यूहन्ना 16:22 - Halbi

²² हुनी परकार तुमके बले ऐबे तो दुक आसे, मान्तर मय तुमचो ले फेर मिलें दें आउर तुमचो मन हरिक ले भरून जाय दे; आउर तुमचो हरिक कोनी तुमचो ले झिकुन नी नेयेदे।

परमेस्वर को सच्चो वचन ख जाननू

²² वसो ही तरीका से तुम सब अबा दुख म हैं, पर मी तुम ख फिर से देखुगो अर तुमरो मन खूसी से भर जाएगो; अर तुमरी खुसी कोई तुम से छीन नी सकन को।

यूहन्ना 16:22 ပူးပေါင်းရင်းမြစ်များ

मत्ती 28:8

हुनमन भय आउर बड़े हरिक चो संगे कबर ले झटके बाहडून भाती हुनचो चेलामन के खबर देतो काजे पराला।

लूका 10:42

मान्तर गोटक गोठ जरूरी आय, आउर हुन बड़ीया भाग के मरियम चुनली से जोन हुनचो ले झिका नी जायेदे।”

लूका 16:25

मान्तर अब्राहाम बल्लो, ‘हे बेटा, सुरता कर कि तुय आपलो जीवना ने अच्छा तीजमन धरून चुकली सीस, आउर असने ची लाजर खराप तीजमन मान्तर अदायं हुन ऐथा शान्ति पाये से, आउर तुय तड़प सीस।

लूका 19:26

‘मय तुमचो ले बलें सें कि जेचो लगे आसे हुनके दिया जाये दे; आउर जेचो लगे निआय, हुनचो ले हुन बले जोन हुनचो लगे आसे धरा जाये दे।

लूका 24:41

जिदलदाय हरिक चो मारे हुनमन के बिश्वास नी होली, आउर हुनमन अकचकित होते रवत, तेबे हुन हुनमन ले पूछलो, “काय ऐथा तुमचो लगे काई भात आसे?”

यूहन्ना 14:1

“तुमचो मन बाय बिकाल नी होओ; माहापुरू थाने बिश्वास संगाहा आउर मोचो उपरे बले बिश्वास संगाहा।

यूहन्ना 14:19

आउर खिन्डिक समया बाचली से, कि फेर संवसार मोके नी दके दे, मान्तर तुमी मोके दका से; ऐईकाजे कि मय जीव आंसे, तुमी बले जीव राहा से।

यूहन्ना 14:27

“मय तुमके शान्ति देऊन जायें सें, आपलो शान्ति तुमके देंयें से; जसन संवसार देऊ आय, मय तुमके नी देंयें: तुमचो मन बाय बिकाल नी होओ आउर नी डरो।

यूहन्ना 16:16

“डण्डिक ले तुमी मोके नी दका से, आउर फेर डण्डिक ले मोके दका से।”

यूहन्ना 16:20

मय तुमचो ले सत-सत बलें सें कि तुमी गागा से आउर बिलका से, मान्तर संवसार हरिक करे दे; तुमके शोक होये दे, मान्तर तुमचो शोक हरिक ने बदलुन जाय दे।

यूहन्ना 16:6

मान्तर मय जोन ऐ गोठमन तुमचो ले बल्ले से, ऐईकाजे तुमचो मन दुक ले भरून गेली से।

यूहन्ना 21:7

तेबे हुन चेला जेचो ले ईशु मया संगाते रये, पतरस ले बल्लो, “ऐ तो परबु आय!” शिमोन पतरस ऐ सुनुन भाती कि हुन परबु आय करांड ने तुआल पिन्दलो, कसनबल्लोने हुन बीन फटीई रये, आउर झील ने डगालो।

यूहन्ना 4:14

मान्तर जोन कोनी हुन पानी थानले पिये दे जोन मय हुनके देयें दें, हुन फेर अनंत काल तक पिआसा नी होये दे; मान्तर जोन पानी मय हुनके देयें दें, हुन हुन थाने गोटक झरन बनुन जाये दे जोन अमर जीवना चो काजे उमड़ते रये दे।”

प्रेरितो 13:52

आउर चेला हरिक ले आउर पवितर आत्मा ले समपूरन होते गेला।

प्रेरितो 16:25

अधघर राती चो लगे-लगे पौलुस आउर सीलास पारथना करते-करते माहापुरू चो भजन गाते रवत, आउर कयदीमन हुनमन चो सुनते रवत।

प्रेरितो 2:46

हुनमन रोजे दिना गोटक मन होऊन भाती मंदिर ने रूंड़ा होते रवत, आउर घरे-घरे रोटी टुटाते-टुटाते हरिक आउर मन चो सोज ले भात खाते रवत,

प्रेरितो 5:41

हुनमन ऐ गोठ ले हरिक होऊन भाती माहासभा चो पुरे ले जाते गेला, कि आमी हुनचो नाव चो काजे बेईजित होतो लायक तो ठेबलु।

2 कुरिन्थियो 6:10

दुक करतो बितामन चो असन आत, मान्तर हरमेशा हरिक करू आत; कंगालमन चो असन आत, मान्तर खुबेमन के सवकार बनान देऊ आत; असन आत जसन आमचो लगे काई निआय तेबले बले सपाय काई संगाऊ आत।

2 थिस्सलुनीकियो 2:16

आमचो परबु ईशु मसीह खुद ची, आउर आमचो बुआ माहापुरू, जोन आमचो ले मया संगालो आउर अनुग्रह ले अमर शान्ति आउर अच्छा आशा दिलोसे,

इब्रानियो 10:34

कसनबल्लोने तुमी कयदीमन चो दुक ने बले दुकी होलास आउर आपलो सम्पत्ति बले हरिक ले जटुक दिलास; ऐ जानुन भाती कि तुमचो लगे गोटक आउर बले बड़ीया आउर हरमेशा ठेबतो बिती सम्पत्ति आसे।

इब्रानियो 6:18

बल्ले दुय नी बदल तो गोठमन चो लागुन, जेचो बारे ने माहापुरू चो फंदी ठेबतोर नी होऊक सके, मजबूती ले आमचो हिम्मत बन्दुन जाओ, जोन सरन धरतो काजे ऐईकाजे पराला से कि हुन आशा के जोन पुरे संगालोर आसे पाओत।

1 पतरस 1:8

हुनचो ले तुमी बिना दके मया संगाऊ आस आउर अदायं तो हुनचो उपरे बिना दकुन बले बिश्वास करून असन हरिक आउर मतभुल होऊ आस जोन आमचो गोठ ले बहारे आउर महिमा ले भरलोर आसे;