यूहन्ना 5:15 - Halbi

¹⁵ हुन माने जाऊन भाती यहूदीमन ले बोलुन दिलो कि जोन मोके चेंगा करलो हुन ईशु आय।

परमेस्वर को सच्चो वचन ख जाननू

¹⁵ अऊर उ अदमी न यहूदी हुन से आ ख बोलयो कि मोखा अच्छो करन वालो यीसु आय।

यूहन्ना 5:15 ပူးပေါင်းရင်းမြစ်များ

मरकुस 1:45

मान्तर हुन बाहरे जाऊन भाती ऐ गोठ चो खुबे परचार करूक आउर ऐथा तक फयलाऊक मुरयालो कि ईशु फेर खुलम खुला नंगर ने नी जाऊक सकलो, मान्तर बाहरे रानमन ने रलो; आउर भोंवरक ले लोग हुनचो लगे ऐते रवत।

यूहन्ना 1:19

यूहन्ना चो गोहई ऐ आय, कि जिदलदाय यहूदीमन यरूशलेम ले याजकमन आउर लेवीमन के हुनचो ले ऐ पचारतो काजे पठालो, “तुय कोन आस?”

यूहन्ना 4:29

“ईआ, गोटक माने के दका, जोन सपाय काई जोन मय करले मोके सांगुन दिलो। काय ऐ तो मसीह नुआय?”

यूहन्ना 5:10

हुन सब्त चो दिन रये। ऐईकाजे यहूदी हुनचो ले जोन चेंगा होऊ रये, बोलुक मुरयाला, “आजी तो सब्त चो दिन आय, तुके खटिया उठातोर ठीक नुआय।”

यूहन्ना 5:12

हुनमन हुनचो ले पचारला, “हुन कोन माने आय जोन तुचो ले बल्लो, ‘खटिया उठाव, आउर हिन्ड़ बुल’?”

यूहन्ना 5:16

ऐई लागुन यहूदी ईशु के कन्दराऊक मुरयाला, कसनबल्लोने हुन असन काम सब्त चो दिने करते रलो।

यूहन्ना 5:18

ऐई लागुन यहूदी आउर बले खुबे हुनके मारतो काजे कोशिश करते रओत, कसनबल्लोने हुन ना मात्र सब्त चो दिन चो बिदी के टुटाते, मान्तर माहापुरू के आपलो बुआ बोलुन भाती आपन खुद के माहापुरू चो बराबर बले ठेबा ते रलो।

यूहन्ना 9:15

फेर फरीसीमन बले हुनचो ले पचारला कि हुनचो आँईक कसन रीति ले खुलली। हुन हुनमन ले बल्लो, “हुन मोचो आँईक थाने माटी लगालो, फेर मय धोहले, आउर ऐबे दकें सें।”

यूहन्ना 9:25

हुन जबाप दिलो, “मय नी जाने कि हुन पापी आय कि नाई; मय गोटक गोठ जाने कि मय काना रले आउर अदायं दकें सें।”

यूहन्ना 9:30

हुन हुनमन के जबाप दिलो, “ऐ तो अकचकित चो गोठ आय कि तुमी नी जानास कि हुन काहां चो आय, तेबले बले हुन मोचो आँईक के खोलुन दिलो।

यूहन्ना 9:34

हुनमन हुनके जबाप दिला, “तुय तो बिलकुल पापमन ने जनमली सीस, तुय आमके काय सिकाय सीस?” आउर हुनमन हुनके बाहरे निकराऊन दिला।