Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




यूहन्ना 16:33 - Halbi

33 मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

အခန်းကိုကြည့်ပါ။ ကော်ပီ

परमेस्वर को सच्चो वचन ख जाननू

33 मी न या बात हुन तुम से एकोलाने कही हैं कि तुमका मोरो म सान्ति मिले। दुनिया म तुमका दुख होवा हैं, पर हिम्मत बाँधी, मी न दुनिया ख जीत लियो हैं।”

အခန်းကိုကြည့်ပါ။ ကော်ပီ




यूहन्ना 16:33
46 ပူးပေါင်းရင်းမြစ်များ  

आउर दका, कितलो लोग लकवा चो गोटक रोगी के खटिया थाने सुआऊन भाती हुनचो लगे आनला। ईशु हुनमन चो बिश्वास दकुन भाती, हुन लकवा चो रोगी ले बल्लो, “हे बेटा, हिम्मत बांद; तुचो पाप छमा होली।”


“धन्य आय हुन राजा, जोन परबु चो नाव ले ऐऊ आय! सरग ने शान्ति आउर बादरी भुभन ने महिमा होओ!”


“बादरी ने माहापुरू चो महिमा आउर धरतनी थाने हुन मानेमन ने जेचो ले हुन हरिक आसे, शान्ति होओ।”


अदायं ऐ संवसार चो नियाय होऊ आय, अदायं ऐ संवसार चो सरदार निकराऊन दिया जाये दे;


“तुमचो मन बाय बिकाल नी होओ; माहापुरू थाने बिश्वास संगाहा आउर मोचो उपरे बले बिश्वास संगाहा।


“मय तुमके शान्ति देऊन जायें सें, आपलो शान्ति तुमके देंयें से; जसन संवसार देऊ आय, मय तुमके नी देंयें: तुमचो मन बाय बिकाल नी होओ आउर नी डरो।


नियाय चो बारे ने ऐईकाजे कि संवसार चो सरदार दोषी ठेबाया गेलो से।”


आउर चेलामन चो मन के थीर करते रला आउर ऐ उपदेश देते रला कि बिश्वास ने बनु राहा; आउर ऐ बोलते रवत, “आमके बड़े कलेश उठाऊन भाती माहापुरू चो राज ने ओलतोर होये दे।”


हुनी राती परबु हुनचो लगे उबा होऊन भाती बल्लो, “हे पौलुस, हिम्मत बांद; कसनबल्लोने जसन तुय यरूशलेम ने मोचो गोहई दिलीस, असने ची तुके रोम ने बले गोहई देतोर होये दे।”


मान्तर अदायं मय तुमके समजाय से कि हिम्मत करा, कसनबल्लोने तुमचो ले कोचीई जीव चो हानि नी होये, मान्तर मात्र जाहाज चो।


ऐईकाजे, हे सियानमन, हिम्मत करा; कसनबल्लोने मय माहापुरू चो बिश्वास करू आंय, कि जसन मोचो ले बोला गेली से, असने ची होये दे।


ऐई परकार पुईतराय यहूदिया, आउर गलील, आउर सामरिया ने कलीसिया के असतीर मिरली, आउर हुनचो उन्नती होते गेली; आउर हुन परबु चो भय आउर पवितर आत्मा चो शान्ति ने चलते आउर बाड़ते गेलो।


आमचो परबु ईशु मसीह चो माहापुरू आउर बुआ चो धन्यबाद होओ, जोन दया चो बुआ आउर सपाय परकार चो शान्ति चो माहापुरू आय।


आउर हे भाईमन, हरिक राआ; सिद्ध बनते जाआ; हिम्मत संगाआ; गोटक ची मन संगाआ; मिलुन राआ। आउर मया आउर शान्ति चो देतो बिता माहापुरू तुमचो संगे रये दे।


मान्तर माहापुरू चो धन्यबाद होओ जोन मसीह ने सदा आमके जय चो हरिक ने धरून फिरू आय, आउर आपलो गिआन चो बास आमचो बाटले हर जगा फयलाऊ आय।


मान्तर आमचो लगे हुन धन माटी चो भण्डवामन ने संगालोर आसे कि ऐ असीम सामरत आमचो बाटले नाई, मान्तर माहापुरू चो बाटले ठेबो।


मान्तर हर गोठ ले माहापुरू चो सेवकमन चो असन आपलो सदगुणमन के परकट करू आत, बड़े धीरज ले, कलेशमन ले, दरिदरता ले, संकटमन ले,


