यूहन्ना 15:16 - Halbi

¹⁶ तुमी मोके नी चुनलास मान्तर मय तुमके चुनले से आउर तुमके ठेबाले कि तुमी जाऊन भाती फल आना आउर तुमचो फल बनुन रओ, कि तुमी मोचो नाव ले जोन काई बुआ ले मांगा, हुन तुमके देये दे।

परमेस्वर को सच्चो वचन ख जाननू

¹⁶ तुम न मोखा नी चुनियो पर मी न तुमका चुनो हैं अर तुमका ठहरायो कि तुम जाका फल लाव अर तुमरो फल बनो रहे, कि तुम मोरो नाम से जे कुछ परमेस्वर बाप से माँगे, उ तुमका दे।

यूहन्ना 15:16 ပူးပေါင်းရင်းမြစ်များ

मत्ती 21:22

आउर जोन काई तुमी पारथना ने बिश्वास ले मांगा हुन सपाय तुमके मिरेदे।”

मत्ती 7:7

“मांगा तेबे तुमके दिया जायदे; डगराहा तेबे तुमी पाहासे; ठक-ठकाहा, तेबे तुमचो काजे उगाढ़ा जायदे।

लूका 6:13

जिदलदाय दिन होली तेबे हुन आपलो चेलामन के हाग देऊन भाती हुनमन चो थानले बारा झान के चुनलो, आउर हुनमन के पठालोबिता बल्लो;

यूहन्ना 13:18

“मय तुमी सपाय चो बारे ने नी बोलें; जोन के मय चुनले से, हुनमन के मय जाने; मान्तर ऐ ऐईकाजे आय कि पवितर शास्त्र चो बचन पुरा होओ, ‘जोन मोचो रोटी खाऊ आय, हुन मोचो थाने लात उठालो।’

यूहन्ना 15:19

अगर तुमी संवसार चो होतास, तेबे जगत आपनमन ले मया संगाती; मान्तर ऐई लागुन कि तुमी संवसार चो नुआस, मान्तर मय तुमनमन के संवसार थानले चुनले से, ऐईकाजे संवसार तुमचो ले बईर संगाऊ आय।

यूहन्ना 15:5

मय अंगुर डीरा आय: तुमी खेंदामन आहास; जोन मोचो ने बनुन रऊ आय आउर मय हुनचो ने, हुन खुबे फल फरू आय, कसनबल्लोने मोचो ले अलग होऊन भाती तुमी काई बले नी करूक सकास।

यूहन्ना 6:70

ईशु हुनमन के जबाप दिलो, “काय मय तुमी बारा झन के नी चुनले? तेबले बले तुमनमन ले गोटक माने शयतान आय।”

प्रेरितो 1:24

आउर ऐ पारथना करला, “हे परबु, तुय जोन सपाय चो मन जानु आस, ऐ उजागर कर कि ऐ मन दुनो ले तुय काके चुनली सीस,

प्रेरितो 1:8

“मान्तर जिदलदाय पवितर आत्मा तुमचो उपरे ऐये दे तेबे तुमी सामरत पाआ से; आउर यरूशलेम आउर सपाय यहूदिया आउर सामरिया ने, आउर धरतनी चो कोना-कोना ले मोचो गोहई हुआ से।”

प्रेरितो 10:41

सपाय लोगमन उपरे नाई मान्तर हुन गोहईमन उपरे जोनमन के माहापुरू पयले ले चुनुन रलो, बल्लोने आमचो उपरे जोनमन हुनचो मरलो बितामन थानले जीव उठलोर पाचे हुनचो संगे खादला-पिवला;

प्रेरितो 22:14

तेबे हुन बल्लो, आमचो बुआ दादीमन चो माहापुरू तुके ऐईकाजे ठेबालो से कि तुय हुनचो इच्छा के जान, आउर हुन धरमी के दक आउर हुनचो मुंह ले गोठमन सुन।

प्रेरितो 9:15

मान्तर परबु हुनचो ले बल्लो, तुय जाते जा; कसनबल्लोने हुन तो दुसर जातिमन आउर राजामन आउर इस्राएलीमन चो पुरे मोचो नाव परकट करतो काजे मोचो चुनलो बरतन आय।

रोमियो 1:13

हे भाईमन, मय नी चाहायें कि तुमी ऐचो ले अनजान राहा कि मय घन-घन तुमचो लगे ऐतोर चाहले, कि जसन मोके दुसर जातिमन ने फल मिरली, असने ची तुमचो ने बले मिरो, मान्तर ऐबले ठेबाया गेले।

