यूहन्ना 17:11 - Halbi

¹¹ मय अदायं जगत ने नी रयें दे, मान्तर ऐ मन जगत ने रदे, आउर मय तुचो लगे ऐयें से। हे पवितर बुआ, आपलो हुन नाव ले जोन तुय मोके दिली सीस, हुनचो राका कर कि हुनमन आमचो असन गोटक होवत।

परमेस्वर को सच्चो वचन ख जाननू

¹¹ मी अब दुनिया म नी रहन को, पर यी दुनिया म रहेगो, अर मी तोरो कने आऊ हैं। अरे सुध्द बाप, अपनो उ नाम से जे तू न मोखा दियो हैं, उनकी देख भाल कर कि जसा अपुन एक हैं वी अपनो समान एक रहे।

यूहन्ना 17:11 ပူးပေါင်းရင်းမြစ်များ

मत्ती 10:16

“दका, मय तुमके मेंडामन चो असन बिगवामन चो मंजी ने पटायें से, ऐईकाजे सांपमन चो असन अकल बिता आउर परेयांमन चो असन सोज बना।

मत्ती 5:48

ऐईकाजे जरूरी आय कि तुमी सिद्ध बना, जसन तुमचो सरग चो बुआ सिद्ध आय।”

मत्ती 6:9

“आउर तुमी ऐ रीति ले पारथना करा: ‘हे आमचो बुआ, तुय जोन सरग ने आशीष; तुचो नाव पवितर माना जाओ।’

यूहन्ना 13:1

फसह चो परब ले पयले, जिदलदाय ईशु जानलो कि मोचो हुन घड़ी ऐऊन अमरली से कि जगत छांडुन भाती बुआ चो लगे जायें दें, तेबे आपलो लोगमन ले जोन जगत ने रवत जसन मया हुन संगाते रये, आखरी ले असने ची मया संगाते रलो।

यूहन्ना 13:3

ईशु, ऐ जानुन भाती कि बुआ सपाय काई मोचो हाथ ने करून दिलो से आउर मय माहापुरू चो लगे ले ईले से आउर माहापुरू चो लगे जायें दें,

यूहन्ना 14:20

हुन दिने तुमी जाना से कि मय आपलो बुआ ने आंसे, आउर तुमी मोचो ने, आउर मय तुमचो ने।

यूहन्ना 16:28

मय बुआ चो बाटले जगत ने ईले से; मय फेर जगत के छांडुन भाती बुआ चो लगे जाऊ आंय।”

यूहन्ना 16:33

मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

यूहन्ना 17:23

मय हुनमन ने आउर तुय मोचो ने कि हुनमन सिद्ध होऊन भाती गोटक होऊन जाओत, आउर संवसार जानो कि तुय ची मोके पठालीस, आउर जसन तुय मचो ले मया संगालीस असने ची हुनमन ले मया संगाले।

यूहन्ना 17:25

ऐ धरमी बुआ, संवसार तो मोके नी जानली, मान्तर मय तुके जानले; आउर ऐ मन बले जानला कि तुय ची मोके पठाली सीस।

यूहन्ना 17:6

“मय तुचो नाव हुन मानेमन थाने उजागर करले से जोन के तुय जगत थानले मोके दिलीस। हुनमन तुचो रवत आउर तुय हुनमन के मोके दिलीस, आउर हुनमन तुचो बचन के मानला सोत।

यूहन्ना 7:33

ऐ थाने ईशु बल्लो, “मय खिन्डिक समया तक आउर तुमचो संगे आंसे, तेबे आपलो पठालोबिता चो लगे जाते जाये दे।

प्रेरितो 3:21

जरूरी आय कि हुन सरग ने हुन समया ले रओ जिदलदाय ले कि हुन सपाय गोठमन चो सुधार नी करो जेचो चरचा पीढ़ीमन चो दिन ले माहापुरू आपलो पवितर अगम गिआनीमन चो मुंह ले करलो से।

रोमियो 12:5

असने ची आमी जोन खुबे आंसु, मसीह ने गोटक देंह होऊन भाती आपस ने गोटक दुसर चो अंग आंव।

रोमियो 9:17

कसनबल्लोने पवितर शास्त्र ने फिरोन ले बोला गेली, “मय तुके ऐईकाजे उबा करले से कि तुचो थाने आपलो सामरत दकायें दें, आउर मोचो नाव चो परचार पुईतराय धरतनी थाने होओ।”

