यूहन्ना 18:37 - Halbi

³⁷ पिलातुस हुनचो ले बल्लो, “तो काय तुय राजा आस?” ईशु जबाप दिलो, “तुय बोल सीस कि मय राजा आंय। मय ऐईकाजे जनम धरले आउर ऐईकाजे जगत ने ईले से कि सत चो गोहई देयें दें। जोन कोनी सत चो आत, हुन मोचो शब्द सुनु आय।”

परमेस्वर को सच्चो वचन ख जाननू

³⁷ येपर पिलातुस न ओसे कही, “ते का तू राजा आय?” यीसु न जवाब दियो, “तू बोला हैं कि मी राजा आय। मी न एकोलाने जनम लियो हैं अर एकोलाने ही मी दुनिया म आयो हैं कि सत्य कि गवाई देऊ। जे कोई सत को हैं, उ मोरो वचन सुना हैं।”

यूहन्ना 18:37 ပူးပေါင်းရင်းမြစ်များ

मत्ती 26:64

ईशु हुनचो ले बल्लो, “तुय खुद बललीस; मान्तर मय तुमचो ले ऐ बले बलें सें कि अदायं ले तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन उपरे ऐतोर दका से।”

मत्ती 27:11

जिदलदाय ईशु मुखिया चो पुरे उबा रलो तेबे हाकिम हुनचो ले पचारलो, “काय तुय यहूदीमन चो राजा आस?” ईशु हुनचो ले बल्लो, “तुय खुद बोल सीस।”

मरकुस 14:62

ईशु बल्लो, “मय आंय: आउर तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन चो संगे ऐतोर दका से।”

मरकुस 15:2

पिलातुस हुनचो ले पचारलो, “काय तुय यहूदीमन चो राजा आस?” हुन हुनके जबाप दिलो, “तुय खुद बोल सीस।”

लूका 22:70

ऐ थाने सपाय बल्ला, “तेबे काय तुय माहापुरू चो बेटा आस?” हुन हुनमन ले बल्लो, “तुमी खुद ची बलेसास, कसनबल्लोने मय आय।”

लूका 23:3

पिलातुस हुनचो ले पचारलो, “काय तुय यहूदीमन चो राजा आस?” हुन हुनके जबाप दिलो, “तुय खुद बोल सीस।”

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 1:17

ऐईकाजे नियम तो मूसा चो बाटले दिया गेली, मान्तर अनुग्रह आउर सत ईशु मसीह चो बाटले पोंचली।

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

यूहन्ना 3:32

जोन काई हुन दकलो आउर सुनलो से, हुनचेई गोहई देऊ आय; आउर कोनी हुनचो गोहई गरहन नी करे।

यूहन्ना 7:17

अगर कोनी हुनचो इच्छा थाने चलुक चाहाओ, तेबे हुन ऐ उपदेश चो बारे ने जाने दे कि ऐ माहापुरू चो बाटले आय नाहले मय आपलो बाटले बलें सें।

यूहन्ना 8:14

ईशु हुनमन के जबाप दिलो, “अच्छा मय ची आपलो गोहई खुद देऊ आय, फेर बले मोचो गोहई नगत आय, कसनबल्लोने मय जाने से कि मय काहां ले ईले से आउर काहां जाऊ आंय? मान्तर तुमी नी जानास कि मय काहां ले ऐयें सें नाहले काहां जाऊ आंय।

यूहन्ना 8:45

मान्तर मय जोन सत बोलु आय, ऐईकाजे तुमी मोचो बिश्वास नी करास।

यूहन्ना 8:46

तुमीमन थानले कोन मोके पापी ठेबाऊ आय? अगर मय सते बलें सें, तो तुमी मोचो बिश्वास केंव नी करास?

यूहन्ना 8:47

जोन माहापुरू ले होऊ आय, हुन माहापुरू चो गोठमन सुनु आय; आउर तुमी ऐईकाजे नी सुनास कि माहापुरू चो बाटले नुआहास।”

1तीमुथियुस 6:13

मय तुके माहापुरू के, जोन सपाय के जीव संगाऊ आय, आउर मसीह ईशु के गोहई करून जोन पुन्तियुस पिलातुस चो पुरे अच्छा अंगीकार करलो, ऐ हुकुम देये से

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

1यूहन्ना 2:21

मय तुमके ऐईकाजे नी लिकले कि तुमी सत के नी जानास, मान्तर ऐईकाजे कि हुनके जानास, आउर ऐईकाजे कि कोनी फंद, सत चो बाटले नुआय।

1यूहन्ना 3:14

आमी जानु से कि आमी मरना ले नाकुन भाती जीवना ने अमरलु से; कसनबल्लोने आमी भाईमन ले मया संगाऊ आंव। जोन मया नी संगाये हुन मरना चो दसा ने रऊ आय।

1यूहन्ना 3:19

ऐचीई ले आमी जानु दें कि आमी सत चो आंव; आउर जोन गोठ ने आमचो मन आमके दोष देये दे, हुनचो बारे ने आमी हुनचो पुरे आपलो मन के दिलासा देऊक सकवां;

1यूहन्ना 4:6

आमी माहापुरू चो आंव जोन माहापुरू के जाने, हुन आमचो सुनु आय; जोन माहापुरू के नी जाने हुन आमचो नी सुने। ऐई परकार आमी सत चो आत्मा आउर भरम चो आत्मा के चिताऊ आंव।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

प्रकाशितवाक्य 1:4

यूहन्ना चो बाटले आसिया चो सात कलीसियामन चो नाव: हुनचो बाटले जोन आसे, आउर जोन रये, आउर जोन ऐतो बिती आय; आउर हुन सात आत्मामन चो बाटले, जोन हुनचो सिंघासन चो पुरे आसे,

प्रकाशितवाक्य 3:14

“लौदीकिया चो कलीसिया चो दूत के ऐ लिक: जोन आमीन आउर बिश्वास लायक आउर सत गोहई आय, आउर माहापुरू चो बनालोर मुल कारन आय, हुन ऐ बलेसे: कि”