यूहन्ना 17:6 - Halbi

⁶ “मय तुचो नाव हुन मानेमन थाने उजागर करले से जोन के तुय जगत थानले मोके दिलीस। हुनमन तुचो रवत आउर तुय हुनमन के मोके दिलीस, आउर हुनमन तुचो बचन के मानला सोत।

परमेस्वर को सच्चो वचन ख जाननू

⁶ “मीना तोरो नाम वी इंसान हुन पर परघट करयो हैं जिनका तूना दुनिया म से मोखा दियो। वी तोरा हता अर तुना उनका मोखा दियो, अर विन्ना तोरो वचन ख मान लियो हैं।

यूहन्ना 17:6 ပူးပေါင်းရင်းမြစ်များ

यूहन्ना 1:18

माहापुरू के कोनी केबीई नी दकला, एकला बेटा जोन बुआ चो कोरा ने आसे, हुनी ची हुनके उजागर करलो।

यूहन्ना 12:28

हे बुआ, आपलो नाव चो महिमा कर।” तेबे ऐ आकाशबानी होली, “मय हुनचो महिमा करले से, आउर फेर बले करें दें।”

यूहन्ना 15:19

अगर तुमी संवसार चो होतास, तेबे जगत आपनमन ले मया संगाती; मान्तर ऐई लागुन कि तुमी संवसार चो नुआस, मान्तर मय तुमनमन के संवसार थानले चुनले से, ऐईकाजे संवसार तुमचो ले बईर संगाऊ आय।

यूहन्ना 15:3

तुमी तो हुन बचन चो कारन जोन मय तुमचो ले बल्ले से, शुद्ध आहास।

यूहन्ना 15:7

अगर तुमी मोचो ने बनुन राहा आउर मोचो बचन तुमचो ने बनुन रओ, तेबे जोन चाहे मांगा आउर हुन तुमचो काजे होऊन जाये दे।

यूहन्ना 17:12

जिदलदाय मय हुनमन चो संगे रये, तेबे मय तुचो हुन नाव ले, जोन तुय मोके दिली सीस हुनचो राका करले। मय हुनचो राका जागा करले, आउर बिनाश चो बेटा के छांडुन हुनमन थानले कोनी नष्ट नी होला, ऐईकाजे कि पवितर शास्त्र ने जोन बोला गेली हुन पुरा होओ।

यूहन्ना 17:14

मय तुचो बचन हुनमन के अमराऊन दिले से; आउर संवसार हुनमन ले बईर करली, कसनबल्लोने जसन मय संवसार चो नुआय, असने ची हुनमन बले संवसार चो नुआत।

यूहन्ना 17:16

जसन मय संवसार चो नुआय, असने ची हुनमन बले संवसार चो नुआत।

यूहन्ना 17:2

कसनबल्लोने तुय हुनके सपाय जीव जन्तुमन थाने अधिकार दिलीस, कि जोनमन के तुय हुनके दिली सीस हुन सपाय के हुन अमर जीवना देस।

यूहन्ना 17:24

हे बुआ, मय चाहायें से, कि जोनमन के तुय मोके दिली सीस, जोन थाने मय आसे हुन थाने हुनमन बले मोचो संगे रवत, कि हुनमन मोचो हुन महिमा के दकोत जोन तुय मोके दिली सीस, कसनबल्लोने तुय जगत चो उपजास ले पयले मोचो ले मया संगालीस।

यूहन्ना 17:26

मय तुचो नाव हुनमन के सांगले आउर सांगते रयें दे कि जोन मया तुके मोचो ले रयें हुन हुनमन ने रओ, आउर मय हुनमन ने रयें दे।”

यूहन्ना 17:7

अदायं हुनमन जानला सोत कि जोन काई बले तुय मोके दिली सीस हुन सपाय तुचो बाटले आय;

यूहन्ना 18:9

ऐ ऐईकाजे होली कि हुन बचन पुरा होओ जोन हुन बोलुन रये: “जोनमन के तुय मोके दिलीस हुनमन थानले मय गोटक के बले नी हजाले।”

यूहन्ना 6:37

जोन काई बुआ मोके देऊ आय हुन सपाय मोचो लगे ऐये दे, आउर जोन कोनी मोचो लगे ऐये दे हुनके मय केबीई नी निकरायें दे।

यूहन्ना 6:39

आउर मोके पठालो बिता चो इच्छा ऐई आय कि जोन काई हुन मोके दिलो से, हुन थानले मय काई नी हजायें, मान्तर हुनके आखरी दिने फेर जीव उठायें।

