यूहन्ना 21:15 - Halbi

¹⁵ भोजन करलो पाचे ईशु शिमोन पतरस ले बल्लो, “ऐ शिमोन, यूहन्ना चो बेटा, काय तुय ऐ मन ले बडुन भाती मोचो ले मया संगाऊ आस?” हुन हुनचो ले बल्लो, “हव, परबु; तुय तो जानीस कि मय तुचो ले मया संगाऊ आंय।” हुन हुनचो ले बल्लो, “मोचो मेमनामन के चराव।”

परमेस्वर को सच्चो वचन ख जाननू

¹⁵ खाना खान को बाद यीसु न समोन पतरस से कही, “अरे समोन, यूहन्ना को पोरिया, का तू इन से बढ़ ख मोसे प्रेम करा हैं?” ओ न ओसे कय्हो, “हव, प्रभु; तू तो जाना हैं कि मी तो से प्यार करू हैं।” ओ न ओसे कय्हो, “मोरा मेम्ना हुन ख चरा।”

यूहन्ना 21:15 ပူးပေါင်းရင်းမြစ်များ

मत्ती 10:37

“जोन आया नाहले बुआ के मोचो ले आगर लाड़ करू आय, हुन मोचो लायक नुआय; आउर जोन बेटा नाहले बेटी के मोचो ले आगर मया करू आय, हुन मोचो लायक नुआय;

मत्ती 16:17

ईशु हुनके जबाप दिलो, “हे शिमोन, योना चो बेटा, तुय धन्य आस; कसनबल्लोने मास आउर लऊ ने नाई, मान्तर मोचो बुआ जोन सरग ने आसे, ऐ गोठ तुचो उपरे उजागर करलो से।

मत्ती 18:10

“दका, तुमी ऐ नानीमन थानले कोनी के तुच्छ नी जाना; कसनबल्लोने मय तुमचो ले बलेंसें कि सरग ने हुनमन चो दूत मोचो सरग चो बुआ चो थोमना हरमेशा दकु आत।

मत्ती 26:33

ऐ थाने पतरस हुनचो ले बल्लो, “अगर सपाय तुचो बारे ने ठोकर खावले खाओत, मान्तर मय केबीई बले ठोकर नी खायें।”

मत्ती 26:35

पतरस हुनचो ले बल्लो, “अगर मोके तुचो संगे मरूक बले पड़ो, तेबले बले मय तुचो ले केबीई नी मुखरे।” आउर असने ची सपाय चेलामन बले बल्ला।

मरकुस 14:29

पतरस हुनचो ले बल्लो, “अगर सपाय ठोकर खावले खाओत, मान्तर मय ठोकर नी खायें।”

लूका 12:32

“हे नानी गोहड़ी, नी डर; कसनबल्लोने तुमचो बुआ के ऐ भावली से, कि तुमके राज देओ।

लूका 22:32

मान्तर मय तुचो काजे गुहार करले कि तुचो बिश्वास जाते नी रओ; आउर जिदलदाय तुय फिर से, तेबे आपलो भाईमन के थीर कर।”

यूहन्ना 1:42

हुन हुनके ईशु चो लगे आनलो। ईशु हुनचो उपरे दकुन भाती बल्लो, “तुय यूहन्ना चो बेटा शिमोन आस, तुय कयफा बल्लोने पतरस बलाय होसे।”

यूहन्ना 13:37

पतरस हुनचो ले बल्लो, “हे परबु, ऐबे मय तुचो पाट-पाट केंव ऐऊक नी सकें? मय तो तुचो काजे आपलो जीव के बले देयें दें।”

यूहन्ना 16:27

कसनबल्लोने बुआ तो खुदे ची तुमचो ले मया संगाऊ आय, ऐईकाजे कि तुमनमन मोचो ले मया संगालासास आउर ऐ बले बिश्वास करलासास कि मय बुआ चो बाटले ईले से।

यूहन्ना 21:12

ईशु हुनमन ले बल्लो, “ईआ, भोजन करा।” चेलामन थानले कोकीई हिम्मत नी होली कि हुनचो ले पचारोत, “तुय कोन आस?” कसनबल्लोने हुनमन जानते रवत कि ऐ परबु ची आय।

