यूहन्ना 15:19 - Halbi

¹⁹ अगर तुमी संवसार चो होतास, तेबे जगत आपनमन ले मया संगाती; मान्तर ऐई लागुन कि तुमी संवसार चो नुआस, मान्तर मय तुमनमन के संवसार थानले चुनले से, ऐईकाजे संवसार तुमचो ले बईर संगाऊ आय।

परमेस्वर को सच्चो वचन ख जाननू

¹⁹ अदि तुम दुनिया का होता, ते दुनिया तुम ख अपनो समझ ख प्रेम करतो; पर तुम दुनिया का नी हाय, पर मी न तुमका दुनिया म से चुनियो लियो हैं, एको लाने दुनिया तुम से बैर रखा हैं।

यूहन्ना 15:19 ပူးပေါင်းရင်းမြစ်များ

मत्ती 10:22

मोचो नाव चो लागुन सपाय लोग तुमचो ले बईर करदे, मान्तर जोन आखरी तक धीरज धरू रयदे हुनचेई मुक्ति होयेदे।

मत्ती 24:9

तेबे हुनमन कलेश देतो काजे तुमके धरा दे, आउर तुमके मारून पका दे, आउर मोचो नाव चो कारन सपाय जातिमन चो लोग तुमचो ले बईर संगा दे।

लूका 6:32

“अगर तुमी आपलो मया संगातो बितामन चो संगे मया संगाहा, तेबे तुमचो काय बड़ाई? कसनबल्लोने पापी बले आपलो मया संगातो बितामन चो संगे मया संगाऊ आत।

यूहन्ना 13:18

“मय तुमी सपाय चो बारे ने नी बोलें; जोन के मय चुनले से, हुनमन के मय जाने; मान्तर ऐ ऐईकाजे आय कि पवितर शास्त्र चो बचन पुरा होओ, ‘जोन मोचो रोटी खाऊ आय, हुन मोचो थाने लात उठालो।’

यूहन्ना 15:16

तुमी मोके नी चुनलास मान्तर मय तुमके चुनले से आउर तुमके ठेबाले कि तुमी जाऊन भाती फल आना आउर तुमचो फल बनुन रओ, कि तुमी मोचो नाव ले जोन काई बुआ ले मांगा, हुन तुमके देये दे।

यूहन्ना 6:70

ईशु हुनमन के जबाप दिलो, “काय मय तुमी बारा झन के नी चुनले? तेबले बले तुमनमन ले गोटक माने शयतान आय।”

याकूब 4:4

हे बेबीचारीनमन, काय तुमी नी जानास कि संवसार ले मीत करतोर माहापुरू ले बईर करतोर आय? ऐईकाजे जोन कोनी संवसार चो मीत होऊक चाहायें से, हुन आपन खुद के माहापुरू चो बयरी बनाऊ आय।

1 पतरस 4:3

कसनबल्लोने दुसर जातिमन चो इच्छा चो अनुसार काम करतोर, आउर लुचपन चो खराबी मनमानीमन, मतवारपन, खेला-कुद, मतवारपन, आउर घिन-घिना मुरती पुजा ने जोन थानले आमी पयले समया गवालु, हुनी खुबे होली।

1यूहन्ना 3:12

आउर कैन चो असन नी बना जोन हुन दुष्ट ले रलो, आउर जोन आपलो भाई के घात करलो। आउर हुनके काय लागुन घात करलो? ऐई लागुन कि हुनचो काम खराप रये, आउर हुनचो भाई चो काम धरम चो रये।

प्रकाशितवाक्य 12:17

तेबे बोड़ासाप बायले लेकी उपरे रीस होलो, आउर हुनचो बाकी पिलामन ले, जोन माहापुरू चो हुकुममन के मानतोर आउर ईशु चो गोहई देतोर थाने थीर आसोत, लडुक लाय गेलो।

प्रकाशितवाक्य 12:9

तेबे हुन बड़े बोड़ासाप, बल्लोने हुनी जुना सांप जोन इबलीस आउर शयतान बोला जाऊ आय आउर पुईतराय संवसार चो भरमातो बिता आय, धरतनी थाने घसराऊन दिया गेलो, आउर हुनचो दूत हुनचो संगे घसराऊन दिया गेला।