यूहन्ना 17:3 - Halbi

³ आउर अमर जीवना ऐ आय कि हुनमन तुके गोटक मात्र सते माहापुरू के आउर ईशु मसीह के, जोन के तुय पठाली सीस, जानोत।

परमेस्वर को सच्चो वचन ख जाननू

³ अर अनन्त काल को जीवन यू हैं कि वी तू अकेलो मातर सच्चो परमेस्वर ख अर प्रभु यीसु मसी ख, जेका तुना भेजो हैं, जाने।

यूहन्ना 17:3 ပူးပေါင်းရင်းမြစ်များ

मरकुस 9:37

“जोन कोनी मोचो नाव ले असन लेकामन ले कोनी गोटक के बले गरहन करू आय, हुन मोके गरहन करू आय; आउर जोन कोनी मोके गरहन करू आय, हुन मोके नाई, मान्तर मोचो पठालोबिता के गरहन करू आय।”

लूका 9:48

आउर हुनमन ले बल्लो, “जोन कोनी मोचो नाव ले ऐ लेका के गरहन करू आय, हुन मोके गरहन करू आय; आउर जोन कोनी मोके गरहन करू आय, हुन मोचो पठालोबिता के गरहन करू आय, कसनबल्लोने जोन तुमीमन ने सपाय ले नानी ले नानी आय, हुनी बड़े आय।”

यूहन्ना 10:36

तेबे जोन के बुआ पवितर थेबाऊन भाती जगत ने पठालो से, तुमी हुनचो ले बोलु आस, ‘तुय निन्दा करू आस,’ ऐईकाजे कि मय बल्ले, ‘मय माहापुरू चो बेटा आंय’?

यूहन्ना 11:42

मय जानते रले कि तुय हरमेशा मोचो सुनु आस, मान्तर जोन भीड़ लगे-लगे उबा आसे, हुनचो लागुन मय ऐ बल्ले, जेचो ले कि हुनमन बिश्वास करोत कि तुय मोके पठाली सीस।”

यूहन्ना 14:26

मान्तर सायक बल्लोने पवितर आत्मा जेके बुआ मोचो नाव ले पटाये दे, हुन तुमके सपाय गोठमन सिकाये दे, आउर जोन काई मय तुमचो ले बल्ले से, हुन सपाय तुमके सुरता कराये दे।”

यूहन्ना 17:18

जसन तुय मोके जगत ने पठालीस, असने ची मय बले हुनमन के जगत ने पठाले;

यूहन्ना 17:21

कि हुनमन सपाय गोटक होओत; जसन तुय हे बुआ मोचो थाने आशीष, आउर मय तुचो थाने आसे, असने ची हुनमन बले आमचो ने होओत, जेचो ले संवसार बिश्वास करोत कि तुय ची मोके पठाली सीस।

यूहन्ना 17:23

मय हुनमन ने आउर तुय मोचो ने कि हुनमन सिद्ध होऊन भाती गोटक होऊन जाओत, आउर संवसार जानो कि तुय ची मोके पठालीस, आउर जसन तुय मचो ले मया संगालीस असने ची हुनमन ले मया संगाले।

यूहन्ना 17:25

ऐ धरमी बुआ, संवसार तो मोके नी जानली, मान्तर मय तुके जानले; आउर ऐ मन बले जानला कि तुय ची मोके पठाली सीस।

यूहन्ना 17:8

कसनबल्लोने जोन बचन तुय मोके दिलीस, मय हुनके हुनमन के अमराऊन दिले; आउर हुनमन हुनके गरहन करला, आउर सत-सत जानला से कि मय तुचो बाटले ईले से, आउर बिश्वास करले से कि तुय ची मोके पठालीस।

यूहन्ना 3:17

माहापुरू आपलो बेटा के जगत ने ऐईकाजे नी पठालो कि जगत ने डण्ड चो हुकुम देओ, मान्तर ऐईकाजे कि जगत हुनचो बाटले मुक्ति पाओ।

यूहन्ना 3:34

कसनबल्लोने जोन के माहापुरू पठालो से, हुन माहापुरू चो गोठमन बोलु आय; कसनबल्लोने हुन आत्मा नापुन-नापुन भाती नी देये।

यूहन्ना 5:44

तुमी जोन गोटक दुसर ले मान चाहायसास आउर हुन मान जोन गोटक मात्र माहापुरू चो बाटले आय, नी चाहास, कोन परकार बिश्वास करूक सकास?

