यूहन्ना 5:10 - Halbi

¹⁰ हुन सब्त चो दिन रये। ऐईकाजे यहूदी हुनचो ले जोन चेंगा होऊ रये, बोलुक मुरयाला, “आजी तो सब्त चो दिन आय, तुके खटिया उठातोर ठीक नुआय।”

परमेस्वर को सच्चो वचन ख जाननू

¹⁰ येपर यहूदी हुन न जो अच्छो हो गयो रहा, बोल्यो, “आज आराम करन को दिन हैं अऊर हमरा नेम हुन को यू हिसाब से नी हाय कि तू अपनो खटिया उठायो।”

यूहन्ना 5:10 ပူးပေါင်းရင်းမြစ်များ

मत्ती 12:10

हुता गोटक माने रलो, जेचो हाथ सुकुन रये। हुनमन ईशु उपरे दोष लगातो काजे हुनचो ले पचारला, “काय सब्त चो दिने चेंगा करतोर ठीक आय?”

मरकुस 2:24

तेबे फरीसीमन हुनचो ले बल्ला, “दक; ये सब्त चो दिने हुन काम केंव करे सोत जोन ठीक नुआय?”

मरकुस 3:4

आउर हुनमन ले बल्लो, “काय सब्त चो दिने अच्छा करतोर ठीक आय नाहले खराप करतोर, जीव के बचातोर नाहले मारतोर?” मान्तर हुनमन ओगाय रला।

लूका 13:14

ऐईकाजे कि ईशु सब्त चो दिने हुनके अच्छा करू रलो, आराधना घर चो सरदार रीस होऊन भाती लोगमन ले बोलुक मुरयालो, “छय दिन आसे जोन थाने काम करतोर आय, आउर हुनी दिनमन ने ऐऊन भाती चेंगा होओत, मान्तर सब्त चो दिन ने नाई।”

लूका 23:56

तेबे हुनमन फिरून भाती बास देतो बिती तीजमन आउर इतर तिआर करला; आउर सब्त चो दिने हुनमन हुकुम चो अनुसार आराम करला।

लूका 6:2

तेबे फरीसीमन ले कितलो बोलुक मुरयाला, “तुमी हुन काम केंव करेसास जोन सब्त चो दिने करतोर ठीक नुआय?”

यूहन्ना 1:19

यूहन्ना चो गोहई ऐ आय, कि जिदलदाय यहूदीमन यरूशलेम ले याजकमन आउर लेवीमन के हुनचो ले ऐ पचारतो काजे पठालो, “तुय कोन आस?”

यूहन्ना 5:11

हुन हुनमन के जबाप दिलो, “जोन मोके चेंगा करलो, हुनी मोचो ले बल्लो, ‘आपलो खटिया उठाव, आउर हिन्ड़ बुल’।”

यूहन्ना 5:15

हुन माने जाऊन भाती यहूदीमन ले बोलुन दिलो कि जोन मोके चेंगा करलो हुन ईशु आय।

यूहन्ना 5:16

ऐई लागुन यहूदी ईशु के कन्दराऊक मुरयाला, कसनबल्लोने हुन असन काम सब्त चो दिने करते रलो।

यूहन्ना 7:23

जिदलदाय सब्त चो दिने माने चो खतना कराया जाऊ आय बल्ले मूसा चो नियम चो हुकुम टलुन नी जाओ, तेबे तुमी मोचो उपरे केंव ऐईकाजे रीस करू आहास कि मय सब्त चो दिन गोटक माने के पुरा रीति ले चेंगा करले।

यूहन्ना 9:16

ऐ थाने कितलो फरीसी बोलुक मुरयाला, “ऐ माने माहापुरू चो बाटले नुआय, कसनबल्लोने हुन सब्त चो दिन के नी माने।” दुसरमन बल्ला, “पापी मनुक असन चिना कसन दकाऊक सकु आय?” आउर हुनमन ने फुट पड़ली।