यूहन्ना 15:7 - Halbi

⁷ अगर तुमी मोचो ने बनुन राहा आउर मोचो बचन तुमचो ने बनुन रओ, तेबे जोन चाहे मांगा आउर हुन तुमचो काजे होऊन जाये दे।

परमेस्वर को सच्चो वचन ख जाननू

⁷ अदि तुम मोरो म बनिया रहे अर मोरो वचन तुम म बनो रहे, ते जे भी कुछ माँगे अर उ तुमारो लाने हो जाएगो।

यूहन्ना 15:7 ပူးပေါင်းရင်းမြစ်များ

मत्ती 7:7

“मांगा तेबे तुमके दिया जायदे; डगराहा तेबे तुमी पाहासे; ठक-ठकाहा, तेबे तुमचो काजे उगाढ़ा जायदे।

यूहन्ना 14:13

जोन बले तुमी मोचो नाव ले मांगा से, हुनी मय करें दें कि बेटा चो बाटले बुआ चो महिमा होओ।

यूहन्ना 15:16

तुमी मोके नी चुनलास मान्तर मय तुमके चुनले से आउर तुमके ठेबाले कि तुमी जाऊन भाती फल आना आउर तुमचो फल बनुन रओ, कि तुमी मोचो नाव ले जोन काई बुआ ले मांगा, हुन तुमके देये दे।

यूहन्ना 16:23

हुन दिने तुमी मोचो ले काई नी पचारा से। मय तुमचो ले सत-सत बलें सें, अगर बुआ ले काई मांगा से, तेबे हुन मोचो नाव ले तुमके देये दे।

यूहन्ना 8:31

तेबे ईशु हुन यहूदीमन ले जोनमन हुनचो उपरे बिश्वास करू रला, बल्लो, “अगर तुमी मोचो बचन ने बनुन राहा से, तेबे सते मोचो चेलामन ठेबा से।

यूहन्ना 8:37

मय जाने से कि तुमी अब्राहाम चो बंश ले आहास; तेबले बले मोचो बचन तुमचो मन ने जगा नी पाए, ऐईकाजे तुमी मोके मारून देतोर चाहाय साहास।

गलातियो 4:2

मान्तर बुआ चो ठेबालो बिती समया ले बचाऊ बितामन आउर जुगाड़करू मन चो बस ने रऊ आय।

गलातियो 5:16

मान्तर मय बलें सें, आत्मा चो अनुसार चला तेबे तुमी देंह चो लालच कोनी रीति ले पुरा नी करा से।

कुलुस्सियो 3:16

मसीह चो बचन के आपलो मन ने जादा ले जादा बसुक दिआस, आउर सीद गिआन संगे गोटक दुसर के सिकाआ आउर जनावा, आउर आपलो-आपलो मन ने अनुग्रह चो संगे माहापुरू चो काजे भजन आउर स्तुति गीत आउर आत्मिक गीत गाहा।

1यूहन्ना 2:14

हे बुआमन, मय तुमके ऐईकाजे लिकले से कि जोन मुर ले आसे तुमी हुनके जानुन गेलासास। हे जुआनमन मय तुमके ऐईकाजे लिकले से कि तुमी बलवान हुआ, आउर माहापुरू चो बचन तुमनमन ने बनुन रऊ आय, आउर तुमी हुन दुष्ट थाने जय पावलासास।

1यूहन्ना 2:27

मान्तर तुमचो हुन अभिषेक जोन हुनचो बाटले कराए गेली, तुमचो ने बनुन रऊ आय; आउर तुमके ऐचो जरूरत निआय कि कोनी तुमके सिका ओत, बल्लोने जसन हुन अभिषेक जोन हुनचो बाटले कराए गेली तुमके सपाय गोठमन सिकाऊ आय, आउर ऐ सते आय आउर फंद नुआय; आउर जसन हुन तुमके सिका लो से हुसने ची तुमी हुन थाने बनुन रऊ आहास।

1यूहन्ना 3:22

आउर जोन काई आमी मांगु आंव, हुन आमके हुनचो ले मिरू आय, कसनबल्लोने आमी हुनचो हुकुममन के मानु आंव आउर जोन हुनके भाऊ आय हुनी करू आंव।

1यूहन्ना 5:14

आउर आमके हुनचो पुरे जोन साआस होऊ आय, हुन ऐ आय; कि अगर आमी हुनचो इच्छा चो अनुसार काई मांगु आंव तेबे हुन आमचो सुनु आय।