मय तुमके खुबे हिम्मत चो संगे बलेंसें, मोके तुमचो उपरे बड़े घमण्ड आसे; मय शान्ति ले भरून गेले से। आपलो पूईतराय कलेश ने मय हरिक ले खुबे भरपूर रऊं आय।


हुन आपन खुद के आमचो पापमन चो काजे देउन दिलो, बल्ले आमचो माहापुरू आउर बुआ चो इच्छा चो अनुसार आमके ऐई समया खराप संवसार ले छंड़ाओ।


मान्तर असन नी होओ कि मय दुसर कोनी गोठ चो घमण्ड करें दे, मात्र आमचो परबु ईशु मसीह चो कुरूस चो, जेचो बाटले संवसार मोचो नजर ने आउर मय संवसार चो नजर ने कुरूस थाने चेगाया गेले से।


तेबे माहापुरू चो शान्ति, जोन पूईतराय समज ले बाहार आय, तुमचो मन आउर तुमचो बिचारमन के मसीह ईशु ने सुरक्षित संगायेदे।


आउर हुनचो कुरूस थाने बोहड़लो बिती लऊ चो कारन मिला-मिसा करून, सपाय तीजमन के हुनचेई कारन ले आपलो संगे मिलान करोत, भले हुन धरतनी थानो होओ भले सरग थानो होओ।


कसनबल्लोने पयले बले, जिदलदाय आमी तुमचो थाने रऊँ तेबे तुमके बोलते रऊँ कि आमके कलेश उठाक पढ़े दे, आउर असने ची होली से, जसन कि तुमी जानास बले।


ऐईकाजे हे भाईमन, आमीमन आपलो सपाय दुक आउर कलेश ने तुमचो बिश्वास ले तुमचो बारे ने शान्ति पावलु।


अदायं परबु जोन शान्ति चो झरन आय खुद ची तुमके सदा आउर हर परकार ले शान्ति देओ। परबु तुमी सपाय चो संगे रओ।


मान्तर जितरो मसीह ईशु ने भक्ति चो संगे जीवना बिताऊक चाहाय सोत हुनमन सपाय कन्दराया जादे;


ऐईकाजे कि हुनके पाप ने खिन्डिक दिन चो सुक भोगतोर ले माहापुरू चो लोगमन चो संगे दुख भोगतोर आउर बले बड़ीया लागली।


ऐकेई अब्राहाम सपाय तीजमन चो दसवां अंश बले दिलो। ऐ पयले आपलो नाव चो अरत चो अनुसार, धरम चो राजा, आउर फेर शालेम बल्लोने शान्ति चो राजा आय।


बिश्वास ने जमखम होऊन भाती, आउर ऐ जानुन भाती हुनचो सामना करा कि तुमचो भाई जोन संवसार ने आसोत असने ची दुख-सहे सोत।


हे बुआमन, मय तुमके ऐईकाजे लिकें से कि जोन मुर ले आसे तुमी हुनके जानास। हे जुआनमन, मय तुमके ऐईकाजे लिकें से कि तुमनमन हुन दुष्ट उपरे जय पावलासास। हे लेकामन, मय तुमके ऐईकाजे लिकले से कि तुमी बुआ के जानुन गेलासास।


हे लेकामन, तुमी माहापुरू चो आहास, आउर तुमीमन हुन थाने जय पावलासास, कसनबल्लोने जोन तुमचो थाने आसे हुन हुनचो ले जोन संवसार ने आसे, बड़े आय।


कसनबल्लोने जोन काई माहापुरू ले उपजास होली से, हुन जगत थाने जय पाऊ आय; आउर हुन जीत जेचो ले संवसार थाने जय पाऊ आय आमचो बिश्वास आय।


“हुनमन मेमना चो लऊ चो लागुन आउर आपलो गोहई चो बचन चो लागुन हुनचो उपरे जयवन्त होला, आउर हुनमन आपलो जीवमन के लाड़ नी जानला, ऐथाले कि मरना बले सहला।”


“जोन जय पावला मय हुनके आपलो संगे आपलो सिंघासन थाने बसायेंदे, जसन मय बले जय पाऊन भाती आपलो बुआ चो संगे हुनचो सिंघासन थाने बसले।”


मय हुनके बल्ले, “हे मालिक, तुय ची जानीस।” हुन मोके बल्लो, “ऐ हुनमन आत, जोन हुन माहाकलेश थानले निकरून भाती ईला सोत; ऐ मन आपलो-आपलो फटीई मेमना चो लऊ ने धोऊन भाती पंडरा करला सोत।”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