यूहन्ना 2:19 - Halbi

¹⁹ ईशु हुनमन के जबाप दिलो, “ऐ मंदिर के घसराऊन दिआस, आउर मय ऐके तीन दिन ने उबा करून देयें दें।”

परमेस्वर को सच्चो वचन ख जाननू

¹⁹ यीसु न उनका जवाब दियो, “यू मन्दिर ख खतम कर देव अर मी ये ख तीन रोज म खड़ो कर देहु।”

यूहन्ना 2:19 ပူးပေါင်းရင်းမြစ်များ

मत्ती 12:40

योना तीन रात दिन बड़े मछरी चो पेट ने रलो, असने ची माने चो बेटा तीन रात दिन धरतनी चो भीतरे रये दे।

मत्ती 16:21

हुन समया ले ईशु आपलो चेलामन के सांगुक मुरयालो, “जरूरी आय कि मय यरूशलेम ने जायें दें आउर पुरनिमन, आउर परधान याजकमन, आउर शास्तरीमन चो हाथ ले खुबे दुख उठायें; आउर मारून पकाया जायें; आउर तीसर दिने जीव उठेदे।”

मत्ती 27:40

आउर ऐ बलते रवत, “हे मंदिर के घसरातो बिता आउर तीन दिन ने बनातो बिता, आपन खुद के तो बचाव! अगर तुय माहापुरू चो बेटा आस, तो कुरूस थानले उतरून आव।”

मत्ती 27:63

“हे मालिक, आमके सुरता आसे कि हुन भरमातो बिता जिदलदाय हुन जीव रलो, बोलुन रलो, ‘मय तीन दिन चो पाचे जीव उठेंदें।’

मरकुस 14:58

“आमी ऐके ऐ बलते सुनलु से, ‘मय ऐ हाथ चो बनालोर मंदिर के घसराऊन देयेंदे, आउर तीन दिन ने दुसर बनायेंदें, जोन हाथ ले नी बनली से।’”

मरकुस 15:29

आउर बाट ने जातो बितामन मुण्ड हलान-हलान भाती आउर ऐ बोलुन भाती हुनचो निन्दा करते रवत, “बाप रे! मंदिर के घसरातो बिता, आउर तीन दिन ने बनातो बिता!

मरकुस 8:31

तेबे हुन हुनमन के सिकाऊक मुरयालो कि माने चो बेटा काजे जरूर आय कि हुन खुबे दुक उठाओ, आउर पुरनिमन आउर परधान याजक, आउर शास्तरीमन हुनके नीच समजुन भाती मारून पका ओत, आउर हुन तीन दिन चो पाचे जीव उठेदे।

यूहन्ना 11:25

ईशु हुनचो बल्लो, “जीव उठतोर आउर जीवना मय ची आंय; जोन कोनी मोचो उपरे बिश्वास करू आत हुन अगर मरून बले जाये तेबले बले जियेदे,

यूहन्ना 5:19

ऐ थाने ईशु हुनमन ले बल्लो, “मय तुमचो ले सत-सत बलेंसे, बेटा खुद ले काई नी करूक सके, मात्र हुन जोन बुआ के करतोर दकु आय; कसनबल्लोने जोन-जोन काममन के हुन करू आय हुनके बेटा बले हुनी रीति ले करू आय।

प्रेरितो 2:24

मान्तर हुनी के माहापुरू मरना चो बान्दनमन ले छंड़ाऊन भाती जिआ लो; कसनबल्लोने ऐ नी होतो लायक रली कि हुन हुनचो बस ने रतो।

प्रेरितो 2:32

ऐई ईशु के माहापुरू जिआ लो, जेचो आमी सपाय गोहई आंसु।

प्रेरितो 3:15

आउर तुमीमन जीवना चो करता के मारून दीलास, जेके माहापुरू मरलो बितामन थानले जिआ लो; आउर ऐ गोठ ने आमी गोहई आंसु।

प्रेरितो 3:26

“माहापुरू आपलो सेवा करू के उठाऊन भाती पयले तुमचो लगे पठालो, कि तुमनमन ले हरकोनी के हुनचो बुराईमन ले फिराऊन भाती आशीष देओ।”

प्रेरितो 6:14

कसनबल्लोने आमीमन हुनके ऐ बोलतोर सुनलु से कि ऐई “ईशु नासरी ऐ जगा के उजराऊन देये दे, आउर हुन रीतिमन के बदलुन देये दे जोन मूसा आमके सोपलो से।”

रोमियो 4:24

मान्तर आमचो काजे बले जोनमन काजे बिश्वास धारमिकता गेनाय जाय दे, बल्लोने आमचो काजे जोन हुनचो उपरे बिश्वास करू आत जोन आमचो परबु ईशु के मरलो थानले जिआ लो।

रोमियो 6:4

आउर हुन मरना चो डूबन पावलो ने आमी हुनचो संगे गाड़ाय गेलु, बल्ले जसन मसीह बुआ चो महिमा चो कारन मरलो बितामन थानले जिआय गेलो, असने ची आमी बले नवा जीवन चो असन चाल चलु।

रोमियो 8:11

अगर हुनचेई आत्मा जेचो ने ईशु के मरलो बितामन थानले जिआलो, तुमनमन ने बसलोर आसे; तेबे जोन मसीह के मरलो बितामन थानले जिआलो, हुन तुमचो नाश होतो बिती देंहमन के बले आपलो आत्मा चो बाटले जोन तुमनमन ने बसलोर आसे, जिआय दे।

1 कुरिन्थियो 15:12

ऐईकाजे जिदलदाय कि मसीह चो ऐ परचार करा जाऊ आय कि हुन मरलो बितामन थानले जीव उठलो, तेबे तुमनमन थानले कितलो कसन बोलु आत कि मरलो बितामन चो जीव उठतोर आसे ची नाई?

कुलुस्सियो 2:12

आउर हुनचेई संगे डूबन ने गाड़ाय गेला आउर हुनचेई थाने माहापुरू चो सामरत उपरे बिश्वास करून, जेचो ले हुनके मरलो बितामन थानले जिआलो, हुनचो संगे जीव बले उठला।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।