यूहन्ना 16:7 - Halbi

⁷ तेबले बले मय तुमचो ले सते बलें सें कि मोचो जातोर तुमचो काजे नुकु आय, कसनबल्लोने अगर मय नी जाये तेबे हुन सायता करू तुमचो लगे नी ऐये दे; मान्तर अगर मय जायें दें, तेबे हुनके तुमचो लगे पटायें दें।

परमेस्वर को सच्चो वचन ख जाननू

⁷ तेभी मी तुम से सच्ची कहूँ हैं कि मोरो जानो तुमारो लाने उचीत हैं, काहेकि अदि मी नी जाऊ ते उ मदत करन वालो तुमरो जोने नी आन को; पर अदि मी जाऊँगो, ते ओखा तुमरो जोने भेजूगो।

यूहन्ना 16:7 ပူးပေါင်းရင်းမြစ်များ

लूका 24:49

आउर दका, जेचो बायदा मोचो बुआ करलो से, मय हुनके तुमचो उपरे उतरायें दें आउर जिदलदाय ले सरग ले सामरत नी पाहास, हुदलदाय ले तुमी ऐई नंगर ने ठेबुन राहा।”

लूका 4:25

मय तुमचो सते बलेंसें कि एलिया चो दिनमन ने जिदलदाय साढ़े तीन बरक ले बादरी बंद रली, ऐथा ले कि सपाय देश ने बड़े अकाल पड़ली, तेबे इस्राएल ने खुबे असन रान्डीमन रवत।

लूका 9:27

मय तुमचो ले सत बलें सें, कि जोन ऐथा उबा आसोत, हुनमन थानले कितलो असन आत कि जिदलदाय ले माहापुरू चो राज नी दकोत, हुलदाय ले मरना चो सुआद नी चाक दे।”

यूहन्ना 14:26

मान्तर सायक बल्लोने पवितर आत्मा जेके बुआ मोचो नाव ले पटाये दे, हुन तुमके सपाय गोठमन सिकाये दे, आउर जोन काई मय तुमचो ले बल्ले से, हुन सपाय तुमके सुरता कराये दे।”

यूहन्ना 14:28

तुमी सुनलासास कि मय तुमचो ले बल्ले, ‘मय जायें सें, आउर तुमचो लगे फेर ऐयें दें।’ अगर तुमी मोचो ले मया संगातास, तेबे ऐ गोठ ले हरिक होतास कि मय बुआ चो लगे जायें सें, कसनबल्लोने बुआ मोचो ले बड़े आय।

यूहन्ना 14:3

आउर अगर मय जाऊन भाती तुमचो काजे जगा तिआर करें दें, तेबे फेर ऐऊन भाती तुमके आपलो थाने धरून जायें दें कि जोन थाने मय रयें दे हुता तुमी बले राआ।”

यूहन्ना 15:26

मान्तर जिदलदाय सायता करू ऐये दे, जोन के मय तुमचो लगे बुआ चो बाटले पटायें दें, बल्लोने सत चो आत्मा जोन बुआ चो बाटले निकरू आय, तेबे हुन मोचो गोहई देये दे;

यूहन्ना 16:8

हुन ऐऊन भाती संवसार के पाप आउर धारमिकता आउर नियाय चो बारे ने बेजबाप करे दे।

यूहन्ना 7:39

हुन ऐ बचन पवितर आत्मा चो बारे ने बल्लो, जेके हुनचो उपरे बिश्वास करतो बितामन पावतो थाने रवत; कसनबल्लोने आत्मा ऐबे तक नी उतरून रली, कसनबल्लोने ईशु ऐबे तक आपलो महिमा के नी अमरून रलो।

प्रेरितो 10:34

तेबे पतरस बल्लो, “अदायं मोके तय होली कि माहापुरू काचीई पक्ष नी करे”

प्रेरितो 2:33

असने परकार माहापुरू चो उजा हाथ ले सपाय ले बड़े पद पाऊन भाती, आउर बुआ ले हुन पवितर आत्मा पाऊन भाती जेचो बायदा करा जाऊ रली, हुन ऐ रिकाऊन दिलो से जोन के तुमी दकेसास आउर सुनेसास।

रोमियो 8:28

आमी जानु से कि जोन लोग माहापुरू ले मया संगाऊ आत, हुनमन चो काजे सपाय गोठमन मिसुन भाती भलाई ची के पयदा करू आय; बल्लोने हुनीमन ची काजे जोन हुनचो इच्छा चो अनुसार हाग दिलोर आसोत।

2 कुरिन्थियो 4:17

कसनबल्लोने आमचो डण्डिक चो खिन्डिक असन कलेश आमचो काजे खुबे ची जरूरी आउर अमर महिमा उपजास करते जाऊ आय;