यूहन्ना 4:14 - Halbi

¹⁴ मान्तर जोन कोनी हुन पानी थानले पिये दे जोन मय हुनके देयें दें, हुन फेर अनंत काल तक पिआसा नी होये दे; मान्तर जोन पानी मय हुनके देयें दें, हुन हुन थाने गोटक झरन बनुन जाये दे जोन अमर जीवना चो काजे उमड़ते रये दे।”

परमेस्वर को सच्चो वचन ख जाननू

¹⁴ पर जो मोरो दियो वालो पानी पीए कोई उ पानी म से पिहेगो जो मी ओखा देऊ, उ फिर अनन्त काल को जीवन लक प्यासो नी रहन को; पर जो पानी मी ओखा देऊ, उ ओमा एक झिरिया सो बन जाहे जे अनन्त जीवन को लाने हमेसा उमंड़तो रहेगो।”

यूहन्ना 4:14 ပူးပေါင်းရင်းမြစ်များ

मत्ती 25:46

आउर ऐ हरमेशा चो डण्ड भोगदे मान्तर धरमी अमर जीवना ने ओलदे।”

मत्ती 5:6

“धन्य आत हुनमन, जोन धारमिकता चो भुकाहा आउर प्यासा आत, कसनबल्लोने हुनमन संतुष्ट करा जादे।”

यूहन्ना 10:10

चोर कोनी दुसर काम चो काजे नाई मान्तर मात्र चोरी करूक आउर घात करूक आउर नष्ट करूक ऐऊ आय; मय ऐईकाजे ईले कि हुनमन जीवना पाओत, आउर खुबे ले खुबे पाओत।

यूहन्ना 11:26

आउर जोन कोनी जीव आसे आउर मोचो उपरे बिश्वास करू आय, हुन केबीई नी मरे दे। काय तुय ये गोठ उपरे बिश्वास कर सीस?”

यूहन्ना 4:10

ईशु जबाप दिलो, “अगर तुय माहापुरू चो बरदान के जानतीस आउर ये बले जानतीस कि हुन कोन आय जोन तुचो ले बलें सें, ‘मोके पानी पिआव,’ तेबे तुय हुनचो ले मांगतीस, आउर हुन तुके जीवना चो पानी देतो।”

यूहन्ना 4:11

बायले लेकी हुनचो ले बल्ली, “हे परबु, तुचो लगे पानी भरतो काजे तो काई आसे बले नाई आउर चुंआ गड़ीयां आसे; तेबे फेर हुन जीवना चो पानी तुचो लगे काहां ले ईली?

यूहन्ना 4:13

ईशु हुनके जबाप दिलो, “जोन कोनी ऐ पानी पिये दे हुन फेर पिआस होये दे,

यूहन्ना 4:36

काटतो बिता भुती पाऊ आय आउर अमर जीवना चो काजे पाक ओंडेयाऊ आय, बल्ले बुनतो बिता आउर काटतो बिता दुनो मिसुन भाती हरिक करोत।

यूहन्ना 6:27

नाश करतो बिती भात काजे मसागत नी करा, मान्तर हुन भात चो काजे जोन अमर जीवना तक ठेबु आय, जेके माने चो बेटा तुमके देये दे; कसनबल्लोने बुआ बल्लोने माहापुरू हुनचेई उपरे छापा लगालो से।”

यूहन्ना 6:35

ईशु हुनमन ले बल्लो, “जीवना चो रोटी मय आय: जोन मोचो लगे ऐऊ आय हुन केबीई भूके नी होये, आउर जोन मोचो उपरे बिश्वास करू आय हुन केबीई पिआस नी होये।

यूहन्ना 6:58

जोन रोटी सरग ले उतरली ऐई आय, हुन रोटी चो समान नाई जोन के बुआ दादीमन खादला आउर मरला; जोन कोनी ऐ रोटी खादे, हुन हरमेशा जीव रदे।”

यूहन्ना 7:37

परब चो आखरी दिन, जोन मुख्य दिन आय, ईशु उबा होलो आउर हाग देऊन भाती बल्लो, “अगर कोनी प्यासा आसे तेबे मोचो लगे ऐओ आउर पिओ।

रोमियो 5:21

कि जसन पाप ने मरना फयलाते-फयलाते राज करली, असने ची आमचो परबु ईशु मसीह चो कारन अनुग्रह बले अमर जीवन चो काजे धरमी ठेबा ते-ठेबा ते राज करो।

रोमियो 6:23

कसनबल्लोने पाप चो भुती तो मरना आय, मान्तर माहापुरू चो बर आमचो परबु मसीह ईशु थाने अमर जीवन आय।

2 कुरिन्थियो 1:22

जोन आमचो उपरे छाप बले करून दिलो से आउर बयाना ने आत्मा के आमचो मन मन ने दिलो।

इफिसीयो 4:30

माहापुरू चो पवितर आत्मा के दुकी नी करा, जेचो ले तुमचो उपरे छुटकारा चो दिने चो काजे छाप दिया गेली से।

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

प्रकाशितवाक्य 7:16

हुनमन फेर भुक आउर पिआस नी होदे; आउर ना हुनमन उपरे घाम, ना काई तप पढ़ेदे।

प्रकाशितवाक्य 7:17

कसनबल्लोने मेमना जोन सिंघासन चो मंजी ने आसे हुनमन चो राका करेदे, आउर हुनमन के जीव रूपी पानी चो सतानमन चो लगे धरून नेयेदे; आउर माहापुरू हुनमन चो आँईकमन ले सपाय आँसु फुछुन देयदे।