यूहन्ना 5:23 - Halbi

²³ कि सपाय लोग जसन बुआ चो मान करू आत असने ची बेटा चो बले मान करोत। जोन बेटा चो मान नी करे, हुन बुआ चो जोन हुनके पठालो से, मान नी करे।

परमेस्वर को सच्चो वचन ख जाननू

²³ कि सब इंसान जसो पिता परमेस्वर को सम्मान करा हैं वसो ही पोरिया कि भी इज्जत करे। जो पोरिया की इज्जत नी करा, उ बाप ख जोना यीसु ख भेजो हैं, सम्मान नी करा।

यूहन्ना 5:23 ပူးပေါင်းရင်းမြစ်များ

मत्ती 10:37

“जोन आया नाहले बुआ के मोचो ले आगर लाड़ करू आय, हुन मोचो लायक नुआय; आउर जोन बेटा नाहले बेटी के मोचो ले आगर मया करू आय, हुन मोचो लायक नुआय;

मत्ती 11:27

“मोचो बुआ मोके सब कुछ सोपलो से; आउर कोनी बेटा के नी जानोत, मात्र बुआ; आउर कोनी बुआ के नी जानोत, मात्र बेटा; आउर हुन जेचो उपरे बेटा हुनके उजागर करूक चाहाओ।

मत्ती 12:21

आउर दुसर जातिमन हुनचो नाव थाने आशा संगादे।”

मत्ती 15:8

‘ऐ लोग ओट ले तो मोचो ईजीत करू आत, मान्तर हुनमन चो मन मोचो ले लापी आसे।

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

लूका 10:16

“जोन तुमचो सुनु आय, हुन मोचो सुनु आय; आउर जोन तुमके तुच्छ जानु आय, हुन मोके तुच्छ जानु आय; आउर जोन मोके तुच्छ जानु आय, हुन मोचो पठालोबिता के तुच्छ जानु आय।”

यूहन्ना 14:1

“तुमचो मन बाय बिकाल नी होओ; माहापुरू थाने बिश्वास संगाहा आउर मोचो उपरे बले बिश्वास संगाहा।

यूहन्ना 16:14

हुन मोचो महिमा करे दे, कसनबल्लोने हुन मोचो गोठमन ले धरून भाती तुमके सांगे दे।

यूहन्ना 17:10

आउर जोन काई मोचो आय हुन सपाय तुचो आय, आउर जोन तुचो आय हुन मोचो आय, आउर ऐ मन ले मोचो महिमा उजागर होली से।

रोमियो 1:7

हुन सपाय चो नाव जोन रोम ने माहापुरू चो लाड़रा आत आउर पवितर होतो काजे हाग दिया गेला सोत आमचो बुआ माहापुरू आउर परबु ईशु मसीह चो बाटले तुमके अनुग्रह आउर शान्ति मिरते रओ।

रोमियो 15:12

आउर फेर यशाया बले से, “यिशै चो गोटक चेर उजागर होयेदे, आउर दुसर जातिमन चो राजा होतो काजे गोटक उठे दे, हुनचो थाने दुसरजातिमन आशा संगा दे।”

रोमियो 6:22

मान्तर अदायं पाप ले छुटछाड़ाय होऊन भाती आउर माहापुरू चो दास बनुन भाती तुमके फल मिरली जेचो ले पवितरता परापत होऊ आय, आउर हुनमन चो आखरी अमर जीवना आय।

रोमियो 8:9

मान्तर जिदलदाय कि माहापुरू चो आत्मा तुमीमन ने बसु आय, तेबे तुमी देंह दसा ने नाई मान्तर आत्मिक दसा ने आसास। अगर काचीई ने मसीह चो आत्मा निआय तो हुन हुनचो लोग नुआय।

1 कुरिन्थियो 1:3

आमचो बुआ माहापुरू आउर परबु ईशु मसीह चो बाटले तुमके अनुग्रह आउर शान्ति मिरते रओ।

1 कुरिन्थियो 10:31

ऐईकाजे तुमी भले खाआ, भले पिआ, भला जोन काई करा, सपाय काई माहापुरू चो महिमा चो काजे करा।

1 कुरिन्थियो 16:22

अगर कोनी परबु ले मया नी संगा ओ तेबे हुन शरापित होओ। हे आमचो परबु, आव!

1 कुरिन्थियो 6:19

काय तुमी नी जानास कि तुमचो देंह पवितर आत्मा चो मंदिर आय, जोन तुमनमन ने बसली से आउर तुमके माहापुरू चो बाटले मिरली से; आउर तुमी आपलो नुआस?

2 कुरिन्थियो 1:9

मान्तर आमीमन आपलो मन ने समजुन रऊ कि आमचो उपरे मरना चो हुकुम होऊन चुकली से, बल्ले आमी आपलो भरसा नी संगाऊ मान्तर माहापुरू चो जोन मरलो बितामन के जिआलो से।

2 कुरिन्थियो 13:14

परबु ईशु मसीह चो अनुग्रह आउर माहापुरू चो मया आउर पवितर आत्मा चो भागीदारी तुमी सपाय चो संगे होते रओ।

2 कुरिन्थियो 5:14

कसनबल्लोने मसीह चो मया आमके बेबस करून देऊ आय; ऐईकाजे आमी ऐ समजु आंव कि जिदलदाय गोटक सपाय चो काजे मरलो तेबे सपाय मरून गेला।

2 कुरिन्थियो 5:19

बल्लोने माहापुरू मसीह ने होऊन भाती आमके आपलो संगे संवसार चो मिला-मिसा करलो, आउर हुनमन चो अपराधमन चो दोष हुनमन उपरे नी लगालो, आउर हुन मिला-मिसा चो बचन आमके सोपुन दिलोसे।

इफिसीयो 6:24

जोन आमचो परबु ईशु मसीह ले सत मया संगाऊ आत, हुन सपाय उपरे अनुग्रह होते रओ।

2 तीमुथियुस 1:12

ऐई लागुन मय ऐ दुखमन के बले उठायें सें, मान्तर लाज नी होयें, कसनबल्लोने मय हुनके जेचो उपरे मय बिश्वास करले से जाने; आउर मोके तय आसे कि हुन मचो अमानत चो हुन दिन ले राका करूक सके।

इब्रानियो 1:6

आउर जिदलदाय पयलवात के जगत ने फेर आने से, तेबे बले से, “माहापुरू चो सपाय सरगदूत हुनके पाँय पड़ोत।”

2 पतरस 1:1

शिमोन पतरस चो बाटले, जोन ईशु मसीह चो दास आउर पठालोबिता आय, हुन लोगमन चो नाव जोनमन आमचो माहापुरू आउर मुक्ति करू ईशु मसीह चो धारमिकता ले आमचो असन बड़े मोल बिश्वास परापत करला से।

2 पतरस 3:18

मान्तर आमचो परबु आउर मुक्तिकरू ईशु मसीह चो अनुग्रह आउर पयचान ने बड़ते जाआ। हुनचेई महिमा ऐबे बले होओ, आउर जुग-जुग होते रओ। आमीन।

1यूहन्ना 2:23

जोन कोनी बेटा चो इन्कार करू आय हुनचो लगे बुआ बले निआय: जोन बेटा के मानु आय, हुनचो लगे बुआ बले आसे।

2 यूहन्ना 1:9

जोन कोनी मसीह चो सिक्या ले पयले बडुन जाऊ आय आउर हुन थाने बनुन नी रये, हुनचो लगे माहापुरू निआय, जोन कोनी हुनचो सिक्या ने थीर रऊ आय, हुनचो लगे बुआ बले आसे आउर बेटा बले।