यूहन्ना 8:51

मय तुमचो ले सत-सत बलेंसें कि अगर कोनी माने मोचो बचन थाने चलेदे, तेबे हुन केबीई मरना के नी दकेदे।”

यूहन्ना 8:52

यहूदीमन हुनचो ले बल्ला, “अदायं आमी जानलु से कि तुचो थाने दुष्टआत्मा आसे। अब्राहाम मरून गेलो, आउर अगम गिआनी बले मरून गेलो से; आउर तुय बोल सीस, ‘अगर कोनी मोचो बचन थाने चले दे तो हुन केबीई मरना चो सुआद नी चाके दे।’

प्रेरितो 13:48

ऐ सुनुन भाती दुसर जातिमन हरिक होला, आउर माहापुरू चो बचन चो बड़ाई करूक मुरयाला; आउर जितरो अमर जीवना चो काजे थेबाया जाऊ रवत, हुनमन बिश्वास करला।

रोमियो 11:2

माहापुरू आपलो हुन परजा के नी छांडलो, जोन के हुन पयले ची ले जानलो। काय तुमी नी जानास कि पवितर शास्त्र एलिया चो बारे ने काय बले से, कि हुन इस्राएल चो बिरूद ने माहापुरू ले बिनती करू आय?

2 कुरिन्थियो 4:6

ऐईकाजे कि माहापुरू ची आय, जोन बल्लो, “अंधार थानले उजर बरो,” आउर हुनी आमचो मन-मन ने बरली कि माहापुरू चो महिमा चो पयचान चो उजर ईशु मसीह चो थोमना ले उजर होओ।

कुलुस्सियो 3:16

मसीह चो बचन के आपलो मन ने जादा ले जादा बसुक दिआस, आउर सीद गिआन संगे गोटक दुसर के सिकाआ आउर जनावा, आउर आपलो-आपलो मन ने अनुग्रह चो संगे माहापुरू चो काजे भजन आउर स्तुति गीत आउर आत्मिक गीत गाहा।

2 तीमुथियुस 1:13

जोन खर गोठमन तुय मोचो ले सुनली सीस हुनके हुन बिश्वास आउर मया चो संगे, जोन मसीह ईशु ने आसे, आपलो नमूना बनान भाती संगाव।

इब्रानियो 2:12

हुन बोलु आय, “मय तुचो नाव आपलो भाईमन के सुनाय दे; सभा चो मंजी ने मय तुचो भजन गायें दे।”

इब्रानियो 3:6

मान्तर मसीह बेटा चो असन माहापुरू चो घर चो अधिकारी आय; आउर हुनचो घर आमी आव, अगर आमी साहास थाने आउर आपलो आशा चो घमण्ड थाने आखरी ले मजबूत ले थीर रवां।

1 पतरस 1:1

पतरस चो बाटले जोन ईशु मसीह चो पठालोबिता आय, हुन परदेशीमन चो नाव जोन पुन्तुस, गलातिया, कप्पदुकिया, आसिया आउर बितूनिया ने जत-खत होऊन भाती रऊ आत,

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

प्रकाशितवाक्य 2:13

“मय ऐ जाने कि तुय हुता रऊ आस जोन थाने शयतान चो सिंघासन आसे; तुय मोचो नाव थाने थीर रऊ आस, आउर मोचो उपरे बिश्वास करतो ले हुन दिनमन ने बले पाटकुती नी गुचलीस जोनमन ने मोचो बिश्वास लायक गोहई अन्तिपास, तुमचो मंजी हुन जगा थाने घात करा गेलो जोन थाने शयतान रऊ आय।”

प्रकाशितवाक्य 3:10

“तुय मोचो धीरज चो बचन के थामली सीस, ऐईकाजे मय बले तुके परीक्षा चो हुन समया बचाऊन संगायदे जोन धरतनी थाने रतो बिता के परकतो काजे पुईतराय संवसार थाने ऐतो बिता आय।”

प्रकाशितवाक्य 3:8

“मय तुचो काममन के जानेंसे; दक, मय तुचो पुरे गोटक कपाट उगाढुन संगाले से, जेके कोनी बन्द नी करूक सके; तुचो सामरत खिन्डिक असन तो आय, फेर बले तुय मोचो बचन चो पालन करली सीस आउर मोचो नाव चो इन्कार नी करलीस।”