यूहन्ना 16:26 - Halbi

²⁶ हुन दिने तुमी मोचो नाव ले मांगा से; आउर मय तुमचो ले ऐ नी बले कि मय तुमचो काजे बुआ ले गुहार करेंदे;

परमेस्वर को सच्चो वचन ख जाननू

²⁶ उ दिन तुम मोरो नाम से माँगेगो; अर मी तुम से असो नी कहत आय कि मी तुम्हारो लाने परमेस्वर बाप से विनती करुँगो;

यूहन्ना 16:26 ပူးပေါင်းရင်းမြစ်များ

यूहन्ना 14:16

मय बुआ ले गुहार करें दें, आउर हुन तुमके गोटक आउर सायक देये दे कि हुन हरमेशा तुमचो संगे रये दे।

यूहन्ना 14:20

हुन दिने तुमी जाना से कि मय आपलो बुआ ने आंसे, आउर तुमी मोचो ने, आउर मय तुमचो ने।

यूहन्ना 16:19

ईशु ऐ जानुन भाती कि हुनमन मोचो ले पचारूक चाहाय सोत, हुन बल्लो, “काय तुमी आपस ने मोचो ऐ गोठ चो बारे ने पुच-पचार करेसास, ‘डण्डिक ले तुमी मोके नी दका से, आउर फेर डण्डिक ले मोके दका से’?

यूहन्ना 16:23

हुन दिने तुमी मोचो ले काई नी पचारा से। मय तुमचो ले सत-सत बलें सें, अगर बुआ ले काई मांगा से, तेबे हुन मोचो नाव ले तुमके देये दे।

यूहन्ना 16:30

अदायं आमी जानलु से कि तुय सपाय काई जानीस, आउर ऐचो जरूरी निआय कि कोनी तुचो ले काई पचारोत; ऐचो ले आमी बिश्वास करूं से कि तुय माहापुरू चो बाटले ईली सीस।”

यूहन्ना 17:19

आउर हुनमन काजे मय आपन खुद के पवितर करें से, बल्ले हुनमन बले सते चो दुआरा पवितर कराया जाओत।

यूहन्ना 17:24

हे बुआ, मय चाहायें से, कि जोनमन के तुय मोके दिली सीस, जोन थाने मय आसे हुन थाने हुनमन बले मोचो संगे रवत, कि हुनमन मोचो हुन महिमा के दकोत जोन तुय मोके दिली सीस, कसनबल्लोने तुय जगत चो उपजास ले पयले मोचो ले मया संगालीस।

यूहन्ना 17:9

मय हुनमन काजे गुहार करें से; जगत चो काजे बिनती नी करे मान्तर हुनमन चो काजे जोनमन के तुय मोके दिली सीस, कसनबल्लोने हुनमन तुचो आत;

रोमियो 8:34

फेर कोन आसे जोन डण्ड चो हुकुम देयेदे? मसीह ची आसे जोन मरलो मान्तर मरलो थानले जीव बले उठलो, आउर माहापुरू चो उजा बाटे आसे, आउर आमचो काजे गुहार बले करू आय।