रोमियो 1:5

हुनचो बाटले आमके अनुग्रह आउर पठालोबिता चो काम मिरली कि हुनचो नाव चो कारन सपाय जातिमन चो लोग बिश्वास करून हुनचो मानोत,

रोमियो 15:4

जितरो गोठमन पयले ले लिकाय गेली, हुनमन आमचो ची सिक्या चो काजे लिकलोर आसे कि आमी धीरज आउर पवितर शास्त्र चो प्रोत्साहन दुवारा आशा संगाऊ।

रोमियो 9:21

काय कुमार के माटी थाने अधिकार निआय कि गोटक ची गोंदा माटी थानले गोटक बरतन मान चो काजे आउर दुसर के मान नी करतोर काजे बनाओ?

1 कुरिन्थियो 10:11

मान्तर ऐ सपाय गोठमन, जोन हुनमन उपरे पढ़ली, कहनी चो रीति थाने रली; आउर हुनमन आमचो चेता तो काजे जोन जगत चो आखरी समया ने रऊ आत लिका गेली से।

गलातियो 1:15

मान्तर माहापुरू चो, जोन मोचो आया चो पेट ले ची मोके ठेबालो आउर आपलो अनुग्रह ले हाग दिलो,

इफिसीयो 2:10

कसनबल्लोने आमी हुनचो बनालोर आव, आउर मसीह ईशु ने हुन अच्छा काममन चो काजे बनाया गेलु जोनमन के माहापुरू पयले ले आमचो करतो काजे तिआर करलो।

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

कुलुस्सियो 1:6

जोन तुमचो लगे पहुँचली से, आउर जसन जगत ने बले फर आनुन आउर बाड़ते जाऊ आय, असने ची जोन दिन ले तुमी हुनके सुनलास आउर सत ले माहापुरू चो अनुग्रह चितालासास, तुमचो ने बले असने ची करू आय।

1तीमुथियुस 2:7

मय सत बलेंसें, झूठ नी बोलें कि मय ऐई बिचार ले परचारक आउर पठालोबिता आउर दुसर जातिमन चो काजे बिश्वास आउर सत चो उपदेशक ठेबाय गेलो।

2 तीमुथियुस 1:11

जेचो काजे मय परचारक, आउर पठालोबिता, आउर उपदेशक बले ठेबले।

2 तीमुथियुस 2:2

आउर जोन गोठमन तुय खुबे असन गोहईमन चो पुरे मोचो ले सुनली सीस, हुनमन के बिश्वासी मानेमन के सोपुन देस; जोन दुसर के बले सिकातोर लायक होओ।

तीतुस 1:5

मय ऐईकाजे तुके क्रेते ने छांडुन ऐऊन रले कि तुय बाकी गोठमन के सुधार, आउर मोचो हुकुम चो अनुसार नंगर-नंगर सियानमन के नियुक्त करो।

इब्रानियो 11:4

बिश्वास ची ले हाबिल कैन ले बड़ीया बलिदान माहापुरू चो काजे चेगालो, आउर हुनचेई दुवारा हुनचो धरमी होतोर गोहई बले दिया गेली, कसनबल्लोने माहापुरू हुनचो भेटमन चो बारे गोहई दिलो; आउर हुनचेई दुवारा हुन मरलो थानले बले ऐबे ले गोठयाऊ आय।

याकूब 3:18

मिलाप करातो बितामन चो काजे धारमिकता चो फल शान्ति चो संगे बुना जाऊ आय।

1 पतरस 3:15

मान्तर मसीह के परबु जानुन भाती आपलो-आपलो मन ने पवितर माना। जोन कोनी तुमचो ले तुमचो आशा चो बारे ने काई पचार दे, हुनके जबाप देतो काजे हरमेशा तिआर राहा, मान्तर नम्रता आउर भय चो संगे;

1 पतरस 3:2

तेबे बले तुमचो भय संगे पवितर चाल-चलन के दकुन भाती बिना बचन चो आपलो-आपलो बायले चो चाल-चलन दुवारा झिका जाओ

1यूहन्ना 4:10

मया ऐ थाने निआय कि आमी माहापुरू ले मया करलु, मान्तर ऐ थाने आसे कि हुन आमके मया करलो आउर आमचो पापमन चो पशतावा चो काजे आपलो बेटा के पठालो।

1यूहन्ना 4:19

आमी ऐईकाजे मया करू आंव, कि पयले हुन आमचो ले मया करलो।