यूहन्ना 4:34 - Halbi

³⁴ ईशु हुनमन ले बल्लो, “मचो भात ऐ आय कि आपलो पठालो बिता चो इच्छा चो अनुसार चलें दें आउर हुनचो काम पुरा करेंदे।

परमेस्वर को सच्चो वचन ख जाननू

³⁴ येपर यीसु न उनसे बोल्यो, जेना मोखा भेज्यो हैं ओकी मर्जी को हिसाब से चलू अर ओको काम पुरो करनो, यूइच मोरो खाना आय।

यूहन्ना 4:34 ပူးပေါင်းရင်းမြစ်များ

मत्ती 26:39

फेर हुन खिन्डिक आउर पुरे जाऊन भाती पाटा पडुन घसरलो, आउर ऐ पारथना करलो, “हे मोचो बुआ, अगर होऊक सके तो ऐ बटका मोचो ले गुचुन जाओ, तेबले बले जसन मय मन करें से असन नाई, मान्तर जसन तुय मन कर सीस असने होओ।”

मत्ती 3:15

ईशु हुनके ऐ जबाप दिलो, “ऐबे तो असने ची होऊक देस, कसनबल्लोने आमके ऐई रीति ले सपाय धरमकरम के पुरा करतोर नगत आय।” तेबे हुन हुनचो गोठ के मानलो।

मत्ती 9:19

ईशु उठून भाती आपलो चेलामन संगे हुनचो पाट-पाट गेलो।

लूका 15:10

मय तुमचो ले बलें सें कि ऐई रीति ले गोटक मन फिरातो बिता पापी चो बारे ने माहापुरू चो सरग दूतमन चो पुरे हरिक होऊ आय।”

लूका 19:10

कसनबल्लोने माने चो बेटा हाजलो बितामन के डगराऊक आउर हुनमन चो मुक्ति करूक ईलो से।”

लूका 2:49

हुन हुनमन ले बल्लो, “तुमी मोके केंव डगराते राआस? काय नी जानते राआस कि मोके आपलो बुआ चो भवन ने होतोर जरूरी आय?”

यूहन्ना 17:4

जोन काम तुय मोके करतो काजे देऊ रलीस, हुनके पुरा करून भाती मय धरतनी थाने तुचो महिमा करले से।

यूहन्ना 19:28

ऐचो पाचे ईशु ऐ जानुन भाती कि अदायं सपाय काई पुरा होऊन गेली, ऐईकाजे कि पवितर शास्त्र ने जोन बोला गेली हुन पुरा होओ, बल्लो, “मय पिआस आंसे।”

यूहन्ना 19:30

जिदलदाय ईशु हुन सिरका धरलो, तेबे बल्लो, “पुरा होली”; आउर मुण्ड लुआऊन भाती जीव छांडलो।

यूहन्ना 4:32

मान्तर हुन हुनमन ले बल्लो, “मचो लगे खातो काजे असन भात आसे जेके तुमी नी जानास।”

यूहन्ना 5:30

“मय आपन खुद ले काई नी करूक सके; जसन सुनु आय, असने नियाय करू आंय; आउर मोचो नियाय सते आय, कसनबल्लोने मय आपलो इच्छा नाई मान्तर आपलो पठाऊ बिता चो इच्छा चाहायें से।

यूहन्ना 5:36

मान्तर मोचो लगे जोन गोहई आसे हुन यूहन्ना चो गोहई ले बड़े आय; कसनबल्लोने जोन काम बुआ मोके पुरा करतो काजे सोपलो से बल्लोने ऐई काम जोन मय करू आंय, हुनमन मोचो गोहई आत कि बुआ मोके पठालो से।

यूहन्ना 6:33

कसनबल्लोने माहापुरू चो रोटी हुनी आय जोन सरग ले उतरून भाती जगत के जीवना देऊ आय।”

यूहन्ना 6:38

कसनबल्लोने मय आपलो इच्छा नाई मान्तर आपलो पठालो बिता चो इच्छा पुरा करतो काजे सरग ले उतर ले से;

यूहन्ना 8:29

मोचो पटाऊ बिता मोचो संगे आसे; हुन मोके ऐकला नी छांडलो कसनबल्लोने मय सबुदाय हुनी कामकरू आंय जेचो ले हुन हरिक होऊ आय।”

प्रेरितो 20:35

मय तुमके सपाय काई करून दकाले कि ऐई ढंग ले मसागत करते-करते कमजोरमन के समालतोर आउर परबु ईशु चो बचन सुरता संगातोर जरूरी आय, जोन हुन खुद ची बल्लो से: धरतोर ले देतोर धन्य आय।

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।