यूहन्ना 3:11 - Halbi

¹¹ मय तुचो ले सत-सत बलें सें कि आमी जोन जानु आंव हुन बोलु आंव, आउर जोन के आमी दकलु से हुनचो गोहई देऊ आंव, आउर तुमी आमचो गोहई गरहन नी करास।

परमेस्वर को सच्चो वचन ख जाननू

¹¹ मी तोसे सच्ची-सच्ची कहूँ हैं कि हम जो जाना हैं उईच ही बोला हैं, अर जेका हम न देखो हैं ओकी गवाई देवा हैं, अर तुम हमारी गवाई कबुल नी करा।

यूहन्ना 3:11 ပူးပေါင်းရင်းမြစ်များ

मत्ती 11:27

“मोचो बुआ मोके सब कुछ सोपलो से; आउर कोनी बेटा के नी जानोत, मात्र बुआ; आउर कोनी बुआ के नी जानोत, मात्र बेटा; आउर हुन जेचो उपरे बेटा हुनके उजागर करूक चाहाओ।

मत्ती 23:37

“हे यरूशलेम, हे यरूशलेम! तुय अगम गिआनीमन के मारू आस, आउर जोन तुचो लगे पटाया गेला, हुनमन उपरे पोकना मारू आस। कितलो हार मय मन करले कि जसन कुकड़ी आपलो पिलामन के आपलो पाटकी चो खाले रूंड़ा करू आय, असने ची मय बले तुचो लेकामन के रूंड़ा करें, मान्तर तुमी नी मन करलास।

लूका 10:22

मोचो बुआ मोके सब कुछ सोपुन दिलो से; आउर कोनी नी जानोत कि बेटा कोन आय मात्र बुआ, आउर बुआ कोन आय ऐ बले कोनी नी जानोत मात्र बेटा चो आउर हुन जेचो उपरे बेटा हुनके उजागर करूक चाहाओ।”

यूहन्ना 1:11

हुन आपलो घरे ईलो आउर हुनचो आपलो लोग हुनके गरहन नी करला।

यूहन्ना 1:18

माहापुरू के कोनी केबीई नी दकला, एकला बेटा जोन बुआ चो कोरा ने आसे, हुनी ची हुनके उजागर करलो।

यूहन्ना 12:49

कसनबल्लोने मय आपलो बाटले गोठ नी गोठया यें; मान्तर बुआ जोन मोके पठालो से हुनी मोके हुकुम दिलो से कि काय-काय बलेंदें आउर काय-काय सांगेंदें?

यूहन्ना 14:24

जोन मोचो ले मया नी संगाये, हुन मोचो बचन नी माने; आउर जोन बचन तुमी सुनु आहास हुन मोचो नुआय मान्तर बुआ चो आय, जोन मोके पठालो।

यूहन्ना 3:12

जिदलदाय मय तुमचो ले धरतनी चो गोठमन बल्ले आउर तुमी बिश्वास नी करास, तो अगर मय तुमचो ले सरग चो गोठमन सांगेदे तेबे फेर कसन बिश्वास करा से?

यूहन्ना 3:13

कोनी सरग ने नी चेगला, मात्र हुनी जोन सरग ले उतरलो, बल्लोने माने चो बेटा जोन सरग ने आसे।

यूहन्ना 3:3

ईशु हुनके जबाप दिलो, “मय तुचो ले सते-सते बलें सें, अगर कोनी नवा ढंग ले नी जनमे तो माहापुरू चो राज दकुक नी सके।”

यूहन्ना 3:5

ईशु जबाप दिलो, “मय तुचो ले सते-सते बलें सें, जिदलदाय ले कोनी माने पानी आउर आत्मा ले नी जनमे तेबे हुन माहापुरू चो राज ने ओलुक नी सके।

यूहन्ना 5:43

मय आपलो बुआ चो नाव ले ईले से, आउर तुमी मोके गरहन नी करास; अगर दुसर कोनी आपलो ची नाव ले ऐओ, तेबे हुनके गरहन करा से।

यूहन्ना 7:16

ईशु हुनमन के जबाप दिलो, “मोचो उपदेश मोचो नुआय, मान्तर मोके पटाऊ बिता चो आय।

यूहन्ना 8:14

ईशु हुनमन के जबाप दिलो, “अच्छा मय ची आपलो गोहई खुद देऊ आय, फेर बले मोचो गोहई नगत आय, कसनबल्लोने मय जाने से कि मय काहां ले ईले से आउर काहां जाऊ आंय? मान्तर तुमी नी जानास कि मय काहां ले ऐयें सें नाहले काहां जाऊ आंय।

यूहन्ना 8:26

तुमचो बारे ने मोके खुबे काई बोलतोर आउर फयसला करतोर आसे; मान्तर मोचो पटाऊ बिता सते आय, आउर जोन मय हुनचो ले सुनले से हुनी जगत ले बलें सें।”

यूहन्ना 8:38

मय हुनी बलें सें, जोन आपलो बुआ चो थाने दकले से; आउर तुमी हुनी करते रऊ आहास जोन तुमी आपलो बुआ ले सुनलासास।”

प्रेरितो 22:18

आउर हुनके दकले कि हुन मोचो ले बले से, झटके करून यरूशलेम ले तड़ाक राय निकरून जा; कसनबल्लोने हुनमन मोचो बारे ने तुचो गोहई नी मान दे।

2 कुरिन्थियो 4:4

आउर हुन बिश्वासिमन काजे, जेचो अकल ऐ संवसार चो ईश्पर आन्दा करून दिलो से, बल्ले मसीह जोन माहापुरू चो सवरूप आय, हुनचो तेजमय नगतखबर चो उजर हुनमन उपरे नी बरो।

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,

प्रकाशितवाक्य 3:14

“लौदीकिया चो कलीसिया चो दूत के ऐ लिक: जोन आमीन आउर बिश्वास लायक आउर सत गोहई आय, आउर माहापुरू चो बनालोर मुल कारन आय, हुन ऐ बलेसे: कि”