यूहन्ना 2:23 - Halbi

²³ जिदलदाय हुन यरूशलेम ने फसह चो समया तिआर ने रलो, तेबे खुबे लोगमन हुन चिनामन के जोन हुन दकाते रये दकुन भाती हुनचो नाव ने बिश्वास करला।

परमेस्वर को सच्चो वचन ख जाननू

²³ जब यीसु यरूसलेम म फसह को बखत तिहार म हतो, ते ढ़ेर सारा इंसान हुन न उनको वजे से भया वाला भयानक चिन्ह देख ख ओको नाम पा भरोसा करयो।

यूहन्ना 2:23 ပူးပေါင်းရင်းမြစ်များ

लूका 8:13

पकना उपर चो हुनमन आत कि जिदलदाय सुनु आत, तेबे हरिक ले बचन के गरहन तो करू आत, मान्तर चेर नी धरलो ले हुनमन खिन्डिक समया ले बिश्वास संगाऊ आत आउर परीक्षा चो बेरा बहकुन जाऊ आत।

यूहन्ना 11:45

तेबे जोन यहूदी मरियम चो लगे ऐऊ रवत आउर हुनचो ऐ काम दकुन रओत, हुनमन थानले खुबे असन हुनचो उपरे बिश्वास करला।

यूहन्ना 2:11

ईशु गलील चो काना गाँव ने आपलो ऐ पयला चिना दकाऊन भाती आपलो महिमा उजागर करलो आउर हुनचो चेलामन हुनचो उपरे बिश्वास करला।

यूहन्ना 2:13

यहूदीमन चो फसह चो तिआर लगे रये, आउर ईशु यरूशलेम ने गेलो।

यूहन्ना 3:2

हुन राती दाय ईशु चो लगे ऐऊन भाती हुनचो ले बल्लो, “हे रब्बी, आमी जानु से कि तुय माहापुरू चो बाटले गुरू होऊन भाती ईली सीस, कसनबल्लोने कोनी ऐ चिनामन के जोन तुय दकाय सीस, अगर माहापुरू हुनचो संगे नी रवो तो नी दकाऊक सकतीस।”

यूहन्ना 4:45

जिदलदाय हुन गलील नंगर ने ईलो, तेबे गलीलीमन हरिक चो संगे हुनचो ले मिलला; कसनबल्लोने जितरो काम हुन यरूशलेम ने तिआर चो समया करू रलो, हुनमन हुन सपाय के दकु रवत, कसनबल्लोने हुनमन बले तिआर ने जाऊ रवत।

यूहन्ना 5:36

मान्तर मोचो लगे जोन गोहई आसे हुन यूहन्ना चो गोहई ले बड़े आय; कसनबल्लोने जोन काम बुआ मोके पुरा करतो काजे सोपलो से बल्लोने ऐई काम जोन मय करू आंय, हुनमन मोचो गोहई आत कि बुआ मोके पठालो से।

यूहन्ना 6:14

तेबे जोन अकचकित काम हुन करून दकालो हुनके हुन लोगमन दकुन भाती बोलुक मुरयाला, “हुन अगम गिआनी जोन जगत ने ऐतो बिता रये बिलकुल ऐई आय।”

यूहन्ना 6:2

आउर गोटक बड़े भीड़ हुनचो पाटे होला कसनबल्लोने जोन अकचकित काम हुन बेमारीमन उपरे दकाते रये हुनमन हुनमन दकते रवत।

यूहन्ना 7:31

फेर बले भीड़ थानले खुबे असन लोगमन हुनचो उपरे बिश्वास करला, आउर बोलुक मुरयाला, “मसीह जिदलदाय ऐये दे तो काय ऐचो ले खुबे अकचकित काम दकाय दे जोन ऐ दकालो?”

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

1यूहन्ना 3:23

हुनचो हुकुम ऐ आय कि आमी हुनचो बेटा ईशु मसीह चो नाव थाने बिश्वास करूं, आउर जसन हुन आमके हुकुम दिलो से हुनचेई अनुसार आपस ने मया संगाहा।