यूहन्ना 14:31 - Halbi

³¹ मान्तर ऐ ऐईकाजे हऊ आय कि संवसार जानो कि मय बुआ ले मया संगाऊ आंय, आउर जसन बुआ मोके हुकुम दिलो मय असने ची करू आंय। उठा, ऐथा ले जो।

परमेस्वर को सच्चो वचन ख जाननू

³¹ पर यु एकोलाने होवा हैं कि दुनिया जाने कि मी परमेस्वर बाप से प्रेम करुँ हैं, अर जसो परमेस्वर बाप न मोखा हुकुम दियो हैं मी वसो ही करुँ हैं। उठो, येमा से चले।

यूहन्ना 14:31 ပူးပေါင်းရင်းမြစ်များ

मत्ती 26:39

फेर हुन खिन्डिक आउर पुरे जाऊन भाती पाटा पडुन घसरलो, आउर ऐ पारथना करलो, “हे मोचो बुआ, अगर होऊक सके तो ऐ बटका मोचो ले गुचुन जाओ, तेबले बले जसन मय मन करें से असन नाई, मान्तर जसन तुय मन कर सीस असने होओ।”

मत्ती 26:46

उठा, जांव; दका, मोचो धरातो बिता लगे अमरलो से।”

लूका 12:50

मोके तो गोटक डूबन धरतोर आय, आउर जिदलदाय ले हुन नी होये हुदलदाय ले मय कसन हाल ने रयेंदे!

यूहन्ना 10:18

कोनी हुनके मोचो ले झिकु नुआत, मान्तर मय हुनके खुद ची देऊ आंय। मोके हुनके देतोर बले अधिकार आसे। आउर हुनके फेर ले धरतोर बले अधिकार आसे। ऐ हुकुम मोचो बुआ ले मोके मिरली से।”

यूहन्ना 12:27

“अदायं मोचो जीव बाय बिकाल होये से। ऐईकाजे अदायं मय काय बोलु आंय? ‘हे बुआ, मोके ऐ समया ले बचाव?’ कसनबल्लोने मय ऐई लागुन ऐ समया ने अमरले से।

यूहन्ना 12:49

कसनबल्लोने मय आपलो बाटले गोठ नी गोठया यें; मान्तर बुआ जोन मोके पठालो से हुनी मोके हुकुम दिलो से कि काय-काय बलेंदें आउर काय-काय सांगेंदें?

यूहन्ना 13:1

फसह चो परब ले पयले, जिदलदाय ईशु जानलो कि मोचो हुन घड़ी ऐऊन अमरली से कि जगत छांडुन भाती बुआ चो लगे जायें दें, तेबे आपलो लोगमन ले जोन जगत ने रवत जसन मया हुन संगाते रये, आखरी ले असने ची मया संगाते रलो।

यूहन्ना 15:9

जसन बुआ मोचो ले मया संगालो, असने ची मय तुमचो ले मया संगाले; मोचो मया ने बनुन राहा।

यूहन्ना 18:11

तेबे ईशु पतरस ले बल्लो, “आपलो खंडा मयान ने संगाव। जोन बटका बुआ मोके दिलो से, काय मय हुनके नी पियें?”

यूहन्ना 4:34

ईशु हुनमन ले बल्लो, “मचो भात ऐ आय कि आपलो पठालो बिता चो इच्छा चो अनुसार चलें दें आउर हुनचो काम पुरा करेंदे।

फिलिप्पियो 2:8

आउर माने चो रूप ने परकट होऊन भाती आपन खुद के दिन करलो, आउर ऐथा ले हुकुम मानु रलो कि मरना, हव, कुरूस चो मरना बले सहलो।