1 कुरिन्थियो 1:10

हे भाईमन, मय तुमचो ले आमचो परबु ईशु मसीह चो नाव ले बिनती करें से कि तुमी सपाय गोटक ची गोठ बोला, आउर तुमचो ने फूट नी होओ, मान्तर गोटक ची मन आउर गोटक ची मति होऊन भाती मिलुन राआ।

गलातियो 3:28

अदायं ना कोनी यहूदी रला आउर ना यूनानी, ना कोनी दास ना छुटछाड़ा, ना कोनी नर ना नारी, कसनबल्लोने तुमी सपाय मसीह ईशु ने गोटक आहास।

इफिसीयो 4:4

गोटक ची देंह आय, आउर गोटक ची आत्मा; जसन तुमके जोन हाग दिया जाऊ राआस आपलो हाग दिया गेलो ले गोटक ची आशा आसे।

फिलिप्पियो 2:9

ऐई कारन माहापुरू हुनके खुबे बड़पन बले करलो, आउर हुनके हुन नाव दिलो जोन सपाय नावमन ने बड़ीया आय,

इब्रानियो 1:3

हुन हुनचो महिमा चो उजर आउर हुनचो तत्व चो छाप आय, आउर सपाय तीजमन के आपलो सामरत चो बचन ले समालु आय। हुन पापमन के धोऊन भाती ऊँचा जगा थाने माहापुरू चो उजा जाऊन बसलो;

इब्रानियो 9:24

कसनबल्लोने मसीह हुन हाथ चो बनालो बिती पवितर जगा ने, जोन सते पवितर जगा चो नमूना आय, नी ओललो मान्तर सरग ने ची ओललो, बल्ले आमचो काजे अदायं माहापुरू चो पुरे दका देओ।

याकूब 4:4

हे बेबीचारीनमन, काय तुमी नी जानास कि संवसार ले मीत करतोर माहापुरू ले बईर करतोर आय? ऐईकाजे जोन कोनी संवसार चो मीत होऊक चाहायें से, हुन आपन खुद के माहापुरू चो बयरी बनाऊ आय।

1 पतरस 1:5

जेचो रक्षा माहापुरू चो सामरत ले बिश्वास चो दुवारा हुन मुक्ति चो काजे, जोन ऐतो बिती समया ने परकट होतो बिती आय, करा जाऊ आय।

1यूहन्ना 3:12

आउर कैन चो असन नी बना जोन हुन दुष्ट ले रलो, आउर जोन आपलो भाई के घात करलो। आउर हुनके काय लागुन घात करलो? ऐई लागुन कि हुनचो काम खराप रये, आउर हुनचो भाई चो काम धरम चो रये।

1यूहन्ना 5:19

आमी जानु से कि आमी माहापुरू ले आंव, आउर सपाय संवसार हुन दुष्ट चो वश ने पढ़ली से।

यहूदा 1:1

यहूदा चो बाटले जोन ईशु मसीह चो दास आउर याकूब चो भाई आय, हुन हाग दिलो बितामन चो नाव जोन माहापुरू बुआ ने लाडरा आउर ईशु मसीह चो काजे अच्छा आसे।

यहूदा 1:24

अदायं जोन तुमके ठोकरना खातो ले बचाऊक सके, आउर आपलो महिमा चो भरपूरी चो पुरे उदुम आउर बेकसूर करून उबा करूक सकु आय,

प्रकाशितवाक्य 15:4

“हे परबु, कोन तुचो ले नी डरे दे आउर तुचो नाव चो महिमा नी कर दे? कसनबल्लोने मात्र तुय ची पवितर आस। पुईतराय जातिमन ऐऊन भाती तुचो पुरे पाँय पड़दे, कसनबल्लोने तुचो नियाय चो काम परकट होऊन गेली से।”

प्रकाशितवाक्य 19:12

हुनचो आँईकमन आईग चो तरास आय, आउर हुनचो मुण्ड थाने खुबे असन राज मुकुट आसे। हुनचो उपरे गोटक नाव लिकलोर आसे, जेके हुनके छांडुन आउर कोनी नी जानोत।

प्रकाशितवाक्य 4:8

चारो परानीमन चो छय-छय पाटकी आसे, आउर चारो बाटे आउर भीतरे आँईक ची आँईक आसे; आउर हुनमन रात दिन बिना बिसालोर बोलते रऊ आत, “पवितर, पवितर, पवितर परबु माहापुरू, सर्वशक्तिमान, जोन रये आउर जोन आसे आउर जोन ऐतो बिता आय।”