यूहन्ना 6:57

जसन जीवता बुआ मोके पठालो, आउर मय बुआ चो कारन जीव आसे, असने ची हुन बले जोन मोके खाये दे मोचो लागुन जीव रये दे।

यूहन्ना 7:29

मय हुनके जाने कसनबल्लोने मय हुनचो बाटले आंय आउर हुनी ची मोके पठालो से।”

यूहन्ना 8:19

हुनमन हुनचो ले बल्ला, “तुचो बुआ काहां आसे?” ईशु जबाप दिलो, “ना तुमी मोके जानास, ना मोचो बुआ के, अगर मोके जानतास तो मोचो बुआ के बले जानतास।”

1 कुरिन्थियो 15:34

धरम चो काजे जागरत हुआ आउर पाप नी करा; कसनबल्लोने कितलो असन आत जोन माहापुरू के नी जानोत। मय तुमके लाज करातो काजे ऐ बलें सें।

1 कुरिन्थियो 8:4

आउर मुरतीमन चो पुरे पुजलो बिती तीजमन के खातोर बारे ने आमी जानु से कि मुरती जगत ने कोनी तीज नुआय, आउर गोटक के छांडुन आउर कोनी माहापुरू निआत।

2 कुरिन्थियो 4:6

ऐईकाजे कि माहापुरू ची आय, जोन बल्लो, “अंधार थानले उजर बरो,” आउर हुनी आमचो मन-मन ने बरली कि माहापुरू चो महिमा चो पयचान चो उजर ईशु मसीह चो थोमना ले उजर होओ।

फिलिप्पियो 3:10

बल्ले मय हुनमन के आउर हुनचो मरून जीव उठतोर जय चो सामरत के, आउर हुनचो संगे दुकमन ने शामिल होतोर भेद के जाने, आउर हुनचो मरना चो बराबरी के पाऊक सकें

फिलिप्पियो 3:8

मान्तर मय आपलो परबु मसीह ईशु चो पयचान चो उत्तम जो लागुन मय सपाय तीजमन के घाटा उठाले, आउर हुनमन के कचरा समजु आय, जेचो ले मय मसीह के पाऊक सके।

1 थिस्सलुनीकियो 1:9

कसनबल्लोने हुनमन खुद ची आमचो बारे ने सांगु आत कि तुमचो लगे आमचो ऐतोर कसन होली; आउर तुमी कसन मुरतीमन ले माहापुरू चो बाटे फिरलास बल्ले जीवता आउर सत माहापुरू चो सेवा करा,

2 थिस्सलुनीकियो 1:8

आउर जोन माहापुरू के नी चिता ओत आउर आमचो परबु ईशु चो नगतखबर के नी मानोत हुनमन ले पलटा धरे दे।

इब्रानियो 3:1

ऐईकाजे हे पवितर भाईमन, तुमी जोन सरग चो बुलाहट ने भागी आसास, हुन पठालोबिता आउर माहायाजक ईशु थाने जेके आमी अंगीकार करूं आंव, धिआन करा।

2 पतरस 1:2

माहापुरू चो आउर आमचो परबु ईशु चो पयचान चो दुवारा अनुग्रह आउर शान्ति तुमनमन ने खुबे ले खुबे बड़ते जाओ।

2 पतरस 1:3

कसनबल्लोने हुनचो माहापुरू चो सामरत ने सपाय तीज जोन जीवना आउर भक्ति ले सम्बंध संगाऊ आय, आमके हुनचेई पयचान चो दुवारा दिलो से, जोन आमके आपलो ची महिमा आउर सद गुन चो अनुसार हाग दिलो से।

2 पतरस 1:8

कसनबल्लोने अगर ऐ गोठमन तुमनमन ने ऐबे रओ आउर बड़ते जाओ, तेबे तुमके आमचो परबु ईशु मसीह चो पयचान ने बेकार आउर नीसफल नी होऊक देये दे।

1यूहन्ना 1:2

ऐ जीवना परकट होली, आउर आमीमन हुनके दकलु, आउर हुनचो गोहई देऊ से, आउर तुमके हुन अमर जिवना चो खबर देऊ से जोन बुआ चो संगे रये आउर आमचो उपरे परकट होलो।

1यूहन्ना 1:3

जोन काई आमीमन दकलु आउर सुनलु से हुनचो खबर तुमके बले देऊ से, ऐईकाजे कि तुमी बले आमचो संगे शामिल हुआ; आउर आमचो ऐ सामिलता बुआ चो संगे आउर हुनचो बेटा ईशु मसीह चो संगे आय।

1यूहन्ना 2:23

जोन कोनी बेटा चो इन्कार करू आय हुनचो लगे बुआ बले निआय: जोन बेटा के मानु आय, हुनचो लगे बुआ बले आसे।

1यूहन्ना 4:6

आमी माहापुरू चो आंव जोन माहापुरू के जाने, हुन आमचो सुनु आय; जोन माहापुरू के नी जाने हुन आमचो नी सुने। ऐई परकार आमी सत चो आत्मा आउर भरम चो आत्मा के चिताऊ आंव।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।