यूहन्ना 5:19 - Halbi

¹⁹ ऐ थाने ईशु हुनमन ले बल्लो, “मय तुमचो ले सत-सत बलेंसे, बेटा खुद ले काई नी करूक सके, मात्र हुन जोन बुआ के करतोर दकु आय; कसनबल्लोने जोन-जोन काममन के हुन करू आय हुनके बेटा बले हुनी रीति ले करू आय।

परमेस्वर को सच्चो वचन ख जाननू

¹⁹ असो पर यीसु न उनसे कय्हो, “मी तुम ख सच्ची-सच्ची कहूँ हैं,” पोरिया अपनो तुम म कुछ नी कर सका, सिर्फ उ उईच कर सका हैं जो परमेस्वर ख करते देखा हैं; परमेस्वर बाप जो कुछ करा हैं पोरिया भी ऊसीच ही करा हैं।

यूहन्ना 5:19 ပူးပေါင်းရင်းမြစ်များ

मत्ती 26:39

फेर हुन खिन्डिक आउर पुरे जाऊन भाती पाटा पडुन घसरलो, आउर ऐ पारथना करलो, “हे मोचो बुआ, अगर होऊक सके तो ऐ बटका मोचो ले गुचुन जाओ, तेबले बले जसन मय मन करें से असन नाई, मान्तर जसन तुय मन कर सीस असने होओ।”

लूका 21:15

कसनबल्लोने मय तुमके असन गोठ आउर अकल देयें दें कि तुमचो सपाय बिरूदी सामना नाहले खंडन नी करूक सक दे।

यूहन्ना 10:18

कोनी हुनके मोचो ले झिकु नुआत, मान्तर मय हुनके खुद ची देऊ आंय। मोके हुनके देतोर बले अधिकार आसे। आउर हुनके फेर ले धरतोर बले अधिकार आसे। ऐ हुकुम मोचो बुआ ले मोके मिरली से।”

यूहन्ना 12:49

कसनबल्लोने मय आपलो बाटले गोठ नी गोठया यें; मान्तर बुआ जोन मोके पठालो से हुनी मोके हुकुम दिलो से कि काय-काय बलेंदें आउर काय-काय सांगेंदें?

यूहन्ना 12:50

आउर मय जाने से कि हुनचो हुकुम अमर जीवना आय। येई काजे मय जोन काई बोलु आंय, हुन जसन बुआ मोचो ले बल्लो से असने ची बोलु आंय।”

यूहन्ना 14:10

काय तुय बिश्वास नी करीस कि मय बुआ ने आंसे आउर बुआ मचो थाने आसे? ऐ गोठमन जोन मय तुमके बलें सें, आपलो बाटले नी बोलें, मान्तर बुआ मोचो थाने रऊन भाती आपलो कामकरू आय।

यूहन्ना 2:19

ईशु हुनमन के जबाप दिलो, “ऐ मंदिर के घसराऊन दिआस, आउर मय ऐके तीन दिन ने उबा करून देयें दें।”

यूहन्ना 3:3

ईशु हुनके जबाप दिलो, “मय तुचो ले सते-सते बलें सें, अगर कोनी नवा ढंग ले नी जनमे तो माहापुरू चो राज दकुक नी सके।”

यूहन्ना 5:21

जसन बुआ मरलो लोगमन के उठाऊ आय आउर जिआऊ आय, असने ची बेटा बले जोन के चाहाऊ आय हुनमन के जिआऊ आय।

यूहन्ना 6:38

कसनबल्लोने मय आपलो इच्छा नाई मान्तर आपलो पठालो बिता चो इच्छा पुरा करतो काजे सरग ले उतर ले से;

यूहन्ना 8:28

तेबे ईशु बल्लो, “जिदलदाय तुमी माने चो बेटा के डेंग थाने चेगाहा से, तेबे जाना से कि मय हुनी आंय; मय आपन खुद ले काई नी करे मान्तर जसन मोचो बुआ मोके सिका लो असने ची ऐ गोठमन बलें सें।

यूहन्ना 9:4

जोन मोके पठालो से, आमके हुनचो काम दिन ची दिन ने करतोर जरूरी आय; हुन रात ऐतो बिती आय जोन थाने कोनी काम नी करूक सकोत।

