यूहन्ना 15:24 - Halbi

²⁴ अगर मय हुनमन थाने हुन काम नी करते जोन आउर कोनी नी करला, तेबे हुनमन पापी नी ठेबता; मान्तर अदायं तो हुनमन मोके आउर मोचो बुआ दुनो के दकला आउर दुनो ले बईर करला।

परमेस्वर को सच्चो वचन ख जाननू

²⁴ अदि मी उनमा वी काम नी करतो जो अऊर कोई न नी करो, ते वी पापी नी ठहरता; पर अब तो उन न मोखा अर मोरो बाप परमेस्वर दोई का देखो अर दोई से बैर करो।

यूहन्ना 15:24 ပူးပေါင်းရင်းမြစ်များ

मत्ती 11:5

कि काना दक सोत आउर खोड़ीयामन हिन्डे सोत बुलसोत, कोढ़ी शुद्ध करा जासोत आउर भयरामन सुन सोत, मुरदा जिआया जासोत, आउर कंगालमन के नगतखबर सुनाया जायसे।

मत्ती 21:32

कसनबल्लोने यूहन्ना धरम चो बाट दकाते-दकाते तुमचो लगे ईलो, आउर तुमी हुनचो बिश्वास नी करलास: मान्तर कर धरू बिता आउर बेश्यामन हुनचो बिश्वास करला: आउर तुमी ऐ दकुन भाती पाचे बले नी पसताला कि हुनचो बिश्वास करतास।

मत्ती 9:33

आउर जिदलदाय दुष्टआत्मा निकराऊन दिलो, तेबे कोंदा बोलुक मुरयालो। ऐ थाने भीड़ अकचकित होऊन बल्ला, “इस्राएल ने असन केबीई नी दकलु।”

मरकुस 2:12

हुन उठलो आउर तुरते खटिया उठाऊन भाती सपाय चो पुरे ले निकरून भाती जाते गेलो; ऐ थाने सपाय भक्याला, आउर माहापुरू चो बड़ाई करून बोलुक मुरयाला, “आमी असन केबीई नी दकलु।”

लूका 24:19

हुन हुनमन ले पूछलो, “कोन बिती गोठमन?” हुनमन हुनचो ले बल्ला, “ईशु नासरी चो बारे ने जोन माहापुरू आउर सपाय लोगमन चो लगे काम आउर बचन ने सामरती अगम गिआनी रलो,

यूहन्ना 10:32

ऐ थाने ईशु हुनमन ले बल्लो, “मय तुमके आपलो बुआ चो बाटले खुबे असन अच्छा काम दकाले से; हुनमन थानले कोन काम चो काजे मोचो उपरे पकना मारेसास?”

यूहन्ना 10:37

अगर मय आपलो बुआ चो काम नी करें, तो मोचो बिश्वास नी करा।

यूहन्ना 12:10

तेबे परधान याजकमन लाजर के बले मारून देतोर उआट करला।

यूहन्ना 12:45

आउर जोन मोके दकु आय, हुन मोचो पठालोबिता के दकु आय।

यूहन्ना 14:9

ईशु हुनचो ले बल्लो, “हे फिलिप्पुस, मय ईतलो दिन ले तुमचो संगे आंसे, आउर काय तुय मोके नी जानीस? जोन मोके दकलो से हुन बुआ के बले दकलो से। तुय केंव बोल सीस कि बुआ के आमके दकाव?

यूहन्ना 15:21

मान्तर ऐ सपाय काई हुनमन मोचो नाव चो लागुन तुमचो संगे कर दे, कसनबल्लोने हुनमन मोचो पठालोबिता के नी जानोत।

यूहन्ना 15:22

अगर मय नी ऐते आउर हुनमन ले गोठ बात नी करते, तेबे हुनमन पापी नी ठेबता; मान्तर अदायं हुनमन के हुनमन चो पाप चो काजे काई बाहना निआय।

यूहन्ना 15:23

जोन मोचो ले बईर संगाऊ आय, हुन मोचो बुआ ले बले बईर संगाऊ आय।

यूहन्ना 16:9

पाप चो बारे ने ऐईकाजे कि हुनमन मोचो उपरे बिश्वास नी करोत;

यूहन्ना 3:2

हुन राती दाय ईशु चो लगे ऐऊन भाती हुनचो ले बल्लो, “हे रब्बी, आमी जानु से कि तुय माहापुरू चो बाटले गुरू होऊन भाती ईली सीस, कसनबल्लोने कोनी ऐ चिनामन के जोन तुय दकाय सीस, अगर माहापुरू हुनचो संगे नी रवो तो नी दकाऊक सकतीस।”

यूहन्ना 5:36

मान्तर मोचो लगे जोन गोहई आसे हुन यूहन्ना चो गोहई ले बड़े आय; कसनबल्लोने जोन काम बुआ मोके पुरा करतो काजे सोपलो से बल्लोने ऐई काम जोन मय करू आंय, हुनमन मोचो गोहई आत कि बुआ मोके पठालो से।

यूहन्ना 6:36

मान्तर मय तुमके बोलु रये कि तुमीमन बले मोके दकु बले राआस तेबले बले बिश्वास नी करास।

यूहन्ना 7:31

फेर बले भीड़ थानले खुबे असन लोगमन हुनचो उपरे बिश्वास करला, आउर बोलुक मुरयाला, “मसीह जिदलदाय ऐये दे तो काय ऐचो ले खुबे अकचकित काम दकाय दे जोन ऐ दकालो?”

यूहन्ना 9:32

जगत चो मुर ले ऐ केबीई सुनतोर ने नी इली कि कोनी जनम चो काना चो आँईक के उगाढ़लो।

यूहन्ना 9:41

ईशु हुनमन ले बल्लो, “अगर तुमी काना होतास तेबे पापी नी ठेबतास; मान्तर अदायं बलेसास कि आमी दकु से, ऐईकाजे तुमचो पाप बनुन रऊ आय।

प्रेरितो 10:38

माहापुरू कोन रीति ले ईशु नासरी के पवितर आत्मा आउर सामरत ले अभिषेक करलो; हुन भलाई करते आउर सपाय के जोन शयतान चो कन्दरालोर रवत, अच्छा करते फिरलो, कसनबल्लोने माहापुरू हुनचो संगे रलो।

प्रेरितो 2:22

“हे इस्राएलीमन, ऐ गोठमन सुना ईशु नासरी गोटक माने रलो जेचो माहापुरू चो बाटले होतोर सबुत हुन सामरत चो काममन आउर अकचकित चो काममन आउर चिनामन ले उजागर आसे, जोन माहापुरू तुमचो मंजी हुनचो बाटले करून दकालो जेके तुमी खुदे ची जानेसास।”

रोमियो 1:30

बदनाम करतो बिता, माहापुरू के गन्दातो बिता दुसरमन चो ईजीत नी करतो बिता, घमण्डी, ढ़ोंगाहा, खराप-खराप गोठमन चो बनातो बिता, आया बुआ चो हुकुम नी मानतो बिता,

2 तीमुथियुस 3:4

बिश्वासघाती, टेकाहा, घमण्डी, आउर माहापुरू चो नाई मान्तर सुक बिलास ची चो चाहतो बिता हो दे।

याकूब 4:4

हे बेबीचारीनमन, काय तुमी नी जानास कि संवसार ले मीत करतोर माहापुरू ले बईर करतोर आय? ऐईकाजे जोन कोनी संवसार चो मीत होऊक चाहायें से, हुन आपन खुद के माहापुरू चो बयरी बनाऊ आय।