यूहन्ना 15:20 - Halbi

²⁰ जोन गोठमन मय तुमचो ले बोलुन रये, ‘दास आपलो मालिक ले बड़े नी होये,’ हुनके सुरता संगाहा। अगर हुनमन मोके कन्दरा दे, तो तुमके बले कन्दरा दे; अगर हुनमन मोचो गोठ मान दे, तेबे तुमचो बले मान दे।

परमेस्वर को सच्चो वचन ख जाननू

²⁰ जो बात मी न तुम से कही रह, ‘दास अपनो प्रभु से बड़ो नी होवा,’ ओखा याद रखनू। अदि उन ना मोखा सतायो, ते तुमका भी सताएँगो; अदि उन न मोरी बात मानी, ते तुम्हारी भी मानेगो।

यूहन्ना 15:20 ပူးပေါင်းရင်းမြစ်များ

मत्ती 10:24

“चेला आपलो गुरू ले बड़े नी होये; आउर ना दास आपलो मालिक ले।

मरकुस 10:39

हुनमन हुनचो ले बल्ला, “आमचो ले होऊक सके।” ईशु हुनमन ले बल्लो, “जोन बटका थानले मय पिव तो थाने आंसे, तुमी पिआ से; आउर जोन डूबन मय धरतो बिता आंय, हुनके धरा से।

लूका 2:34

तेबे शिमोन हुनमन के आशीष देऊन भाती, हुनचो आया मरियम ले बल्लो, “दक, हुन तो इस्राएल ने खुबेमन चो घसरतोर, आउर उठतोर काजे, आउर गोटक असन चिना होतो काजे ठेबाय गेलो से, जेचो बिरूद ने गोठमन कर दे

लूका 6:40

चेला आपलो गुरू ले बड़े नुआय, मान्तर जोन कोनी सिद्ध होये दे, हुन आपलो गुरू चो असन होये दे।

यूहन्ना 10:31

यहूदीमन हुनचो उपरे पकना ले मारतो काजे फेर पकना उठाला।

यूहन्ना 11:57

परधान याजकमन आउर फरीसीमन ऐ हुकुम देऊ रवत कि अगर कोनी ऐ जानोत कि ईशु काहां आसे तेबे सांगा, बल्ले हुनमन हुनके धरूक सकोत।

यूहन्ना 13:16

मय तुमके सत-सत बलें सें, दास आपलो मालिक ले बड़े नुआय, आउर ना पठालोबिता आपलो पठालोबिता ले।

यूहन्ना 5:16

ऐई लागुन यहूदी ईशु के कन्दराऊक मुरयाला, कसनबल्लोने हुन असन काम सब्त चो दिने करते रलो।

यूहन्ना 7:32

फरीसीमन लोगमन के हुनचो बारे ने ऐ गोठमन खुसखुसा करतोर सुनला; आउर परधान याजकमन आउर फरीसीमन हुनके धरतो काजे पलटन पठाला।

यूहन्ना 8:51

मय तुमचो ले सत-सत बलेंसें कि अगर कोनी माने मोचो बचन थाने चलेदे, तेबे हुन केबीई मरना के नी दकेदे।”

यूहन्ना 8:52

यहूदीमन हुनचो ले बल्ला, “अदायं आमी जानलु से कि तुचो थाने दुष्टआत्मा आसे। अब्राहाम मरून गेलो, आउर अगम गिआनी बले मरून गेलो से; आउर तुय बोल सीस, ‘अगर कोनी मोचो बचन थाने चले दे तो हुन केबीई मरना चो सुआद नी चाके दे।’

यूहन्ना 8:59

तेबे हुनमन हुनके मारतो काजे पकना उठाला, मान्तर ईशु लुकुन भाती मंदिर ले निकरून गेलो।

प्रेरितो 14:22

आउर चेलामन चो मन के थीर करते रला आउर ऐ उपदेश देते रला कि बिश्वास ने बनु राहा; आउर ऐ बोलते रवत, “आमके बड़े कलेश उठाऊन भाती माहापुरू चो राज ने ओलतोर होये दे।”

1 कुरिन्थियो 4:12

आउर आपली ची हाथमन ले काम करून मसागत करू आंव। लोग आमके खराप बोलु आत, आमी आशीष देऊ आंव; हुनमन कन्दराऊ आत, आमी सहु आंव।

2 कुरिन्थियो 4:9

कन्दराया तो जाऊ आंव, मान्तर तियागा नी जाऊं; घसराया तो जाऊ आंव, मान्तर नष्ट नी होऊं।

1 थिस्सलुनीकियो 2:15

जोनमन परबु ईशु के आउर अगम गिआनीमन के बले मारून दिला आउर आमके कन्दराला, आउर माहापुरू हुनमन ले हरिक निआय, आउर हुनमन सपाय मानेमन चो बिरोद करू आत,

2 तीमुथियुस 3:12

मान्तर जितरो मसीह ईशु ने भक्ति चो संगे जीवना बिताऊक चाहाय सोत हुनमन सपाय कन्दराया जादे;