यूहन्ना 15:14 - Halbi

¹⁴ जोन हुकुम मय तुमके देंयें से, अगर हुनके माना तेबे तुमी मोचो मीत आहास।

परमेस्वर को सच्चो वचन ख जाननू

¹⁴ जो हुकुम मी तुमका देऊ हैं, अदि तुम ओखा माने ते तुम मोरा दोस्त आय।

यूहन्ना 15:14 ပူးပေါင်းရင်းမြစ်များ

मत्ती 12:50

कसनबल्लोने जोन कोनी मोचो सरग चो बुआ चो इच्छा थाने चले दे, हुनी मोचो भाई, आउर मोचो भईन, आउर मोचो आया आय।”

लूका 12:4

“मय तुमचो ले जोन मोचो मीत आहास बलें सें कि जोन देंह के घात करे सोत मान्तर हुनचो पाटे आउर काई नी करूक सकोत, हुनमन ले नी डरा।

यूहन्ना 13:17

तुमी ऐ गोठमन जानेसास, आउर अगर हुन थाने चला से तो धन्य आस।

यूहन्ना 14:15

“अगर तुमी मोचो ले मया संगाऊ आस, तेबे मोचो हुकुममन के माना से।

यूहन्ना 14:21

जेचो लगे मोचो हुकुममन आसे आउर हुन हुनमन के मानु आय, हुनी मोचो ले मया संगाऊ आय; आउर जोन मोचो ले मया संगाऊ आय हुनचो ले मोचो बुआ मया संगाय दे, आउर मय हुनचो ले मया संगायें दें आउर आपन खुद के हुन थाने उजागर करें दें।”

यूहन्ना 14:28

तुमी सुनलासास कि मय तुमचो ले बल्ले, ‘मय जायें सें, आउर तुमचो लगे फेर ऐयें दें।’ अगर तुमी मोचो ले मया संगातास, तेबे ऐ गोठ ले हरिक होतास कि मय बुआ चो लगे जायें सें, कसनबल्लोने बुआ मोचो ले बड़े आय।

यूहन्ना 2:5

ईशु चो आया सेवकमन ले बल्ली, “जोन काई हुन तुमचो ले बले दे, हुनी करा।”

याकूब 2:23

आउर पवितर शास्त्र चो ऐ बचन पुरा होली, “अब्राहाम माहापुरू चो बिश्वास करलो, आउर ऐ हुनचो काजे धारमिकता गेना गेली;” आउर हुन माहापुरू चो मीत बलाय होलो।

1यूहन्ना 5:3

कसनबल्लोने माहापुरू ले मया संगातोर ऐ आय कि आमी हुनचो हुकुममन के मानु; आउर हुनचो हुकुममन मशकिल नुआय।