Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




यूहन्ना 17:25 - Halbi

25 ऐ धरमी बुआ, संवसार तो मोके नी जानली, मान्तर मय तुके जानले; आउर ऐ मन बले जानला कि तुय ची मोके पठाली सीस।

အခန်းကိုကြည့်ပါ။ ကော်ပီ

परमेस्वर को सच्चो वचन ख जाननू

25 “अरे धर्मी परमेस्वर बाप, दुनिया न मोखा नी जानो, पर मी न तोखा जानयो; अर वी जान गया कि तुना मोखा भेज्यो हैं।

အခန်းကိုကြည့်ပါ။ ကော်ပီ




यूहन्ना 17:25
37 ပူးပေါင်းရင်းမြစ်များ  

“मोचो बुआ मोके सब कुछ सोपलो से; आउर कोनी बेटा के नी जानोत, मात्र बुआ; आउर कोनी बुआ के नी जानोत, मात्र बेटा; आउर हुन जेचो उपरे बेटा हुनके उजागर करूक चाहाओ।


शिमोन पतरस जबाप दिलो, “तुय जीवता माहापुरू चो बेटा मसीह आस।”


मोचो बुआ मोके सब कुछ सोपुन दिलो से; आउर कोनी नी जानोत कि बेटा कोन आय मात्र बुआ, आउर बुआ कोन आय ऐ बले कोनी नी जानोत मात्र बेटा चो आउर हुन जेचो उपरे बेटा हुनके उजागर करूक चाहाओ।”


माहापुरू के कोनी केबीई नी दकला, एकला बेटा जोन बुआ चो कोरा ने आसे, हुनी ची हुनके उजागर करलो।


जसन बुआ मोके जानु आय आउर मय बुआ के जानु आय--आउर मय मेंडामन चो काजे आपलो जीव के देऊ आय।


मान्तर ऐ सपाय काई हुनमन मोचो नाव चो लागुन तुमचो संगे कर दे, कसनबल्लोने हुनमन मोचो पठालोबिता के नी जानोत।


कसनबल्लोने बुआ तो खुदे ची तुमचो ले मया संगाऊ आय, ऐईकाजे कि तुमनमन मोचो ले मया संगालासास आउर ऐ बले बिश्वास करलासास कि मय बुआ चो बाटले ईले से।


असन हुनमन ऐईकाजे कर दे कि हुनमन ना बुआ के जानला से आउर ना मोके जानोत।


अदायं आमी जानलु से कि तुय सपाय काई जानीस, आउर ऐचो जरूरी निआय कि कोनी तुचो ले काई पचारोत; ऐचो ले आमी बिश्वास करूं से कि तुय माहापुरू चो बाटले ईली सीस।”


मय अदायं जगत ने नी रयें दे, मान्तर ऐ मन जगत ने रदे, आउर मय तुचो लगे ऐयें से। हे पवितर बुआ, आपलो हुन नाव ले जोन तुय मोके दिली सीस, हुनचो राका कर कि हुनमन आमचो असन गोटक होवत।


जसन तुय मोके जगत ने पठालीस, असने ची मय बले हुनमन के जगत ने पठाले;


कि हुनमन सपाय गोटक होओत; जसन तुय हे बुआ मोचो थाने आशीष, आउर मय तुचो थाने आसे, असने ची हुनमन बले आमचो ने होओत, जेचो ले संवसार बिश्वास करोत कि तुय ची मोके पठाली सीस।


मय हुनमन ने आउर तुय मोचो ने कि हुनमन सिद्ध होऊन भाती गोटक होऊन जाओत, आउर संवसार जानो कि तुय ची मोके पठालीस, आउर जसन तुय मचो ले मया संगालीस असने ची हुनमन ले मया संगाले।


आउर अमर जीवना ऐ आय कि हुनमन तुके गोटक मात्र सते माहापुरू के आउर ईशु मसीह के, जोन के तुय पठाली सीस, जानोत।


कसनबल्लोने जोन बचन तुय मोके दिलीस, मय हुनके हुनमन के अमराऊन दिले; आउर हुनमन हुनके गरहन करला, आउर सत-सत जानला से कि मय तुचो बाटले ईले से, आउर बिश्वास करले से कि तुय ची मोके पठालीस।


