यूहन्ना 3:16 - Halbi

¹⁶ “कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

परमेस्वर को सच्चो वचन ख जाननू

¹⁶ “काहेकि परमेस्वर न पुरा दुनिया ख इंसान हुन से असो प्रेम रख”, कि ओ न अपनो अकेलो पोरिया तक दे दियो, ताकि जो कोई ओपर भरोसा करे उ नास नी होन को, पर अनन्त जीवन पाहे।

यूहन्ना 3:16 ပူးပေါင်းရင်းမြစ်များ

मत्ती 9:13

ऐईकाजे तुमी जाऊन भाती ऐचो अरत सिका, ‘मय बलिदान नाई मान्तर दया मन करूं आय।’ कसनबल्लोने मय धरमीमन के नाई, मान्तर पापीमन के हाग देऊक ईलेसे।”

मरकुस 12:6

अदायं गोटक ची रऊन जाऊ रये, जोन हुनचो लाड़रा बेटा रये; आखरी ने हुन हुनके बले हुनमन चो लगे ऐ सोचुन भाती पठालो कि हुनमन मोचो बेटा चो ईजीत कर दे।

लूका 2:14

“बादरी ने माहापुरू चो महिमा आउर धरतनी थाने हुन मानेमन ने जेचो ले हुन हरिक आसे, शान्ति होओ।”

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 1:18

माहापुरू के कोनी केबीई नी दकला, एकला बेटा जोन बुआ चो कोरा ने आसे, हुनी ची हुनके उजागर करलो।

यूहन्ना 1:29

दुसर दिन ईशु के आपलो बाटे ऐतोर दकुन भाती बल्लो, “दका, ऐ माहापुरू चो मेमना आय जोन जगत चो पाप के उठाऊन नेऊ आय।

यूहन्ना 10:28

आउर मय हुनमन के अमर जीवना देऊ आंय। हुन केबे नष्ट नी होये, आउर कोनी हुनमन के मोचो हाथ ले झिकुन नी धर दे।

यूहन्ना 3:15

बल्ले जोन कोनी हुनचो उपरे बिश्वास करो हुन अमर जीवना पाओ।”

यूहन्ना 3:18

जोन हुनचो उपरे बिश्वास करू आय, हुनचो उपरे डण्ड चो हुकुम नी होये, मान्तर जोन हुनचो उपरे बिश्वास नी करे, हुन दोषी ठेबुन चुकलो; ऐईकाजे कि हुन माहापुरू चो गोटकी ची बेटा चो नाव थाने बिश्वास नी करलो।

यूहन्ना 3:36

जोन बेटा उपरे बिश्वास करू आय, अमर जीवना हुनचो आय; मान्तर जोन बेटा चो नी माने, हुन जीवना के नी दकें दें, मान्तर माहापुरू चो रीस हुनचो उपरे रऊ आय।”

यूहन्ना 6:40

कसनबल्लोने मोचो बुआ चो इच्छा ऐई आय कि जोन कोनी बेटा के दके दे आउर हुनचो उपरे बिश्वास करे दे, हुन अमर जीवना पाओ; आउर मय हुनके आखरी दिने फेर जीव उठायें दें।”

रोमियो 5:10

कसनबल्लोने बयरी होतोर हाल ने हुनचो बेटा चो मरना चो कारन आमचो मेल माहापुरू चो संगे होली, तेबे फेर मेल होऊन गेलो ने हुनचो जीवन चो कारन आमी मुक्ति कसन नी पाऊँ दें?

रोमियो 5:8

मान्तर माहापुरू आमचो उपरे आपलो मया चो भलाई ऐ रीति ले उजागर करू आय कि जिदलदाय आमी पापी ची रलु तेबे मसीह आमचो काजे मरलो।

रोमियो 8:32

जोन आपलो खुद बेटा के बले नी संगाऊन छांडलो, मान्तर हुनके आमी सपाय चो काजे देऊन दिलो, हुन हुनचो संगे आमके आउर सपाय काई केंव नी देयेदे?

इफिसीयो 2:4

मान्तर माहापुरू जोन दया चो सवकार आय, आपलो हुन बड़े मया चो लागुन जेचो ले हुन आमचो ले मया करलो,

2 थिस्सलुनीकियो 2:16

आमचो परबु ईशु मसीह खुद ची, आउर आमचो बुआ माहापुरू, जोन आमचो ले मया संगालो आउर अनुग्रह ले अमर शान्ति आउर अच्छा आशा दिलोसे,

तीतुस 3:4

मान्तर जिदलदाय आमचो मुक्तिकरू माहापुरू चो किरपा आउर मानेमन उपरे हुनचो मया परकट होली,

इब्रानियो 2:9

मान्तर आमी ईशु के जोन सरग दूतमन ले खिन्डिक ची कम करा जाऊ रलो, मरना चो दुख उठातोर लागुन महिमा आउर ईजीत चो मुकुट पिन्दलोर दकुं से, बल्ले माहापुरू चो अनुग्रह ले हुन हरकोनी माने चो काजे मरना चो सुआद चाको।

1यूहन्ना 3:1

दका, बुआ आमचो ले कसन मया करलो से कि आमी माहापुरू चो पिला बलाय जाऊ; आउर आमी आंव बले। ऐई लागुन संवसार आमके नी जाने, कसनबल्लोने हुन हुनके बले नी जानलो।

1यूहन्ना 4:19

आमी ऐईकाजे मया करू आंव, कि पयले हुन आमचो ले मया करलो।

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,