यूहन्ना 21:7

तेबे हुन चेला जेचो ले ईशु मया संगाते रये, पतरस ले बल्लो, “ऐ तो परबु आय!” शिमोन पतरस ऐ सुनुन भाती कि हुन परबु आय करांड ने तुआल पिन्दलो, कसनबल्लोने हुन बीन फटीई रये, आउर झील ने डगालो।

यूहन्ना 8:42

ईशु हुनमन ले बल्लो, “अगर माहापुरू तुमचो बुआ होतो, तेबे तुमी मोचो ले मया संगातास; कसनबल्लोने मय माहापुरू चो बाटले ईले से। मय खुद ले नी ईले, मान्तर हुनी ची मोके पठालो।

प्रेरितो 20:28

ऐईकाजे आपलो आउर पुईतराय गोहड़ी चो राका करा जोन थाने पवितर आत्मा तुमके अध्यक्ष ठेबालो से, कि तुमी माहापुरू चो कलीसिया चो राका करा, जोन के हुन आपलो लऊ ले घेनलो से।

प्रेरितो 20:29

मय जाने कि मोचो गेलो पाचे चिरतो बिती बिगवामन तुमचो ने ऐ दे जोन गोहड़ी के नी छांड दे।

रोमियो 14:1

जोन बिश्वास ने कमजोर आसे, हुनके आपलो संगे धरा, मान्तर हुनचो संकामन थाने बिवाद करतो काजे नाई।

रोमियो 15:1

आउर आमी बलबीतामन के जरूरी आय कि कमजोरमन चो कमजोरीमन के सहु, ना कि आपन खुद के हरिक करू।

1 कुरिन्थियो 8:11

ऐ रीति ले तुचो गिआन चो कारन हुन कमजोर भाई जेचो काजे मसीह मरलो, नष्ट होऊन जायेदे।

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

इफिसीयो 4:14

तेबे आमी पहिल ले लेका नी रऊँ जोन मानेमन चो ठग-बिदया आउर चलाक ले, हुनमन चो भरम चो फान्दामन चो आउर उपदेश चो हरकोनी लेहरा ले उदलाया आउर ऐ बाटे-हुन बाटे किन्दराया जाऊ आहास।

इफिसीयो 6:24

जोन आमचो परबु ईशु मसीह ले सत मया संगाऊ आत, हुन सपाय उपरे अनुग्रह होते रओ।

इब्रानियो 13:20

अदायं शान्ति देऊ माहापुरू, जोन आमचो परबु ईशु के जोन मेंडामन चो बड़े राका करू आय हरमेशा बायदा चो लऊ चो गुन ले मरलो बितामन थानले जियाऊन भाती धरून ईलो,

इब्रानियो 4:13

ब्रमांड चो कोनी तीज हुनचो ले लुकली से नाजुन मान्तर जेचो ले आमके काम आसे, हुनचो आँईकमन चो पुरे सपाय तीजमन खुललोर आउर परकट आसे।

1 पतरस 1:8

हुनचो ले तुमी बिना दके मया संगाऊ आस आउर अदायं तो हुनचो उपरे बिना दकुन बले बिश्वास करून असन हरिक आउर मतभुल होऊ आस जोन आमचो गोठ ले बहारे आउर महिमा ले भरलोर आसे;

1 पतरस 2:2

नवा जनम लो पिलामन चो असन निंगल आत्मिक गोरस चो आशा करा, बल्ले हुनचो दुवारा मुक्ति पावतो काजे बाड़ते जाहा,

1 पतरस 2:25

कसनबल्लोने तुमी पयले भुलकलो बिती मेंडामन चो असन रलास, मान्तर अदायं आपलो परानमन चो राका करू आउर अध्यक्ष चो लगे फिरून ईलासास।

1यूहन्ना 4:19

आमी ऐईकाजे मया करू आंव, कि पयले हुन आमचो ले मया करलो।

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।

प्रकाशितवाक्य 2:23

“मय हुनचो पिलामन के मारून देयेंदे; तेबे सपाय कलीसियामन जानेदे कि देंह आउर मन चो परकतो बिता मय ची आंय, आउर मय तुमनमन ले हरकोनी के हुनचो काममन चो अनुसार पलटा देयदे।”