यूहन्ना 16:27 - Halbi

²⁷ कसनबल्लोने बुआ तो खुदे ची तुमचो ले मया संगाऊ आय, ऐईकाजे कि तुमनमन मोचो ले मया संगालासास आउर ऐ बले बिश्वास करलासास कि मय बुआ चो बाटले ईले से।

परमेस्वर को सच्चो वचन ख जाननू

²⁷ काहेकि परमेस्वर तो अपनो तुम ही तुम से प्रेम रखा हैं, एकोलाने कि तुम न मोसे रखो हैं अर यू भी भरोसा करो हैं कि मी परमेस्वर बाप की तरफ से आयो।

यूहन्ना 16:27 ပူးပေါင်းရင်းမြစ်များ

मत्ती 10:37

“जोन आया नाहले बुआ के मोचो ले आगर लाड़ करू आय, हुन मोचो लायक नुआय; आउर जोन बेटा नाहले बेटी के मोचो ले आगर मया करू आय, हुन मोचो लायक नुआय;

यूहन्ना 14:21

जेचो लगे मोचो हुकुममन आसे आउर हुन हुनमन के मानु आय, हुनी मोचो ले मया संगाऊ आय; आउर जोन मोचो ले मया संगाऊ आय हुनचो ले मोचो बुआ मया संगाय दे, आउर मय हुनचो ले मया संगायें दें आउर आपन खुद के हुन थाने उजागर करें दें।”

यूहन्ना 14:23

ईशु हुनके जबाप दिलो, “अगर कोनी मोचो ले मया संगाय दे, तेबे हुन मोचो बचन के माने दे, आउर मोचो बुआ हुनचो ले मया संगाय दे, आउर आमी हुनचो लगे ऐऊ दें आउर हुनचो संगे वास करूं दे।”

यूहन्ना 16:30

अदायं आमी जानलु से कि तुय सपाय काई जानीस, आउर ऐचो जरूरी निआय कि कोनी तुचो ले काई पचारोत; ऐचो ले आमी बिश्वास करूं से कि तुय माहापुरू चो बाटले ईली सीस।”

यूहन्ना 17:23

मय हुनमन ने आउर तुय मोचो ने कि हुनमन सिद्ध होऊन भाती गोटक होऊन जाओत, आउर संवसार जानो कि तुय ची मोके पठालीस, आउर जसन तुय मचो ले मया संगालीस असने ची हुनमन ले मया संगाले।

यूहन्ना 2:11

ईशु गलील चो काना गाँव ने आपलो ऐ पयला चिना दकाऊन भाती आपलो महिमा उजागर करलो आउर हुनचो चेलामन हुनचो उपरे बिश्वास करला।

यूहन्ना 3:13

कोनी सरग ने नी चेगला, मात्र हुनी जोन सरग ले उतरलो, बल्लोने माने चो बेटा जोन सरग ने आसे।

यूहन्ना 7:29

मय हुनके जाने कसनबल्लोने मय हुनचो बाटले आंय आउर हुनी ची मोके पठालो से।”

यूहन्ना 8:42

ईशु हुनमन ले बल्लो, “अगर माहापुरू तुमचो बुआ होतो, तेबे तुमी मोचो ले मया संगातास; कसनबल्लोने मय माहापुरू चो बाटले ईले से। मय खुद ले नी ईले, मान्तर हुनी ची मोके पठालो।

रोमियो 8:3

कसनबल्लोने जोन काम नियम देंह चो लागुन कमजोर होऊन भाती नी करूक सकली, हुनके माहापुरू करलो, बल्लोने आपलो ची बेटा के पापमय देंह चो बराबरी ने आउर पापबली होतो काजे पटाऊन भाती, देंह ने पाप चो उपरे डण्ड चो हुकुम दिलो।

1 कुरिन्थियो 15:47

पईल माने धरतनी ले बल्लोने माटी चो रलो; दुसर माने सरग चो आय।

1 कुरिन्थियो 16:22

अगर कोनी परबु ले मया नी संगा ओ तेबे हुन शरापित होओ। हे आमचो परबु, आव!

2 कुरिन्थियो 5:14

कसनबल्लोने मसीह चो मया आमके बेबस करून देऊ आय; ऐईकाजे आमी ऐ समजु आंव कि जिदलदाय गोटक सपाय चो काजे मरलो तेबे सपाय मरून गेला।

गलातियो 4:4

मान्तर जिदलदाय समया पुरा होली, तेबे माहापुरू आपलो बेटा के पठालो जोन बायले लेकी ले जनम लो आउर नियम चो अधीन पयदा होलो,

इफिसीयो 6:24

जोन आमचो परबु ईशु मसीह ले सत मया संगाऊ आत, हुन सपाय उपरे अनुग्रह होते रओ।

1तीमुथियुस 1:15

ऐ गोठ सत आउर हर परकार ले बिश्वास लायक आय कि मसीह ईशु पापीमन चो मुक्ति करतो काजे जगत ने ईलो, जोन थाने सपाय ले बड़े पापी मय आंय।

इब्रानियो 12:6

कसनबल्लोने परबु जेचो ले मया करू आय, हुनचो ताड़ना बले करू आय, आउर जोन के बेटा बनाऊ आय, हुनके कोड़ा बले लगाऊ आय।”

1 पतरस 1:8

हुनचो ले तुमी बिना दके मया संगाऊ आस आउर अदायं तो हुनचो उपरे बिना दकुन बले बिश्वास करून असन हरिक आउर मतभुल होऊ आस जोन आमचो गोठ ले बहारे आउर महिमा ले भरलोर आसे;

1यूहन्ना 4:19

आमी ऐईकाजे मया करू आंव, कि पयले हुन आमचो ले मया करलो।

प्रकाशितवाक्य 3:19

“मय जोन-जोन के मया करू आंय, हुन सपाय के सिकाऊ आंय आउर ताड़ना देऊ आंय; ऐईकाजे टिव-टिव हो आउर मन फिराव।”

प्रकाशितवाक्य 3:9

“दक, मय शयतान चो हुन सभा बितामन के तुचो वश ने करून देयेंदे जोन यहूदी बनुन बसलासे, मान्तर आत नाई मान्तर फंद बोलु आत दक, मय असन करेंदे कि हुनमन ऐऊन भाती तुचो पाँयमन थाने घसरदे, आउर ऐ जानदे कि मय तुचो ले मया संगालेसे।”