यूहन्ना 18:20 - Halbi

²⁰ ईशु हुनके जबाप दिलो, “मय संवसार ले खुलुन भाती गोठयाले; मय आराधना घरमन ने आउर मंदिर ने, जाहां सपाय यहूदी रूंड़ा होऊ आत, हरमेशा उपदेश करले आउर गुपत ने काई बले नी बल्ले।

परमेस्वर को सच्चो वचन ख जाननू

²⁰ यीसु न ओखा जवाब दियो, “मीना हमेसा दुनिया म इंसान हुन से खुल का बात करी हैं। हमेसा मीना प्रार्थना घर अर मन्दिर म, जेमा सब यहूदी हुन एक जुट होत रह, ग्यान सिखायो हैं मीना कई भी लूका ख कुछ नी बोल्यो हैं।

यूहन्ना 18:20 ပူးပေါင်းရင်းမြစ်များ

मत्ती 24:26

ऐईकाजे अगर हुनमन तुमचो ले बोल दे, ‘दका, हुन रान ने आसे’, तेबे बाहरे नी निकरून जाआ; नाहले ‘दका, हुन बाकरामन ने आसे’, तेबे बिश्वास नी करा।

मत्ती 26:55

हुन समया ईशु भीड़ ले बल्लो, “काय तुमी खंडामन आउर ठेंगामन धरून भाती मोके डाकु चो असन धरतो काजे निकरलासास? मय रोजे दिना मंदिर ने बसुन भाती उपदेश देते रले, आउर तुमी मोके नी धरलास।

मत्ती 26:65

ऐ थाने माहायाजक आपलो फटीई चिरलो आउर बल्लो, “ऐ माहापुरू चो निन्दा करलो, अदायं आमके गोहईमन चो काय जरूरत? दका, तुमी ऐबे ऐ निन्दा सुनलासास!

मत्ती 4:23

आउर ईशु सपाय गलील परदेश ने बुलते-बुलते हुनमन चो आराधना घरमन ने उपदेश करते, आउर राज चो नगतखबर परचार करते, आउर लोगमन चो सपाय परकार चो बेमार आउर कमजोरी के दूर करते रलो।

मत्ती 9:35

ईशु गलील चो सपाय नंगरमन आउर गाँवमन ने बुलते रये आउर हुनमन चो आराधना घरमन ने उपदेश करते, आउर राज चो नगतखबर परचार करते, आउर सपाय परकार चो बेमार आउर कमजोरी के दूर करते रलो।

मरकुस 8:32

हुन ऐ गोठ हुनमन ले सरसरा सांगुन दिलो। ऐ थाने पतरस हुनके अलगे नेऊन भाती खिजुक मुरयालो,

लूका 21:37

हुन दिन दाय मंदिर ने उपदेश करते रये, आउर राती दाय बाहरे जाऊन भाती जैतून नाव चो डोंगरी उपरे रते रये;

लूका 4:15

हुन हुनमन चो आराधना घरमन ने उपदेश करते रलो, आउर सपाय हुनचो बड़ाई करते रवत।

यूहन्ना 18:21

तुय मोचो ले केंव पचार सीस? सुनतो बितामन ले पुच कि मय हुनमन के काय बल्ले। दक, हुनमन जानोत जोन कि मय काय-काय बल्ले से।”

यूहन्ना 6:59

ऐ गोठमन हुन कफरनहूम चो गोटक आराधना घर ने उपदेश देतो समया बल्लो।

यूहन्ना 7:14

जिदलदाय परब चो आदो दिन बितुन गेली; तेबे ईशु मंदिर ने जाऊन भाती उपदेश करूक मुरयालो।

यूहन्ना 7:26

मान्तर दका, हुन तो खुलम खुला गोठमन करू आय आउर कोनी हुनके काई नी बलोत। काय सरदारमन सत-सत जानला सोत कि ऐई मसीह आय?

यूहन्ना 7:28

तेबे ईशु मंदिर ने उपदेश देते-देते हाग देऊन भाती बल्लो, “तुमी मोके जानास, आउर ऐ बले जानास कि मय काहां चो आंय। मय तो खुद ले नी ईले, मान्तर मोचो पटाऊ बिता सते आय, हुनके तुमी नी जानास।

यूहन्ना 7:4

कसनबल्लोने असन कोनी नी होये दे जोन नामचीन होऊक चाहा ओत, आउर लुकुन भाती काम करोत। अगर तुय ऐ काम करू आस, तो आपन खुद के जगत ने उजागर कर।”

यूहन्ना 8:2

बिहाने हुन फेर मंदिर ने ईलो; सपाय लोग हुनचो लगे ईला आउर हुन बसुन भाती हुनमन के उपदेश देऊक मुरयालो।

यूहन्ना 8:26

तुमचो बारे ने मोके खुबे काई बोलतोर आउर फयसला करतोर आसे; मान्तर मोचो पटाऊ बिता सते आय, आउर जोन मय हुनचो ले सुनले से हुनी जगत ले बलें सें।”

प्रेरितो 26:26

राजा बले जेचो पुरे मय निडर होऊन भाती बलें सें, ऐ गोठमन जाने; आउर मोके बिश्वास आसे कि ऐ गोठमन ले कोनी हुनचो ले लुकलोर निआय, कसनबल्लोने ऐ घटना कोनी कोना ने नी होली।