यूहन्ना 16:3 - Halbi

³ असन हुनमन ऐईकाजे कर दे कि हुनमन ना बुआ के जानला से आउर ना मोके जानोत।

परमेस्वर को सच्चो वचन ख जाननू

³ असो वी एकोलाने करेगों कि उनना न तो परमेस्वर बाप ख जानो हैं अर न मोखा जाना हैं।

यूहन्ना 16:3 ပူးပေါင်းရင်းမြစ်များ

लूका 10:22

मोचो बुआ मोके सब कुछ सोपुन दिलो से; आउर कोनी नी जानोत कि बेटा कोन आय मात्र बुआ, आउर बुआ कोन आय ऐ बले कोनी नी जानोत मात्र बेटा चो आउर हुन जेचो उपरे बेटा हुनके उजागर करूक चाहाओ।”

यूहन्ना 15:21

मान्तर ऐ सपाय काई हुनमन मोचो नाव चो लागुन तुमचो संगे कर दे, कसनबल्लोने हुनमन मोचो पठालोबिता के नी जानोत।

यूहन्ना 15:23

जोन मोचो ले बईर संगाऊ आय, हुन मोचो बुआ ले बले बईर संगाऊ आय।

यूहन्ना 17:25

ऐ धरमी बुआ, संवसार तो मोके नी जानली, मान्तर मय तुके जानले; आउर ऐ मन बले जानला कि तुय ची मोके पठाली सीस।

यूहन्ना 17:3

आउर अमर जीवना ऐ आय कि हुनमन तुके गोटक मात्र सते माहापुरू के आउर ईशु मसीह के, जोन के तुय पठाली सीस, जानोत।

यूहन्ना 8:19

हुनमन हुनचो ले बल्ला, “तुचो बुआ काहां आसे?” ईशु जबाप दिलो, “ना तुमी मोके जानास, ना मोचो बुआ के, अगर मोके जानतास तो मोचो बुआ के बले जानतास।”

यूहन्ना 8:55

तुमी तो हुनके नी जानलास: मान्तर मय हुनके जाने; अगर मय बलें दें कि मय हुनके नी जाने, तेबे मय तुमचो असन फंदी ठेबेंदे: मान्तर मय हुनके जाने, आउर हुनचो बचन थाने चलु आंय।

प्रेरितो 3:17

अदायं हे भाईमन, मय जाने से कि ऐ काम तुमीमन अगिआन ने करलास, आउर असने ची तुमचो सरदारमन बले करला।

1 कुरिन्थियो 2:8

जेके ऐ संवसार चो हाकिममन थानले कोनी नी जानला, कसनबल्लोने अगर हुनमन जानता तो चमक परबु के कुरूस थाने नी चेगाता।

2 थिस्सलुनीकियो 1:8

आउर जोन माहापुरू के नी चिता ओत आउर आमचो परबु ईशु चो नगतखबर के नी मानोत हुनमन ले पलटा धरे दे।

1तीमुथियुस 1:13

मय तो पयले निन्दा करतो बिता, आउर कन्दरातो बिता, आउर अंधेर करतो बिता रले; तेबले बले मोचो उपरे दया होली, कसनबल्लोने मय अबिश्वास चो दसा ने बिना समजुन बुजुन ऐ कामकरू रले।

1यूहन्ना 2:23

जोन कोनी बेटा चो इन्कार करू आय हुनचो लगे बुआ बले निआय: जोन बेटा के मानु आय, हुनचो लगे बुआ बले आसे।

1यूहन्ना 3:1

दका, बुआ आमचो ले कसन मया करलो से कि आमी माहापुरू चो पिला बलाय जाऊ; आउर आमी आंव बले। ऐई लागुन संवसार आमके नी जाने, कसनबल्लोने हुन हुनके बले नी जानलो।

1यूहन्ना 4:8

जोन मया नी संगाये हुन माहापुरू के नी जाने, कसनबल्लोने माहापुरू मया आय।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।