यूहन्ना 19:30 - Halbi

³⁰ जिदलदाय ईशु हुन सिरका धरलो, तेबे बल्लो, “पुरा होली”; आउर मुण्ड लुआऊन भाती जीव छांडलो।

परमेस्वर को सच्चो वचन ख जाननू

³⁰ जब यीसु न उ सिरका लियो, ते कही, “पुरो भयो” अर मुण्डी नीचु कर ख जान छोड़ दियो।

यूहन्ना 19:30 ပူးပေါင်းရင်းမြစ်များ

मत्ती 20:28

जसन कि माने चो बेटा; हुन ऐईकाजे नी ईलो कि हुनचो सेवा शासन करा जाओ, मान्तर ऐईकाजे ईलो कि खुद सेवा शासन करो, आउर खुबे लोगमन के छंड़ातो काजे आपलो जीव देओ।”

मत्ती 27:50

तेबे ईशु फेर बड़े शब्द ले चिचयाऊन भाती जीव छांडलो।

मत्ती 3:15

ईशु हुनके ऐ जबाप दिलो, “ऐबे तो असने ची होऊक देस, कसनबल्लोने आमके ऐई रीति ले सपाय धरमकरम के पुरा करतोर नगत आय।” तेबे हुन हुनचो गोठ के मानलो।

मरकुस 15:37

तेबे ईशु बड़े शब्द ले चिचयाऊन भाती जीव छांडलो।

लूका 22:37

कसनबल्लोने मय तुमचो ले बलें सें, कि ऐ जोन लिकलोर आसे, ‘हुन गुनेगार चो संगे गेना गेलो,’ हुनचो मोचो थाने पुरा होतोर जरूरी आय; कसनबल्लोने मोचो बारे ने लिकलोर गोठमन पुरा होतो थाने आसे।”

लूका 23:46

आउर ईशु बड़े जोर ले चिचयाऊन भाती बल्लो, “हे बुआ, मय आपलो आत्मा तुचो हाथ ने सोपें सें।” आउर ऐ बोलुन भाती जीव छांडलो।

यूहन्ना 10:11

अच्छा चरेया मय आय; अच्छा चरेया मेंडामन चो काजे आपलो जीव देऊ आय।

यूहन्ना 10:18

कोनी हुनके मोचो ले झिकु नुआत, मान्तर मय हुनके खुद ची देऊ आंय। मोके हुनके देतोर बले अधिकार आसे। आउर हुनके फेर ले धरतोर बले अधिकार आसे। ऐ हुकुम मोचो बुआ ले मोके मिरली से।”

यूहन्ना 17:4

जोन काम तुय मोके करतो काजे देऊ रलीस, हुनके पुरा करून भाती मय धरतनी थाने तुचो महिमा करले से।

यूहन्ना 19:28

ऐचो पाचे ईशु ऐ जानुन भाती कि अदायं सपाय काई पुरा होऊन गेली, ऐईकाजे कि पवितर शास्त्र ने जोन बोला गेली हुन पुरा होओ, बल्लो, “मय पिआस आंसे।”

यूहन्ना 4:34

ईशु हुनमन ले बल्लो, “मचो भात ऐ आय कि आपलो पठालो बिता चो इच्छा चो अनुसार चलें दें आउर हुनचो काम पुरा करेंदे।

रोमियो 10:4

कसनबल्लोने हरकोनी बिश्वास करतो बितामन काजे धारमिकता चो काजे मसीह नियम चो आखरी आय।

रोमियो 3:25

हुनके माहापुरू हुनचो लऊ चो लागुन गोटक असन पशतावा ठेबालो, जोन बिश्वास करलो ले कामकरू होऊ आय, कि जोन पाप पयले करला आउर जेचो उपरे माहापुरू आपलो धीरज चो लागुन धिआन नी दिलो। हुनमन चो बारे ने हुन आपलो धारमिकता उजागर करो।

1 कुरिन्थियो 5:7

जुना खमीर निकराऊन भाती आपन खुद के शुद्ध करा कि नवा चटकलो बिती आंटा बनुन जाहा; बल्ले तुमी अखमीरी हुआ। कसनबल्लोने आमचो बले फसह, जोन मसीह आय, बलिदान होलो से।

फिलिप्पियो 2:8

आउर माने चो रूप ने परकट होऊन भाती आपन खुद के दिन करलो, आउर ऐथा ले हुकुम मानु रलो कि मरना, हव, कुरूस चो मरना बले सहलो।

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

इब्रानियो 9:22

सत तो ऐ आय कि नियम चो अनुसार लगभग: सपाय तीजमन लऊ चो दुवारा शुद्ध करा जाऊ आय, आउर बिना लऊ बहालोर पापमन चो छमा निआय।