यूहन्ना 18:11 - Halbi

¹¹ तेबे ईशु पतरस ले बल्लो, “आपलो खंडा मयान ने संगाव। जोन बटका बुआ मोके दिलो से, काय मय हुनके नी पियें?”

परमेस्वर को सच्चो वचन ख जाननू

¹¹ तब यीसु न पतरस से कय्हो, “अपनी तलवार म्यान म धर ला। जे कटोरा परमेस्वर बाप न मोखा दियो हैं, का मी ओखा नी पीऊ?”

यूहन्ना 18:11 ပူးပေါင်းရင်းမြစ်များ

मत्ती 20:22

ईशु जबाप दिलो, “तुमी नी जानास कि काय मांगेसास। जोन बटका थानले मय पिवतो थाने आसे, काय तुमी पिऊक सकास?” हुनमन हुनचो ले बल्ला, “पिऊक सकु।”

मत्ती 26:39

फेर हुन खिन्डिक आउर पुरे जाऊन भाती पाटा पडुन घसरलो, आउर ऐ पारथना करलो, “हे मोचो बुआ, अगर होऊक सके तो ऐ बटका मोचो ले गुचुन जाओ, तेबले बले जसन मय मन करें से असन नाई, मान्तर जसन तुय मन कर सीस असने होओ।”

मत्ती 26:42

फेर हुन दुसरहार जाऊन भाती ऐ पारथना करलो, “हे मोचो बुआ, अगर ऐ मोचो पिवलो बिना नी गुचुक सके तो तुचो इच्छा पुरा होओ।”

लूका 12:30

कसनबल्लोने संवसार चो जातिमन ऐ सपाय तीजमन चो खोज ने रऊ आत आउर तुमचो बुआ जाने से, कि तुमके ऐ तीजमन चो जरूरत आसे।

लूका 22:42

“हे बुआ, अगर तुय मन कर सीस जाले ऐ बटका के मोचो लगले गुचाऊन देस, तेबले बले मोचो नाई मान्तर तुचीई इच्छा पुरा होओ।”

यूहन्ना 15:10

अगर तुमी मोचो हुकुममन के माना से, तेबे मोचो मया ने बनुन राहा से; जसन कि मय आपलो बुआ चो हुकुममन के मानले से, आउर हुनचो मया ने बनुन रऊँ आंय।

यूहन्ना 17:24

हे बुआ, मय चाहायें से, कि जोनमन के तुय मोके दिली सीस, जोन थाने मय आसे हुन थाने हुनमन बले मोचो संगे रवत, कि हुनमन मोचो हुन महिमा के दकोत जोन तुय मोके दिली सीस, कसनबल्लोने तुय जगत चो उपजास ले पयले मोचो ले मया संगालीस।

यूहन्ना 18:36

ईशु जबाप दिलो, “मोचो राज ऐ संवसार चो नुआय; अगर मोचो राज ऐ संवसार चो होती, तो मोचो सेवक लड़ता कि मय यहूदीमन चो हाथे सोपा नी जाते: मान्तर मोचो राज ऐथा चो नुआय।”

यूहन्ना 20:17

ईशु हुनचो ले बल्लो, “मोके नी छिंव, कसनबल्लोने मय ऐबे ले बुआ चो लगे उपरे नी गेले से, मान्तर मोचो भाईमन चो लगे जाऊन भाती हुनमन ले बोलुन देस, कि मय आपलो बुआ आउर तुमचो बुआ, आउर आपलो माहापुरू आउर तुमचो माहापुरू चो लगे उपरे जाये से।”

2 कुरिन्थियो 10:4

कसनबल्लोने आमचो लड़ीई चो हत्यार शारीरिक नुआय, मान्तर गढ़मन के घसरातो काजे माहापुरू चो दुआरा सामरती आय।

2 कुरिन्थियो 6:7

सत मया ले, सत चो बचन ले, माहापुरू चो सामरत ले, धारमिकता चो हत्यारमन ले, जोन उजा डेबरी हाथमन ने आसे,

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।