यूहन्ना 17:8 - Halbi

⁸ कसनबल्लोने जोन बचन तुय मोके दिलीस, मय हुनके हुनमन के अमराऊन दिले; आउर हुनमन हुनके गरहन करला, आउर सत-सत जानला से कि मय तुचो बाटले ईले से, आउर बिश्वास करले से कि तुय ची मोके पठालीस।

परमेस्वर को सच्चो वचन ख जाननू

⁸ काहेकि जे वचन तुना मोखा दियो, मीना उनका पहुँचा दियो; अर उनना उनका अपना लियो, अर सच्ची-सच्ची जान लियो हैं कि मी तोरी तरफ से आयो हैं, अर भरोसा कर लियो हैं कि तू न ही मोखा सच्ची म भेज्यो हैं।”

यूहन्ना 17:8 ပူးပေါင်းရင်းမြစ်များ

मत्ती 13:11

हुन जबाप दिलो, “तुमके सरग राज चो भेदमन चो समज दिया गेली से, मान्तर हुनमन के नाई।

यूहन्ना 12:49

कसनबल्लोने मय आपलो बाटले गोठ नी गोठया यें; मान्तर बुआ जोन मोके पठालो से हुनी मोके हुकुम दिलो से कि काय-काय बलेंदें आउर काय-काय सांगेंदें?

यूहन्ना 14:10

काय तुय बिश्वास नी करीस कि मय बुआ ने आंसे आउर बुआ मचो थाने आसे? ऐ गोठमन जोन मय तुमके बलें सें, आपलो बाटले नी बोलें, मान्तर बुआ मोचो थाने रऊन भाती आपलो कामकरू आय।

यूहन्ना 15:15

अदायं ले मय तुमके दास नी बलें दें, कसनबल्लोने दास नी जाने कि हुनचो मालिक काय करू आय; मान्तर मय तुमके मीत बल्ले से, कसनबल्लोने मय जोन गोठमन आपलो बुआ ले सुनले, हुन सपाय तुमके सांगुन दिले।

यूहन्ना 16:27

कसनबल्लोने बुआ तो खुदे ची तुमचो ले मया संगाऊ आय, ऐईकाजे कि तुमनमन मोचो ले मया संगालासास आउर ऐ बले बिश्वास करलासास कि मय बुआ चो बाटले ईले से।

यूहन्ना 16:30

अदायं आमी जानलु से कि तुय सपाय काई जानीस, आउर ऐचो जरूरी निआय कि कोनी तुचो ले काई पचारोत; ऐचो ले आमी बिश्वास करूं से कि तुय माहापुरू चो बाटले ईली सीस।”

यूहन्ना 17:14

मय तुचो बचन हुनमन के अमराऊन दिले से; आउर संवसार हुनमन ले बईर करली, कसनबल्लोने जसन मय संवसार चो नुआय, असने ची हुनमन बले संवसार चो नुआत।

यूहन्ना 17:18

जसन तुय मोके जगत ने पठालीस, असने ची मय बले हुनमन के जगत ने पठाले;

यूहन्ना 17:21

कि हुनमन सपाय गोटक होओत; जसन तुय हे बुआ मोचो थाने आशीष, आउर मय तुचो थाने आसे, असने ची हुनमन बले आमचो ने होओत, जेचो ले संवसार बिश्वास करोत कि तुय ची मोके पठाली सीस।

यूहन्ना 17:23

मय हुनमन ने आउर तुय मोचो ने कि हुनमन सिद्ध होऊन भाती गोटक होऊन जाओत, आउर संवसार जानो कि तुय ची मोके पठालीस, आउर जसन तुय मचो ले मया संगालीस असने ची हुनमन ले मया संगाले।

यूहन्ना 17:3

आउर अमर जीवना ऐ आय कि हुनमन तुके गोटक मात्र सते माहापुरू के आउर ईशु मसीह के, जोन के तुय पठाली सीस, जानोत।

यूहन्ना 3:17

माहापुरू आपलो बेटा के जगत ने ऐईकाजे नी पठालो कि जगत ने डण्ड चो हुकुम देओ, मान्तर ऐईकाजे कि जगत हुनचो बाटले मुक्ति पाओ।

यूहन्ना 3:33

जोन हुनचो गोहई गरहन करला हुन ऐ गोठ थाने छापा लगाऊन दिला कि माहापुरू सते आय।

यूहन्ना 6:68

शिमोन पतरस हुनके जबाप दिला, “हे परबु, आमी काचो लगे जाऊँ दे? अमर जीवना चो गोठमन तो तुचीई लगे आसे;

यूहन्ना 8:42

ईशु हुनमन ले बल्लो, “अगर माहापुरू तुमचो बुआ होतो, तेबे तुमी मोचो ले मया संगातास; कसनबल्लोने मय माहापुरू चो बाटले ईले से। मय खुद ले नी ईले, मान्तर हुनी ची मोके पठालो।

1 कुरिन्थियो 11:23

कसनबल्लोने ऐ गोठ मोके परबु ले अमरली, आउर मय तुमके बले अमराऊन दिले कि परबु ईशु जोन राती हुन धराया गेलो, रोटी धरलो,

1 कुरिन्थियो 15:1

हे भाईमन, अदायं मय तुमके हुनी नगतखबर सांगे से जोन पयले सुनान चुकले से, जोन के तुमी अंगीकार बले करू राआस आउर जोन थाने तुमी थीर बले आसास।

1 थिस्सलुनीकियो 2:13

ऐईकाजे आमी बले माहापुरू चो धन्यबाद हरमेशा करूं आंव कि जिदलदाय आमचो लागुन माहापुरू चो नगतखबर चो बचन तुमचो लगे पहुँचली, तेबे तुमी हुनके मानेमन चो नाई मान्तर माहापुरू चो बचन समजुन भाती (आउर सते ऐ असने ची आय) गरहन करलास; आउर हुन तुमी बिश्वासीमन थाने जोन बिश्वास संगाऊ आहास, असर करू आय।

1 थिस्सलुनीकियो 4:1

ऐईकाजे हे भाईमन, आमी तुमके गुहार करूं से आउर तुमके परबु ईशु ने समजाऊँ से कि जसन तुमी आमचो ले लायक चाल चलतोर आउर माहापुरू के हरिक करतोर सिकलासास, आउर जसन तुमी चलेसास बले, असने ची आउर बले बड़ते जाहा।

1यूहन्ना 4:14

आमी दकलु से बले आउर गोहई देऊ आंव कि बुआ बेटा के जगत चो मुक्तिकरू करून पठालो से।

प्रकाशितवाक्य 1:1

ईशु मसीह चो परकाशन बचन, जोन हुनके माहापुरू ऐईकाजे दिलो कि आपलो दासमन चो हुन गोठमन, जेचो झटके होतोर जरूर आय, दकाओ; आउर हुन आपलो सरगदूत के पटाऊन भाती हुनचो दुवारा आपलो दास यूहन्ना के सांगलो,