प्रेरितो 2:24

मान्तर हुनी के माहापुरू मरना चो बान्दनमन ले छंड़ाऊन भाती जिआ लो; कसनबल्लोने ऐ नी होतो लायक रली कि हुन हुनचो बस ने रतो।

रोमियो 6:4

आउर हुन मरना चो डूबन पावलो ने आमी हुनचो संगे गाड़ाय गेलु, बल्ले जसन मसीह बुआ चो महिमा चो कारन मरलो बितामन थानले जिआय गेलो, असने ची आमी बले नवा जीवन चो असन चाल चलु।

रोमियो 8:11

अगर हुनचेई आत्मा जेचो ने ईशु के मरलो बितामन थानले जिआलो, तुमनमन ने बसलोर आसे; तेबे जोन मसीह के मरलो बितामन थानले जिआलो, हुन तुमचो नाश होतो बिती देंहमन के बले आपलो आत्मा चो बाटले जोन तुमनमन ने बसलोर आसे, जिआय दे।

1 कुरिन्थियो 15:12

ऐईकाजे जिदलदाय कि मसीह चो ऐ परचार करा जाऊ आय कि हुन मरलो बितामन थानले जीव उठलो, तेबे तुमनमन थानले कितलो कसन बोलु आत कि मरलो बितामन चो जीव उठतोर आसे ची नाई?

2 कुरिन्थियो 4:14

कसनबल्लोने आमी जानु से कि जोन परबु ईशु के जिआलो, हुनी आमके बले ईशु ने भागी जानुन भाती जिआय दे, आउर तुमचो संगे आपलो पुरे हाजिर करेदे।

2 कुरिन्थियो 5:10

कसनबल्लोने जरूरी आय कि आमी सपाय चो हाल मसीह चो नियाय आसन चो पुरे खुलुन जाओ, कि हरकोनी माने आपलो-आपलो अच्छा खराप काममन चो पलटा जोन हुन देंह चो दुवारा करलो से पाओ।

इफिसीयो 2:5

जिदलदाय आमी अपराधमन चो लागुन मरून रलु तेबे आमके मसीह चो संगे जिआ लो (अनुग्रह ची ले तुमचो मुक्ति होली से),

इफिसीयो 3:16

कि हुन आपलो महिमा चो धन चो अनुसार तुमके ऐ दान देओ कि तुमी हुनचो आत्मा ले आपलो भीतर चो मानेरूप ने सामरत पाऊन भाती बलवन्त होते जाआ;

फिलिप्पियो 3:21

हुनमन आपलो ताकत चो हुन असर चो अनुसार जेचो बाटले हुन सपाय तीजमन के आपलो बस ने करूक सके, आमचो दिन-हीन देंह चो रूप बदलुन भाती, आपलो महिमा चो देंह चो समान बनान देयेंदे।

फिलिप्पियो 4:13

जोन मोके सामरत देऊ आय हुन थाने मय सपाय काई करूक सकें।

कुलुस्सियो 1:11

हुनचो महिमा चो शक्ति चो अनुसार सपाय परकार चो सामरत ले बलवन्त होते जाहा, ऐथा ले कि हरिक चो संगे हर परकार ले धीरज आउर सयनशक्ति दकाऊक सका,

कुलुस्सियो 1:16

कसनबल्लोने हुनचेई ने पुईतराय तीजमन चो रचना होली, सरग चो होओ नाहले धरतनी चो, दकलोर नाहले नी दकलोर, काय सिंघासन, काय परभुता मन, काय परधानमन, काय अधिकार, पुईतराय तीजमन हुनचेई बाटले आउर हुनचेई काजे बनाय गेली से।

1 थिस्सलुनीकियो 4:14

कसनबल्लोने अगर आमी बिश्वास करूं आंव कि ईशु मरलो आउर जीव बले उठलो, तेबे असने ची माहापुरू हुनमन के बले जोन ईशु ने सोहला से, हुनचेई संगे धरून ऐये दे।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।

प्रकाशितवाक्य 2:23

“मय हुनचो पिलामन के मारून देयेंदे; तेबे सपाय कलीसियामन जानेदे कि देंह आउर मन चो परकतो बिता मय ची आंय, आउर मय तुमनमन ले हरकोनी के हुनचो काममन चो अनुसार पलटा देयदे।”