यूहन्ना 21:17 - Halbi

¹⁷ हुन तीसर हार हुनचो ले बल्लो, “हे शिमोन, यूहन्ना चो बेटा, काय तुय मोचो ले मया संगाऊ आस?” पतरस मुरमुरा होलो कि हुन हुनके तीसर हार असने ची बल्लो, “काय तुय मोचो ले मया संगाऊ आस?” आउर हुनचो ले बल्लो, “हे परबु, तुय तो सपाय काई जान सीस; तुय ऐ जानीस कि मय तुचो ले मया संगाऊ आंय।” ईशु हुनचो ले बल्लो, “मोचो मेंडामन के चराव।

परमेस्वर को सच्चो वचन ख जाननू

¹⁷ ओ ना तीसरी बार ओसे कय्हो, अरे समोन, “यूहन्ना को पोरिया, का तू मोसे प्रेम रखा हैं?” पतरस नाराज भयो कि ओ ना ओसे तीन बार असो कही, “का तू मोसे प्रेम रखा हैं?” अर ओसे कय्हो, “अरे प्रभु, तू तो सब कुछ जाना हैं; तू यू जाना हैं कि मी तो से प्रेम रखू हैं।” यीसु न ओसे कय्हो, “मोरी भेड़ी हुन ख चरा।

यूहन्ना 21:17 ပူးပေါင်းရင်းမြစ်များ

मत्ती 25:40

तेबे राजा हुनमन के जबाप देयेदे, ‘मय तुमचो ले सते बलेंसें कि तुमी जोन मोचो ऐ नानी ले नानी भाईमन ले कोनी गोटक संगे करलास, हुन मोचो ची संगे करलास।’”

मरकुस 14:72

तेबे तुरते दुसरहार कुकड़ा बासली। पतरस के हुन गोठ जोन ईशु हुनचो ले बोलु रलो सुरता ईली, “कुकड़ा चो दुयहार बासतोर पयले तुय तीन हार मोचो इन्कार कर से।” आउर हुन ऐ गोठ के बिचारून भाती गागुक मुरयालो।

यूहन्ना 12:8

कसनबल्लोने कंगाल तो तुमचो संगे हरमेशा रऊ आत, मान्तर मय तुमचो संगे हरमेशा नी रयें।”

यूहन्ना 13:38

ईशु जबाप दिलो, “काय तुय मोचो काजे आपलो जीव के दे से? मय तुचो ले सत-सत बलें सें कि कुकड़ा बासुन नी रये दे जिदलदाय ले तुय तीन हार मोचो इन्कार नी कर से।”

यूहन्ना 14:15

“अगर तुमी मोचो ले मया संगाऊ आस, तेबे मोचो हुकुममन के माना से।

यूहन्ना 15:10

अगर तुमी मोचो हुकुममन के माना से, तेबे मोचो मया ने बनुन राहा से; जसन कि मय आपलो बुआ चो हुकुममन के मानले से, आउर हुनचो मया ने बनुन रऊँ आंय।

यूहन्ना 16:30

अदायं आमी जानलु से कि तुय सपाय काई जानीस, आउर ऐचो जरूरी निआय कि कोनी तुचो ले काई पचारोत; ऐचो ले आमी बिश्वास करूं से कि तुय माहापुरू चो बाटले ईली सीस।”

यूहन्ना 18:27

पतरस फेर इन्कार करलो, आउर तुरते कुकड़ा बासली।

यूहन्ना 18:4

तेबे ईशु हुन सपाय गोठमन के जोन हुनचो उपरे ऐतो बिती रये जानुन भाती, निकरलो आउर हुनमन ले बल्लो, “काके डगरायसास?”

यूहन्ना 21:18

मय तुचो ले सत-सत बलें सें, जिदलदाय तुय जुआन रलीस तेबे आपलो करांड बान्दुन भाती जोन थाने चाहते रलीस हुता फिरते रलीस; मान्तर जिदलदाय तुय डोकरा हो से तेबे आपलो हाथ फयला से, आउर दुसर तुचो करांड बान्दुन भाती जोन थाने तुय नी मन कर सीस हुता तुके नेदे।”

यूहन्ना 4:16

ईशु हुनचो ले बल्लो, “जा, आपलो मनुक के ऐथा हाग देऊन आन।”

प्रेरितो 1:24

आउर ऐ पारथना करला, “हे परबु, तुय जोन सपाय चो मन जानु आस, ऐ उजागर कर कि ऐ मन दुनो ले तुय काके चुनली सीस,

प्रेरितो 11:10

तीन हार ले असने ची होली; तेबे सपाय काई फेर बादरी ने झिकुन धरा गेली।

प्रेरितो 15:8

मन चो जाचतो बिता माहापुरू हुनमन के बले आमचो असन पवितर आत्मा देऊन भाती हुनमन चो गोहई दिलो;

2 कुरिन्थियो 1:12

कसनबल्लोने आमी आपलो बिबक चो ऐ गोहई थाने घमण्ड करूं से, कि जगत ने आउर खास करून तुमचो मंजी, आमचो गुन माहापुरू चो लायक असन पवितरता आउर सत संगे रये, जोन शारीरिक गिआन ले नाई मान्तर माहापुरू चो अनुग्रह चो संगे रये।

इफिसीयो 4:30

माहापुरू चो पवितर आत्मा के दुकी नी करा, जेचो ले तुमचो उपरे छुटकारा चो दिने चो काजे छाप दिया गेली से।

1 पतरस 1:6

ऐई लागुन तुमी मतभुल होऊ आस, आउर जरूरी आय कि ऐबे खिन्डिक दिन चो काजे नाना परकार चो परीक्षामन चो लागुन दुख ने आसास;

2 पतरस 3:1

हे लाड़रामन, अदायं मय तुमके दुसर चिठ्ठी लिकें से, आउर दुनो थाने सुरता दियाऊन भाती तुमचो शुद्धमन के उभरायें से,

प्रकाशितवाक्य 2:23

“मय हुनचो पिलामन के मारून देयेंदे; तेबे सपाय कलीसियामन जानेदे कि देंह आउर मन चो परकतो बिता मय ची आंय, आउर मय तुमनमन ले हरकोनी के हुनचो काममन चो अनुसार पलटा देयदे।”

प्रकाशितवाक्य 3:19

“मय जोन-जोन के मया करू आंय, हुन सपाय के सिकाऊ आंय आउर ताड़ना देऊ आंय; ऐईकाजे टिव-टिव हो आउर मन फिराव।”