यूहन्ना 18:1 - Halbi

¹ ईशु ऐ गोठमन बोलुन भाती आपलो चेलामन संगे किद्रोन नाला चो हुनपाट गेलो। हुता गोटक बारी रये, जोन थाने हुन आउर हुनचो चेलामन गेला।

परमेस्वर को सच्चो वचन ख जाननू

¹ यीसु या बात बोल ख अपना चेला को संग किद्रोन नाला को पार गयो। वहाँ एक बगीचा हतो, जेमा उ अर ओखा चेला गया।

यूहन्ना 18:1 ပူးပေါင်းရင်းမြစ်များ

मत्ती 26:30

फेर हुनमन भजन गाऊन भाती जैतून डोंगरी थाने गेला।

मत्ती 26:36

तेबे ईशु आपलो चेलामन चो संगे गतसमनी नाव चो गोटक जगा ने ईलो आउर आपलो चेलामन ले बोलुक मुरयालो, “ऐथाय बसुन राहा, जिदलदाय ले मय हुता जाऊन भाती पारथना करेंदे।”

मरकुस 14:26

फेर हुनमन भजन गाऊन भाती बाहरे जैतून चो डोंगरी थाने गेला।

मरकुस 14:32

फेर हुनमन गतसमनी नाव चो गोटक जगा ने ईला, आउर हुन आपलो चेलामन ले बल्लो, “ऐथा बसुन राहा, जिदलदाय ले मय पारथना करेंदे।”

मरकुस 14:42

उठा, जांव! दका, मोचो धरातो बिता लगे अमरलो से!”

यूहन्ना 14:31

मान्तर ऐ ऐईकाजे हऊ आय कि संवसार जानो कि मय बुआ ले मया संगाऊ आंय, आउर जसन बुआ मोके हुकुम दिलो मय असने ची करू आंय। उठा, ऐथा ले जो।

यूहन्ना 18:26

माहायाजक चो दासमन ले गोटक, जोन हुनचो कुटुम ले रलो जेचो कान पतरस काटून रलो, बल्लो, “काय मय तुके हुनचो संगे बारी ने नी दकले?”

प्रेरितो 21:11

हुन आमचो लगे ऐऊन भाती पौलुस चो कटीबंद धरलो, आउर आपलो हाथ पाँय बान्दुन भाती बल्लो, “पवितर आत्मा ऐ बले से कि जोन माने चो ऐ कटीबन्ध आय, हुनके यरूशलेम ने यहूदी ऐई रीति ले बांद दे, आउर दुसर जातिमन चो हाथे सोप दे।”