यूहन्ना 14:30 - Halbi

³⁰ मय अदायं तुमचो संगे आउर खुबे गोठमन नी करें दें, कसनबल्लोने ऐ संवसार चो सरदार ऐये से। मोचो उपरे हुनचो काई निआय;

परमेस्वर को सच्चो वचन ख जाननू

³⁰ मी अब तुमरो संग जादा बात हुन नी करन को, काहेकि या दुनिया को मुखिया आवा हैं। मोरो ऊपर ओको कुछ हक नी हाय;

यूहन्ना 14:30 ပူးပေါင်းရင်းမြစ်များ

लूका 1:35

सरगदूत हुनके जबाप दिलो, “पवितर आत्मा तुचो उपरे उतरे दे, आउर परमपरधान चो सामरत तुचो उपरे छांय करेंदे; ऐईकाजे हुन पवितर जोन पयदा होतो बिता आय, माहापुरू चो बेटा बलाय जायेदे।

लूका 22:53

जिदलदाय मय मंदिर ने रोजे दिना तुमचो संगे रले, तेबे तुमी मोचो उपरे हाथ नी लगालास; मान्तर ऐ तुमचो समया आय, आउर अंधार चो अधिकार आसे।”

यूहन्ना 12:31

अदायं ऐ संवसार चो नियाय होऊ आय, अदायं ऐ संवसार चो सरदार निकराऊन दिया जाये दे;

प्रेरितो 1:3

आउर हुन दुख उठालोर पाचे खुबे असन पक्का सबुतमन ले आपन खुद के हुनमन के जीवता दकालो, आउर चालीस दिन ले हुन हुनमन के दका देते रलो, आउर माहापुरू चो राज चो गोठमन करते रलो।

2 कुरिन्थियो 4:4

आउर हुन बिश्वासिमन काजे, जेचो अकल ऐ संवसार चो ईश्पर आन्दा करून दिलो से, बल्ले मसीह जोन माहापुरू चो सवरूप आय, हुनचो तेजमय नगतखबर चो उजर हुनमन उपरे नी बरो।

2 कुरिन्थियो 5:21

जोन पाप ले अनजान रये, हुनी के हुन आमचो काजे पाप ठेबालो कि आमी हुन थाने होऊन भाती माहापुरू चो धारमिकता बनुन जाऊं।

इफिसीयो 2:2

जोन थाने तुमी पयले ऐ संवसार चो रीति थाने, आउर बादरी चो अधिकार चो हाकिम बल्लोने हुन आत्मा चो अनुसार चलते राआस, जोन ऐबे बले हुकुम नी मानतो बितामन ने कामकरू आय।

इफिसीयो 6:12

कसनबल्लोने आमचो ऐ लड़ीई लऊ आउर मास ले नुआय मान्तर परधानमन ले, आउर अधिकारीमन ले, आउर ऐ संवसार चो अंधार चो हाकिममन ले आउर हुन दुष्टता चो आत्मिक पलटनमन ले आय जोन बादरी ने आसोत।

कुलुस्सियो 1:13

हुनी आमके अंधार चो बश ले छंड़ाऊन भाती आपलो लाड़रा बेटा चो राज ने परवेश करालो,

इब्रानियो 4:15

कसनबल्लोने आमचो असन माहायाजक नुआय जोन आमचो कमजोरीमन ने आमचो संगे दुकी नी होऊक सको; मान्तर हुन सपाय गोठमन ने आमचो असन परका तो गेलो, तेबे बले पाप नी निकरली।

इब्रानियो 7:26

आउर असने ची माहायाजक आमचो लायक रलो जोन पवितर, आउर निष्कपट, आउर निंगल, आउर पापीमन ले अलग, आउर सरग ले बल्ले ऊँचा करलो बिती होओ।

1 पतरस 1:19

मान्तर बेकसूर आउर निसकलंक मेमना, बल्लोने मसीह चो बड़े मोल लऊ चो दुवारा होली।

1 पतरस 2:22

ना तो हुन पाप करलो आउर ना हुनचो मुंह ले छंद चो कोनी गोठ निकरली।

1यूहन्ना 4:4

हे लेकामन, तुमी माहापुरू चो आहास, आउर तुमीमन हुन थाने जय पावलासास, कसनबल्लोने जोन तुमचो थाने आसे हुन हुनचो ले जोन संवसार ने आसे, बड़े आय।

1यूहन्ना 5:18

आमी जानु से, कि जोन कोनी माहापुरू ले उपजास होला से, हुन पाप नी करे; मान्तर जोन माहापुरू ले उपजास होलो, हुनके हुन बचाऊन संगाऊ आय, आउर हुन दुष्ट हुनके छिंऊक नी सके।

1यूहन्ना 5:19

आमी जानु से कि आमी माहापुरू ले आंव, आउर सपाय संवसार हुन दुष्ट चो वश ने पढ़ली से।

प्रकाशितवाक्य 12:9

तेबे हुन बड़े बोड़ासाप, बल्लोने हुनी जुना सांप जोन इबलीस आउर शयतान बोला जाऊ आय आउर पुईतराय संवसार चो भरमातो बिता आय, धरतनी थाने घसराऊन दिया गेलो, आउर हुनचो दूत हुनचो संगे घसराऊन दिया गेला।