यूहन्ना 5:30 - Halbi

³⁰ “मय आपन खुद ले काई नी करूक सके; जसन सुनु आय, असने नियाय करू आंय; आउर मोचो नियाय सते आय, कसनबल्लोने मय आपलो इच्छा नाई मान्तर आपलो पठाऊ बिता चो इच्छा चाहायें से।

परमेस्वर को सच्चो वचन ख जाननू

³⁰ “मी अपनो तुम से कुछ नी कर सकू; जसो सुनु हैं, ओकोईच हिसाब से न्याय करू हैं; अर मोरो निर्णय, न्याय को हिसाब से ही होवा हैं, काहेकि मी अपनी मरजी से नी पर जेना मोखा भेज्यो हैं ओकी मरजी पुरी करन की सोचू हैं।”

यूहन्ना 5:30 ပူးပေါင်းရင်းမြစ်များ

मत्ती 26:39

फेर हुन खिन्डिक आउर पुरे जाऊन भाती पाटा पडुन घसरलो, आउर ऐ पारथना करलो, “हे मोचो बुआ, अगर होऊक सके तो ऐ बटका मोचो ले गुचुन जाओ, तेबले बले जसन मय मन करें से असन नाई, मान्तर जसन तुय मन कर सीस असने होओ।”

यूहन्ना 14:10

काय तुय बिश्वास नी करीस कि मय बुआ ने आंसे आउर बुआ मचो थाने आसे? ऐ गोठमन जोन मय तुमके बलें सें, आपलो बाटले नी बोलें, मान्तर बुआ मोचो थाने रऊन भाती आपलो कामकरू आय।

यूहन्ना 17:4

जोन काम तुय मोके करतो काजे देऊ रलीस, हुनके पुरा करून भाती मय धरतनी थाने तुचो महिमा करले से।

यूहन्ना 18:11

तेबे ईशु पतरस ले बल्लो, “आपलो खंडा मयान ने संगाव। जोन बटका बुआ मोके दिलो से, काय मय हुनके नी पियें?”

यूहन्ना 4:34

ईशु हुनमन ले बल्लो, “मचो भात ऐ आय कि आपलो पठालो बिता चो इच्छा चो अनुसार चलें दें आउर हुनचो काम पुरा करेंदे।

यूहन्ना 5:19

ऐ थाने ईशु हुनमन ले बल्लो, “मय तुमचो ले सत-सत बलेंसे, बेटा खुद ले काई नी करूक सके, मात्र हुन जोन बुआ के करतोर दकु आय; कसनबल्लोने जोन-जोन काममन के हुन करू आय हुनके बेटा बले हुनी रीति ले करू आय।

यूहन्ना 6:38

कसनबल्लोने मय आपलो इच्छा नाई मान्तर आपलो पठालो बिता चो इच्छा पुरा करतो काजे सरग ले उतर ले से;

यूहन्ना 8:28

तेबे ईशु बल्लो, “जिदलदाय तुमी माने चो बेटा के डेंग थाने चेगाहा से, तेबे जाना से कि मय हुनी आंय; मय आपन खुद ले काई नी करे मान्तर जसन मोचो बुआ मोके सिका लो असने ची ऐ गोठमन बलें सें।

यूहन्ना 8:42

ईशु हुनमन ले बल्लो, “अगर माहापुरू तुमचो बुआ होतो, तेबे तुमी मोचो ले मया संगातास; कसनबल्लोने मय माहापुरू चो बाटले ईले से। मय खुद ले नी ईले, मान्तर हुनी ची मोके पठालो।

यूहन्ना 8:50

मान्तर मय आपलो बड़ाई नी चाहायें; हव, गोटक आसे जोन चाहाऊ आय आउर नियाय करू आय।

रोमियो 15:3

कसनबल्लोने मसीह आपन खुद के हरिक नी करलो, मान्तर जसन लिकलोर आसे, “तुचो निन्दा करूमन चो निन्दा मोचो उपरे ईली।”

रोमियो 2:2

आमी जानु से कि असन-असन काम करतो बितामन चो उपरे माहापुरू चो बाटले ठीक-ठीक डण्ड चो हुकुम होऊ आय।

रोमियो 2:5

मान्तर तुय आपलो कठर टेकाहा मन चो लागुन हुनचो रीस चो दिन चो काजे, जोन थाने माहापुरू चो सत नियाय उजागर होयेदे, आपलो काजे रीस कमाय सीस।