Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




यूहन्ना 17:21 - Halbi

21 कि हुनमन सपाय गोटक होओत; जसन तुय हे बुआ मोचो थाने आशीष, आउर मय तुचो थाने आसे, असने ची हुनमन बले आमचो ने होओत, जेचो ले संवसार बिश्वास करोत कि तुय ची मोके पठाली सीस।

အခန်းကိုကြည့်ပါ။ ကော်ပီ

परमेस्वर को सच्चो वचन ख जाननू

21 कि वी सब एक होय; जसो तू बाप मोरो म हैं, अर मी तोरो म हैं, वसा ही वी भी हम म एक होय, जे से पुरी दुनिया भरोसा करे कि तुना ही मोखा भेजो हैं।

အခန်းကိုကြည့်ပါ။ ကော်ပီ




यूहन्ना 17:21
37 ပူးပေါင်းရင်းမြစ်များ  

अगर कोनी राज ने फूट पड़ले, तो हुन राज कसन थीर रऊक सकु आय?


मोचो आउर बले मेंडामन आसोत, जोन ऐ मेंडी कोठरली चो नाई। मोके हुनमन के बले आनतोर जरूरी आय, हुनमन मोचो शब्द सुन दे, तेबे गोटक ची गोहड़ी आउर गोटक ची चरेया होये दे।


मय आउर बुआ गोटक आंव।”


मान्तर अगर मय करू आय, तो भले मोचो बिश्वास नी बले करा, मान्तर हुन काममन चो तो बिश्वास करा, बल्ले तुमी जाना आउर समजा कि बुआ मोचो ने आसे आउर मय बुआ ने आसे।”


मय जानते रले कि तुय हरमेशा मोचो सुनु आस, मान्तर जोन भीड़ लगे-लगे उबा आसे, हुनचो लागुन मय ऐ बल्ले, जेचो ले कि हुनमन बिश्वास करोत कि तुय मोके पठाली सीस।”


अगर हुनचो थाने माहापुरू चो महिमा होली से, तेबे माहापुरू बले आपलो थाने हुनचो महिमा करे दे आउर तुरते करें दें।


अगर आपस ने मया संगाहा से, तेबे ऐचीई ले सपाय जान दे कि तुमी मोचो चेलामन आस।”


मय अदायं जगत ने नी रयें दे, मान्तर ऐ मन जगत ने रदे, आउर मय तुचो लगे ऐयें से। हे पवितर बुआ, आपलो हुन नाव ले जोन तुय मोके दिली सीस, हुनचो राका कर कि हुनमन आमचो असन गोटक होवत।


जसन तुय मोके जगत ने पठालीस, असने ची मय बले हुनमन के जगत ने पठाले;


“मय मात्र ऐ मन ची काजे गुहार नी करे, मान्तर हुनमन चो काजे बले जोन ऐ मन चो बचन चो दुआरा मोचो उपरे बिश्वास कर दे,


ऐ धरमी बुआ, संवसार तो मोके नी जानली, मान्तर मय तुके जानले; आउर ऐ मन बले जानला कि तुय ची मोके पठाली सीस।


आउर अमर जीवना ऐ आय कि हुनमन तुके गोटक मात्र सते माहापुरू के आउर ईशु मसीह के, जोन के तुय पठाली सीस, जानोत।


कसनबल्लोने जोन बचन तुय मोके दिलीस, मय हुनके हुनमन के अमराऊन दिले; आउर हुनमन हुनके गरहन करला, आउर सत-सत जानला से कि मय तुचो बाटले ईले से, आउर बिश्वास करले से कि तुय ची मोके पठालीस।


माहापुरू आपलो बेटा के जगत ने ऐईकाजे नी पठालो कि जगत ने डण्ड चो हुकुम देओ, मान्तर ऐईकाजे कि जगत हुनचो बाटले मुक्ति पाओ।


कि सपाय लोग जसन बुआ चो मान करू आत असने ची बेटा चो बले मान करोत। जोन बेटा चो मान नी करे, हुन बुआ चो जोन हुनके पठालो से, मान नी करे।


हुनमन रोजे दिना गोटक मन होऊन भाती मंदिर ने रूंड़ा होते रवत, आउर घरे-घरे रोटी टुटाते-टुटाते हरिक आउर मन चो सोज ले भात खाते रवत,


बिश्वास करतो बितामन चो मण्डली गोटक बिचार आउर गोटक मन चो रली, ऐथा ले कि कोनी बले आपलो धनमाल आपलो नी बोलते रला, मान्तर सपाय काई मांदी ने रली।


असने ची आमी जोन खुबे आंसु, मसीह ने गोटक देंह होऊन भाती आपस ने गोटक दुसर चो अंग आंव।


हे भाईमन, मय तुमचो ले आमचो परबु ईशु मसीह चो नाव ले बिनती करें से कि तुमी सपाय गोटक ची गोठ बोला, आउर तुमचो ने फूट नी होओ, मान्तर गोटक ची मन आउर गोटक ची मति होऊन भाती मिलुन राआ।


कसनबल्लोने जोन परकार देंह तो गोटक आय आउर हुनचो धड़ खुबे असन आसे, आउर हुन गोटक देंह चो सपाय धड़ खुबे होलो ने बले सपाय मिसुन भाती गोटक ची देंह आत, हुनी परकार मसीह बले आय।


आउर जोन परबु चो संगत ने रऊ आय, हुन हुनचो संगे गोटक आत्मा होऊ आय।


अदायं ना कोनी यहूदी रला आउर ना यूनानी, ना कोनी दास ना छुटछाड़ा, ना कोनी नर ना नारी, कसनबल्लोने तुमी सपाय मसीह ईशु ने गोटक आहास।


मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,


जोन काई आमीमन दकलु आउर सुनलु से हुनचो खबर तुमके बले देऊ से, ऐईकाजे कि तुमी बले आमचो संगे शामिल हुआ; आउर आमचो ऐ सामिलता बुआ चो संगे आउर हुनचो बेटा ईशु मसीह चो संगे आय।


आउर जोन गोहई देऊ आय, हुन आत्मा आय, कसनबल्लोने आत्मा सत आय।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