यूहन्ना 16:28 - Halbi

²⁸ मय बुआ चो बाटले जगत ने ईले से; मय फेर जगत के छांडुन भाती बुआ चो लगे जाऊ आंय।”

परमेस्वर को सच्चो वचन ख जाननू

²⁸ मी परमेस्वर बाप कि ओर से दुनिया म आयो हैं; मी फिर दुनिया का छोडका परमेस्वर बाप को जोने जाऊ हैं।”

यूहन्ना 16:28 ပူးပေါင်းရင်းမြစ်များ

लूका 24:51

आउर हुनमन के आशीष देते-देते हुन हुनमन ले अलगे होलो आउर सरग उपरे उठाऊन निया गेलो।

लूका 9:51

जिदलदाय हुनचो उपरे उठाया जातोर दिन पुरा होतो थाने रये, तेबे हुन यरूशलेम जातोर बिचार पक्का करलो।

यूहन्ना 13:1

फसह चो परब ले पयले, जिदलदाय ईशु जानलो कि मोचो हुन घड़ी ऐऊन अमरली से कि जगत छांडुन भाती बुआ चो लगे जायें दें, तेबे आपलो लोगमन ले जोन जगत ने रवत जसन मया हुन संगाते रये, आखरी ले असने ची मया संगाते रलो।

यूहन्ना 13:3

ईशु, ऐ जानुन भाती कि बुआ सपाय काई मोचो हाथ ने करून दिलो से आउर मय माहापुरू चो लगे ले ईले से आउर माहापुरू चो लगे जायें दें,

यूहन्ना 14:28

तुमी सुनलासास कि मय तुमचो ले बल्ले, ‘मय जायें सें, आउर तुमचो लगे फेर ऐयें दें।’ अगर तुमी मोचो ले मया संगातास, तेबे ऐ गोठ ले हरिक होतास कि मय बुआ चो लगे जायें सें, कसनबल्लोने बुआ मोचो ले बड़े आय।

यूहन्ना 16:10

आउर धारमिकता चो बारे ने ऐईकाजे कि मय बुआ चो लगे जायें से, आउर तुमी मोके फेर नी दका से;

यूहन्ना 16:16

“डण्डिक ले तुमी मोके नी दका से, आउर फेर डण्डिक ले मोके दका से।”

यूहन्ना 16:30

अदायं आमी जानलु से कि तुय सपाय काई जानीस, आउर ऐचो जरूरी निआय कि कोनी तुचो ले काई पचारोत; ऐचो ले आमी बिश्वास करूं से कि तुय माहापुरू चो बाटले ईली सीस।”

यूहन्ना 16:5

मान्तर अदायं मय आपलो पठालोबिता चो लगे जायें से; आउर तुमचो ले कोनी मोचो ले नी पचारोत, ‘तुय काहां जाय सीस?’

यूहन्ना 17:11

मय अदायं जगत ने नी रयें दे, मान्तर ऐ मन जगत ने रदे, आउर मय तुचो लगे ऐयें से। हे पवितर बुआ, आपलो हुन नाव ले जोन तुय मोके दिली सीस, हुनचो राका कर कि हुनमन आमचो असन गोटक होवत।

यूहन्ना 17:13

अदायं मय तुचो लगे ऐयें से, आउर ऐ गोठमन जगत ने बोलु आय, कि हुनमन मोचो हरिक आपलो थाने पुरा पाओत।

यूहन्ना 17:5

अदायं हे बुआ, तुय आपलो संगे मोचो महिमा हुन महिमा ले कर जोन जगत चो रचलोर ले पयले, मोचो तुचो संगे रये।

यूहन्ना 8:14

ईशु हुनमन के जबाप दिलो, “अच्छा मय ची आपलो गोहई खुद देऊ आय, फेर बले मोचो गोहई नगत आय, कसनबल्लोने मय जाने से कि मय काहां ले ईले से आउर काहां जाऊ आंय? मान्तर तुमी नी जानास कि मय काहां ले ऐयें सें नाहले काहां जाऊ आंय।

यूहन्ना 8:42

ईशु हुनमन ले बल्लो, “अगर माहापुरू तुमचो बुआ होतो, तेबे तुमी मोचो ले मया संगातास; कसनबल्लोने मय माहापुरू चो बाटले ईले से। मय खुद ले नी ईले, मान्तर हुनी ची मोके पठालो।