यूहन्ना 3:15 - Halbi

¹⁵ बल्ले जोन कोनी हुनचो उपरे बिश्वास करो हुन अमर जीवना पाओ।”

परमेस्वर को सच्चो वचन ख जाननू

¹⁵ ताकि जो भी कोई ओपर भरोसा करे, उ ओमा अनन्तकाल को जीवन ख पाहे।

यूहन्ना 3:15 ပူးပေါင်းရင်းမြစ်များ

मत्ती 18:10

“दका, तुमी ऐ नानीमन थानले कोनी के तुच्छ नी जाना; कसनबल्लोने मय तुमचो ले बलेंसें कि सरग ने हुनमन चो दूत मोचो सरग चो बुआ चो थोमना हरमेशा दकु आत।

मत्ती 25:46

आउर ऐ हरमेशा चो डण्ड भोगदे मान्तर धरमी अमर जीवना ने ओलदे।”

मरकुस 16:16

जोन बिश्वास करे दे आउर डूबन धरे दे हुनचेई मुक्ति होये दे, मान्तर जोन बिश्वास नी करे दे हुन दोषी ठेबाय जाये दे;

लूका 19:10

कसनबल्लोने माने चो बेटा हाजलो बितामन के डगराऊक आउर हुनमन चो मुक्ति करूक ईलो से।”

यूहन्ना 1:12

मान्तर जितरो लोग हुनके गरहन करला, हुन हुनमन के माहापुरू चो पिलामन होतोर अधिकार दिलो, बल्लोने हुनके जोन हुनचो नाव ने बिश्वास संगाऊ आत।

यूहन्ना 16:33

मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

यूहन्ना 3:16

“कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

यूहन्ना 3:36

जोन बेटा उपरे बिश्वास करू आय, अमर जीवना हुनचो आय; मान्तर जोन बेटा चो नी माने, हुन जीवना के नी दकें दें, मान्तर माहापुरू चो रीस हुनचो उपरे रऊ आय।”

यूहन्ना 5:24

मय तुमचो ले सते-सते बलें सें, जोन मोचो बचन सुनुन भाती मोचो पठालोबितामन थाने बिश्वास करू आय, अमर जीवना हुनचो आय; आउर हुनचो उपरे डण्ड चो हुकुम नी होये मान्तर हुन मरना ले निकरून भाती जीवना ने परवेश होऊन चुकलो से।

यूहन्ना 6:27

नाश करतो बिती भात काजे मसागत नी करा, मान्तर हुन भात चो काजे जोन अमर जीवना तक ठेबु आय, जेके माने चो बेटा तुमके देये दे; कसनबल्लोने बुआ बल्लोने माहापुरू हुनचेई उपरे छापा लगालो से।”

यूहन्ना 6:40

कसनबल्लोने मोचो बुआ चो इच्छा ऐई आय कि जोन कोनी बेटा के दके दे आउर हुनचो उपरे बिश्वास करे दे, हुन अमर जीवना पाओ; आउर मय हुनके आखरी दिने फेर जीव उठायें दें।”

यूहन्ना 6:47

मय तुमचो ले सत-सत बलें सें कि जोन कोनी बिश्वास करू आत, अमर जीवना हुनचेई आय।

प्रेरितो 13:41

हे निन्दा करतो बितामन, दका, आउर चकित हुआ, आउर मेटून जाआ; कसनबल्लोने मय तुमचो दिनमन ने गोटक काम करें से, असन काम कि अगर कोनी तुमचो ले हुनचो चरचा कर दे, तेबे तुमी बिश्वास नी करा से।

प्रेरितो 8:36

बाट ने हिन्ड़ते-हिन्ड़ते हुनमन कोनी पानी चो जगा ने अमरला। तेबे खोजा बल्लो, “दक ऐथा पानी आसे, अदायं मोके डूबन धरतो ने काय अड़चन आसे।”

रोमियो 5:21

कि जसन पाप ने मरना फयलाते-फयलाते राज करली, असने ची आमचो परबु ईशु मसीह चो कारन अनुग्रह बले अमर जीवन चो काजे धरमी ठेबा ते-ठेबा ते राज करो।

1 कुरिन्थियो 1:18

कसनबल्लोने कुरूस चो कथा नाश होतो बितामन काजे मुरूकता आय, मान्तर आमी मुक्ति पावतो बितामन काजे माहापुरू चो सामरत आय।

2 कुरिन्थियो 4:3

मान्तर अगर आमचो नगतखबर थाने परदा पढ़ली से, तो ऐ नष्ट होतो बितामन चो काजे पढ़ली से।

गलातियो 2:16

तेबले बले ऐ जानुन भाती कि माने नियम चो काममन ले नाई, मान्तर मात्र ईशु मसीह चो उपरे बिश्वास करतोर लागुन धरमी ठेबु आय, आमी खुद बले मसीह ईशु उपरे बिश्वास करलु कि आमी नियम चो काममन ले नाई, मान्तर मसीह उपरे बिश्वास करतोर ले धरमी ठेबलु; ऐईकाजे कि नियम चो काममन ले कोनी जीव धरमी नी ठेबे दे।

गलातियो 2:20

मय मसीह चो संगे कुरूस उपरे चेगाया गेले से, अदायं मय जीव नी रले, मान्तर मसीह मोचो ने जीव आसे; आउर मय देंह ने अदायं जोन जीव आंसे तो मात्र हुन बिश्वास ले जीव आंसे जोन माहापुरू चो बेटा उपरे आसे, जोन मोके मया करलो आउर मोचो काजे आपन खुद के देउन दिलो।

इब्रानियो 10:39

मान्तर आमी गुचतो बिता नुआवं कि नाश होऊन जाऊँ मान्तर बिश्वास करतो बिता आंव कि परानमन के बचाऊं।

इब्रानियो 7:25

ऐईकाजे जोन हुनचो दुवारा माहापुरू चो लगे ऐऊ आत, हुन हुनमन चो पुरा-पुरा मुक्ति करूक सके, कसनबल्लोने हुन हुनमन चो काजे गुहार करतो काजे हरमेशा जीव आसे।

1यूहन्ना 2:25

आउर जेचो हुन आमचो ले बायदा करलो हुन अमर जीवना आय।

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।