन पड़ले। हुन मोचो ले बल्लो, “दक, असन नी कर, मय तुचो आउर तुचो भाईमन चो संगवारी दास आय जोन ईशु चो गोहई देतो थाने थीर आसे। माहापुरू के ची पाँय पड़।” कसनबल्लोने ईशु चो गोहई अगम गोठ चो आत्मा आय।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