यूहन्ना 3:33 - Halbi

³³ जोन हुनचो गोहई गरहन करला हुन ऐ गोठ थाने छापा लगाऊन दिला कि माहापुरू सते आय।

परमेस्वर को सच्चो वचन ख जाननू

³³ जोना ओकी गवाई ख मान लियो ओ न या बात पर मोहर लगा दियो कि परमेस्वर सच्चो हैं।

यूहन्ना 3:33 ပူးပေါင်းရင်းမြစ်များ

यूहन्ना 6:27

नाश करतो बिती भात काजे मसागत नी करा, मान्तर हुन भात चो काजे जोन अमर जीवना तक ठेबु आय, जेके माने चो बेटा तुमके देये दे; कसनबल्लोने बुआ बल्लोने माहापुरू हुनचेई उपरे छापा लगालो से।”

यूहन्ना 8:26

तुमचो बारे ने मोके खुबे काई बोलतोर आउर फयसला करतोर आसे; मान्तर मोचो पटाऊ बिता सते आय, आउर जोन मय हुनचो ले सुनले से हुनी जगत ले बलें सें।”

रोमियो 15:28

ऐईकाजे मय ऐ काम पुरा करून आउर हुनमन के ऐ चन्दा सोपुन भाती तुमचो लगे होते-होते स्पेन ने जायें दें।

रोमियो 4:11

हुन खतना चो चिना पावलो कि हुन बिश्वास चो धारमिकता थाने छाप होऊन जाओ जोन हुन बिना खतना चो हाल ने संगाऊ रलो, जेचो ले हुन-हुन सपाय चो बुआ ठेबो जोन बिना खतना चो हाल ने बिश्वास करू आत बल्ले हुनमन बल्ले धरमी ठेबोत;

1 कुरिन्थियो 9:2

अगर मय दुसरमन चो काजे पठालोबिता नुआय, तेबले बले तुमचो काजे तो आंय; कसनबल्लोने तुमी परबु ने मचो पठालो बिती थाने छाप आहास।

2 कुरिन्थियो 1:18

माहापुरू बिश्वास लायक गवा आय कि आमचो हुन बचन ने जोन तुमचो ले बल्लो ‘हव’ आउर ‘नाई’ दुनो नी पाया जाओत।

2 कुरिन्थियो 1:22

जोन आमचो उपरे छाप बले करून दिलो से आउर बयाना ने आत्मा के आमचो मन मन ने दिलो।

इफिसीयो 1:13

आउर हुनी थाने तुमचो थाने बले, जिदलदाय तुमी सत चो बचन सुनलास जोन तुमचो मुक्ति चो नगतखबर आय आउर जोन थाने तुमी बिश्वास करलास, बायदा करलो बिती पवितर आत्मा चो छापा लगली।

इफिसीयो 4:30

माहापुरू चो पवितर आत्मा के दुकी नी करा, जेचो ले तुमचो उपरे छुटकारा चो दिने चो काजे छाप दिया गेली से।

2 तीमुथियुस 2:19

तेबले बले माहापुरू चो पक्का पाया बनुन रऊ आय, आउर हुन थाने ऐ छाप लगली से: “परबु आपलो लोग के चिताऊ आय,” आउर “जोन कोनी परबु चो नाव धरू आय हुन अधरम ले बाचुन रओ।”

इब्रानियो 6:17

ऐईकाजे जिदलदाय माहापुरू चो बायदा चो हकदारमन उपरे आउर बले साफ रीति ले परकट करतोर चाह लो कि हुनचो उद्देश्य बदलुक नी सके, तेबे किरिया के मंजी ने आनलो।

1यूहन्ना 1:10

अगर आमी बोलुन्दे कि आमीमन पाप नी करलु, तेबे हुनके फंदी ठेबाऊ आय, आउर हुनचो बचन आमचो ने निआय।