माहापुरू आपलो बेटा के जगत ने ऐईकाजे नी पठालो कि जगत ने डण्ड चो हुकुम देओ, मान्तर ऐईकाजे कि जगत हुनचो बाटले मुक्ति पाओ।


जिदलदाय हुनमन घाटते-घाटते तीन-चार मील चो लग-भग निकरून गेला, तेबे हुनमन ईशु के झील थाने हिन्ड़ते आउर ड़ोंगा चो लगे ऐतोर दकला, आउर डरला।


मय हुनके जाने कसनबल्लोने मय हुनचो बाटले आंय आउर हुनी ची मोके पठालो से।”


हुनमन हुनचो ले बल्ला, “तुचो बुआ काहां आसे?” ईशु जबाप दिलो, “ना तुमी मोके जानास, ना मोचो बुआ के, अगर मोके जानतास तो मोचो बुआ के बले जानतास।”


तुमी तो हुनके नी जानलास: मान्तर मय हुनके जाने; अगर मय बलें दें कि मय हुनके नी जाने, तेबे मय तुमचो असन फंदी ठेबेंदे: मान्तर मय हुनके जाने, आउर हुनचो बचन थाने चलु आंय।


कसनबल्लोने मय फिरते-फिरते जिदलदाय तुमचो पुजा करतो बिती तीजमन के दकते रले, तेबे गोटक असन बेदी बले पावले, जेचो उपरे लिका रली, नी जानतो ईश्पर चो काजे। ऐईकाजे जोन के तुमी बिन जानुन पुजेसास, मय तुमके हुनचो खबर सुनाये से।


कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।


जिदलदाय हुनमन माहापुरू के चिताऊक नी चाहला, तेबे माहापुरू बले हुनमन के हुनमन चो ठगमन थाने छांडलो कि हुनमन घिन-घिना काम करोत।


कोनी समजदार निआत; कोनी माहापुरू के डगरातो बिता निआत।


मान्तर ऐई समया हुनचो धारमिकता उजागर होओ। कि जेचो ले हुन खुद ची धरमी ठेबो, आउर जोन ईशु चो उपरे बिश्वास करू आत हुनचो बले धरमी ठेबातो बिता होओ।


कसनबल्लोने जिदलदाय माहापुरू चो गिआन चो अनुसार संवसार गिआन ले माहापुरू के नी जानलो, तेबे माहापुरू के ऐ अच्छा लागली कि ऐ परचार चो मुरूकता चो दुवारा बिश्वास करतो बितामन के मुक्ति देओ।


धरम चो काजे जागरत हुआ आउर पाप नी करा; कसनबल्लोने कितलो असन आत जोन माहापुरू के नी जानोत। मय तुमके लाज करातो काजे ऐ बलें सें।


आउर हुन बिश्वासिमन काजे, जेचो अकल ऐ संवसार चो ईश्पर आन्दा करून दिलो से, बल्ले मसीह जोन माहापुरू चो सवरूप आय, हुनचो तेजमय नगतखबर चो उजर हुनमन उपरे नी बरो।


आउर जोन माहापुरू के नी चिता ओत आउर आमचो परबु ईशु चो नगतखबर के नी मानोत हुनमन ले पलटा धरे दे।


आउर हरकोनी आपलो देश बितामन के आउर आपलो भाई के ऐ सिक्या नी देये, कि तुय परबु के चिताव, कसनबल्लोने नानी ले बड़े सपाय मोके जान दे।


मान्तर आमी आपलो पापमन के मानुन्दे, तेबे हुन आमचो पापमन के छमा करतो आउर आमके सपाय अधरम ले शुद्ध करतो ने बिश्वास लायक आउर धरमी आय।


धरतनी चो हुन सपाय रतो बितामन, जोनमन चो नाव हुन मेमना चो जीवना चो किताब ने लिका नी गेली जोन जगत चो उपजास चो समया ले घात होलो से हुन पशु चो पुजा कर दे।


तेबे मय पानी चो सरगदूत के ऐ बोलतोर सुनले, “हे पवितर, जोन आय जोन रये, तुय नियायी आस आउर तुय ऐ नियाय करलीस।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